Jeremiaz 14:3 - Bibl Koad 21: Ar Bibl e Brezhoneg evit ar Vretoned

³ Ar re vras en o zouez a gas ar re vihan da gerc'hat dour; mont a reont d'ar puñsoù-glav ha ne gavont ket a zour. Neuze e tistroont gant o listri goullo, mezhek ha pinous, goleiñ a reont o fenn.

Jeremiaz 14:3 Referencias Cruzadas

2 Samuel 15:30

David a bigne dre grec'hienn an Olived, hag en ur bignat e ouele; e benn a oa goloet, hag e kerzhe diarc'hen. An holl bobl a oa gantañ a bigne, goloet ganto o fenn, hag en ur bignat e ouelent.

2 Samuel 19:4

Ar roue en doa goloet e zremm, hag ar roue a grie a vouezh uhel: Va mab Absalom! Absalom va mab! Va mab!

1 Rouaned 17:7

Met a-benn ur pennad, e c'hoarvezas ma oa aet da hesk ar froud, dre ma ne oa ket bet glav er vro.

2 Rouned 18:31

Na selaouit ket Ezekiaz, rak evel-henn e lavar roue Asiria: Grit ar peoc'h ganin ha deuit da'm c'havout, hag e tebro pep hini ac'hanoc'h eus e winienn ha pep hini eus e fiezenn, hag ec'h evo pep hini dour e buñs,

Ester 6:12

Goude-se, Mardoke a zistroas da zor ar roue, hag Haman en em dennas buan d'e di, gwall c'hlac'haret, goloet e benn.

Levr Job 6:20

Mezhek int da vezañ bet fiziañs, droukvesket int pa erruont.

Salmoù 109:29

Ra vo va enebourien gwisket a zismegañs, ha goloet gant o mezh evel gant ur vantell!

Salmoù 40:14

AOTROU, ra blijo dit va dieubiñ! AOTROU, deus buan da'm sikour!

Jeremiaz 14:4

En abeg d'an douar skarnilet, pa n'eus ket bet a c'hlav er vro, al labourerien-douar a zo mezhek, goleiñ a reont o fenn.

Jeremiaz 15:18

Perak ez eo va foan dibaouez? Perak ez eo va gouli dibare, ha ne fell ket dezhi yac'haat? Hag e vefes evidon evel ur vammenn douellus, evel doureier na c'heller ket fiziañ enno?

Jeremiaz 2:13

Rak va fobl he deus graet div wech an droug: va dilezet o deus, me, mammenn an dour a vuhez, ha kleuzet o deus evito puñsoù, puñsoù skalfet na zalc'hont ket an dour.

Jeremiaz 2:37

Ac'hane ivez e teui, da zaouarn war da benn, rak an AOTROU en deus distaolet ar re a fiziez enno, ha ne ri ket berzh en o c'hichen.

Jeremiaz 20:11

Met an AOTROU a zo ganin evel ur pennden galloudus ha spontus, setu perak e kouezho va heskinerien, ne drec'hint ket, ha dre ma n'o devo ket graet gant furnez, e vint mezhek, ruziañ a raint gant ur vezh peurbadus.

Jeremiaz 3:3

Setu perak eo bet dalc'het ar c'haouadoù, ha n'eus ket bet glav an diwezhañ amzer. Ha tal ur ribodez ac'h eus bet, n'eo ket fellet dit kaout mezh.

Klemmganoù 4:4

Teod ar vagadell a zo staget ouzh e staoñ gant ar sec'hed. Ar vugaligoù a c'houlenn bara, ha den ne ro dezho.

Ozea 2:3

gant aon n'he diwiskfen en noazh, ha na lakafen anezhi evel da zeiz he ganedigezh, ha n'he lakafen heñvel ouzh ur gouelec'h hag ouzh un douar kras, ha na rafen dezhi mervel gant ar sec'hed,

Joel 1:20

Loened ar parkeier a gri ivez war-zu ennout, rak ar gwazhioù-dour a zo disec'het, hag an tan en deus devet peurvanoù ar gouelec'h.

Amoz 4:7

Dinac'het em eus ivez ar glav ouzhoc'h pa chome c'hoazh tri miz betek an eost. Lakaet em eus da c’hlavañ war ur gêr, ha ne'm eus ket lakaet da c’hlavañ war ur gêr all; ur park en deus bet glav, hag ur park all n'en deus ket bet glav hag en deus disec'het.

Amoz 4:8

Div, teir c'hêr a zo aet etrezek ur gêr all da evañ dour, ha n'o deus ket bet o gwalc'h. Ha n'oc'h ket distroet ouzhin, eme an AOTROU.

Zakaria 14:17

Ha mar bez unan bennak eus tiegezhioù an douar ha ne bigno ket da Jeruzalem evit stouiñ dirak ar Roue, AOTROU an armeoù, ne vo ket glav evitañ.