Izaia 9:9 - Bibl Koad 21: Ar Bibl e Brezhoneg evit ar Vretoned

⁹ Kouezhet eo ar brikennoù, met gant mein-ben e savimp! Troc'het eo bet ar gwez-sikomor, met gwez-sedrez a lakaimp en o lec'h!

Izaia 9:9 Referencias Cruzadas

1 Rouaned 22:25

Mika a respontas: Kement-se a weli en deiz ma'z i eus kambr da gambr da guzhat.

Krennlavarioù 16:18

An ourgouilh a gas dirak an distruj, hag ur spered lorc'hus dirak an diskar.

Izaia 26:11

AOTROU, da zorn a zo savet uhel, ne welont ket anezhañ, met mar gwelont da c'hred evit da bobl, neuze e vint mezhekaet, hag an tan miret evit da enebourien a lonko anezho.

Izaia 28:1

Gwalleur da gurunenn lorc'hus mezvierien Efraim, d'ar bleuñv gweñvet a zo e wiskamant kaerañ hag a zo a-us da draonienn strujus an dud mezevellet gant gwin.

Izaia 28:3

Mac'het e vo gant an treid kurunenn lorc'hus mezvierien Efraim.

Izaia 46:12

Selaouit ouzhin, tud kaledet a galon ha pellaet diouzh ar reizhder!

Izaia 48:4

Rak gouzout a raen e oas kaledet, e oa da c'houzoug ur sparl-houarn, ha da dal un tamm-arem,

Izaia 7:2

Hag e voe lavaret da di David: Kevrediñ a ra Siria gant Efraïm. Kalon Akaz ha kalon e bobl a voe brañsellet, evel ma vez brañsellet gwez ar c'hoadoù gant an avel.

Izaia 9:8

Ar bobl a-bezh en devo anaoudegezh a gement-se, Efraim ha tud Samaria, ar re a lavar gant lorc'h ha rogentez en o c'halon:

Jeremiaz 32:24

Setu ez eo savet tosennoù a-enep kêr evit he zapout, hag ar gêr a vo lakaet etre daouarn ar Galdeiz a ra brezel outi gant ar c'hleze, an naonegezh hag ar vosenn. Ar pezh ac'h eus lavaret a zo c'hoarvezet, hag e welout a rez.

Ezekiel 30:19

Ober a rin va barnedigezhioù war an Ejipt, hag e ouezint ez on me an AOTROU.

Ezekiel 33:33

Ha pa c'hoarvezo an traoù-mañ, ha setu e teuont, e ouezint ez eus bet ur profed en o zouez.

Ezekiel 7:27

Ar roue a zougo kañvoù, ar priñs a wisko dic'hoanag, daouarn pobl ar vro a greno. Ober a rin dezho hervez o hentoù, hag o barnin hervez o barnedigezhioù, hag e ouezint ez on me an AOTROU.

Ezekiel 7:9

Va lagad n'esperno ket ac'hanout, hag e vin didruez, hag e lakain warnout da hentoù, da euzhusterioù a vo en da greiz, hag e ouiot ez on me an AOTROU a sko.

Ozea 8:14

Israel en deus ankounac'haet an hini en deus e grouet, hag e sav palezioù. Ha Juda en deus savet meur a gêr greñv. Met me a gaso e kêrioù hemañ un tan a lonko palezioù hennezh.

Malaki 1:4

Mar lavar Edom: Distrujet omp, met adsevel a raimp an dismantroù! Evel-henn e komz AOTROU an armeoù: Sevel a raint, met me a ziskaro, hag e vint anvet: bro an drougiezh, ar bobl ma'z eo kounnaret an AOTROU en hec'h enep da viken.

Malaki 3:13

Ho komzoù a zo garv a-enep din, eme an AOTROU. Hag e lavarit: Petra hon eus lavaret a-enep dit?

Malaki 4:1

Rak setu e teu an deiz gwrezus evel ur forn; hag an holl re lorc'hus hag an holl re a ra an droug a vo evel plouz. An deiz-se a zo o tont hag o entano, eme AOTROU an armeoù, ha ne lezo ganto na gwrizienn na skourr.

1 Pêr 5:5

En hevelep doare, tud yaouank, sentit ouzh an henaourien. En em wiskit a izelegezh, o plegañ holl an eil d’egile, rak: Doue a harp ouzh ar re ourgouilhus, met reiñ a ra gras d’ar re uvel.