Jeremiaz 17:24 - Bibl Koad 21: Ar Bibl e Brezhoneg evit ar Vretoned

²⁴ Met mar selaouit ouzhin gant evezh, eme an AOTROU, ha na rit tremen bec'h ebet dre zorojoù ar gêr-mañ da zeiz ar sabad, mar santelait deiz ar sabad en ur chom hep ober labour ebet ennañ,

Jeremiaz 17:24 Referencias Cruzadas

Ermaeziadeg 15:26

Lavarout a reas: Mar selaouez gant evezh mouezh an AOTROU da Zoue, mar rez ar pezh a zo reizh dirak e zaoulagad, mar roez skouarn d'e c'hourc'hemennoù ha mar mirez e holl lezennoù, ne roin ket dit hini ebet eus ar c'hleñvedoù am eus lakaet war an Ejipt, rak me eo an AOTROU a yac'ha ac'hanout.

Ermaeziadeg 20:8

Az pez soñj eus deiz ar sabad evit e santelaat;

Izaia 21:7

Hag e welas ur c'harr, marc'hegerien daou-ha-daou, ur c'harr gant ezen, ur c'harr gant kañvaled, hag e selaouas gant evezh bras,

Izaia 55:2

Perak e pouezit arc'hant evit ar pezh n'eo ket bara? Perak e labourit evit ar pezh na leugn ket? Selaouit ouzhin hag e tebrot ar pezh a zo mat, hag hoc'h ene a vo plijet gant ar pezh a zo gwellañ.

Ezekiel 20:20

Santelait va deizioù sabad, a vint un arouez etrezon-me ha c'hwi, evit ma ouiot ez on me an AOTROU ho Toue.

Zakaria 6:15

Hag ar re a zo pell a zeuio hag a labouro da sevel templ an AOTROU, hag e ouiot ez on bet kaset d'ho kavout gant AOTROU an armeoù. Kement-se a c'hoarvezo mar selaouit gant evezh mouezh an AOTROU ho Toue.

Adlezenn 11:13

Mar sentit ouzh ar gourc'hemennoù a gemennan deoc'h hiziv, mar karit an AOTROU ho Toue o servijañ anezhañ eus hoc'h holl galon hag eus hoc'h holl ene,

Adlezenn 11:22

Mar mirit an holl c'hourc'hemennoù am eus kemennet deoc'h, ma rit diouto evit karout an AOTROU ho Toue, evit kerzhout en e holl hentoù hag evit en em stagañ outañ,