Jeremiaz 13:22 - Bibl Koad 21: Ar Bibl e Brezhoneg evit ar Vretoned

²² Ha mar lavarez ez kalon: Perak e c'hoarvez ganin an traoù-se? En abeg da vraster da zireizhder eo adsavet pastelloù da zilhad ha gwallgaset da seulioù.

Jeremiaz 13:22 Referencias Cruzadas

Izaia 20:4

evel-se roue Asiria a gaso gantañ sklaved eus Ejipt ha re zalc'het eus Etiopia, yaouank ha kozh, en noazh ha divotoù, gant o feskennoù dizolo, ur vezh evit an Ejipt.

Izaia 3:17

an AOTROU a lakaio moal pennoù merc'hed Sion, an AOTROU a zizoloio o noazhder.

Izaia 47:8

Bremañ eta selaou kement-mañ, te an hini blijus a zo o chom disoursi, hag a lavar ez kalon: Me ha nikun all ebet; ne zeuin ket da vezañ intañvez, n'anavezin ket kañvoù a vugale!

Jeremiaz 13:26

Me eta ivez a savo pastelloù da zilhad war da zremm, ha da vezh a vo diskouezet.

Jeremiaz 14:16

Hag ar bobl a brofedont dezhi a vo taolet e straedoù Jeruzalem dre an naonegezh ha dre ar c'hleze, ha ne vo den da sebeliañ anezho, nag int nag o gwragez nag o mibien nag o merc'hed, hag e skuilhin warno o drougiezh.

Jeremiaz 5:19

Hag e lavarint: Perak en deus an AOTROU hon Doue graet an holl draoù-se deomp? Hag e lavari dezho: Evel ma hoc'h eus va dilezet ha ma hoc'h eus servijet doueoù estren en ho pro, evel-se e servijot diavaezidi en ur vro na vo ket deoc'h.

Klemmganoù 1:8

Jeruzalem he deus gwall bec'het, setu perak ez eo deuet da vezañ un heug. An holl re hec'h enore a zispriz anezhi, rak gwelet o deus he noazhder. Hi hec'h-unan a hirvoud hag a zistro he fenn.

Ezekiel 23:26

Diwiskañ a raint da zilhad dit, hag e lamint kuit da vragerizoù a lakaez.

Ozea 12:8

Efraim a zo ur marc’hadour en deus balañsoù faos en e zaouarn. Plijout a ra dezhañ touellañ.

Ozea 2:10

Ha bremañ e tizoloin he mezhegezh dirak daoulagad hec'h amourouzien, ha nikun n'he dieubo diouzh va dorn.

Ozea 2:3

gant aon n'he diwiskfen en noazh, ha na lakafen anezhi evel da zeiz he ganedigezh, ha n'he lakafen heñvel ouzh ur gouelec'h hag ouzh un douar kras, ha na rafen dezhi mervel gant ar sec'hed,

Ozea 2:5

O mamm he deus gastaouet, an hini he deus o c'hoñsevet a zo en em dizenoret, rak lavaret he deus: Mont a rin war-lerc'h va amourouzien, a ro din va bara ha va dour, va gloan ha va lin, va eoul ha va evaj.

Nahum 3:5

Setu em eus droug ouzhit, eme AOTROU an armeoù, sevel a rin pleg da sae war da zremm, hag e tiskouezin da noazhder d'ar broadoù, ha da vezh d'ar rouantelezhioù.

Sofonia 1:12

Hag e c'hoarvezo en amzer-se ma furchin Jeruzalem gant lampoù, ha ma kastizin he zud en em stag war o lec'hidenn hag a lavar en o c'halonoù: An AOTROU ne raio na mad na droug.

Adlezenn 18:21

Mar lavarez ez kalon: Penaos ec'h anavezimp ar gomz ha n'eo ket bet lavaret gant an AOTROU?

Adlezenn 7:17

Mar lavarez ez kalon: Ar pobloù-se a zo niverusoc'h egedon, penaos e c'hellin o kas kuit?

Adlezenn 8:17

Ra ne lavari ket ez kalon: Va nerzh ha galloud va dorn o deus prenet din ar madoù-se.