Izaia 5:12 - Bibl Koad 21: Ar Bibl e Brezhoneg evit ar Vretoned

¹² An delenn, al lud, an daboulin, ar fleüt, hag ar gwin a zo en o festoù. Ne daolont ket evezh ouzh oberenn an AOTROU, ne welont ket labour e zaouarn.

Izaia 5:12 Referencias Cruzadas

Geneliezh 31:27

Perak ez out aet kuit e kuzh, ec'h eus va zouellet ha ne'c'h eus ket kemennet ac'hanon? Ambrouget em bije ac'hanout gant levenez ha gant kanaouennoù da son an taboulinig hag an delenn.

2 Samuel 19:35

Oadet on hiziv a bevar-ugent vloaz. Ha gellout a c'hellfen disheñvelaat ar mad diouzh an droug? Da servijer, ha blasaat a rafe ar pezh a zebrfe hag a evfe? Ha gellout a c'hellfen c'hoazh klevout mouezh ar ganerien hag ar c'hanerezed? Perak e vefe c'hoazh da servijer ur bec'h evit ar roue va aotrou?

Levr Job 34:27

dre ma'z int en em zistroet dioutañ, ha n'o deus prederiet hini ebet eus e holl hentoù,

Salmoù 28:5

Rak ne daolont ket evezh ouzh oberoù an AOTROU, nag ouzh labour e zaouarn. O diskar a raio ha n'o adsavo ken.

Izaia 22:13

setu joa ha levenez, lazhañ a reer ejened, lazhañ a raed deñved, debriñ a raed kig, evañ a raed gwin, o lavarout: Debromp hag evomp, rak warc'hoazh e varvimp!

Izaia 24:8

Paouezet eo levenez an taboulinoù, echuet eo trouz ar re a laouenae, paouezet eo levenez an delenn.

Izaia 29:1

Gwalleur da Ariel, da Ariel, ar gêr ma kampas David enni! Lakait bloaz war vloaz, ra vo lazhet an aberzhoù.

Izaia 5:19

hag a lavar: Ra hasto, ra vuanaio e oberenn, evit ma welimp anezhi! Ra dostaio, ra zeuio mennad Sant Israel, evit ma'c'h anavezimp anezhañ!

Izaia 56:12

hag e lavaront: Deuit, mont a ran da gerc'hat gwin, en em vezvomp gant evajoù kreñv, hag e vo warc'hoazh evel hiziv ha kalz muioc'h c'hoazh.

Ezekiel 26:13

Hag e lakain da baouez trouz da ganaouennoù; ha son da delennoù ne vo ket klevet.

Daniel 5:23

Met en em uhelaet out a-enep Aotrou an neñvoù hag eo bet degaset dirazout listri ti Doue, evet hoc'h eus gwin enno, te, da re vras, da wragez ha da serc'hed. Meulet ec'h eus an doueoù aour, arc'hant, arem, houarn, koad ha mein, na welont ket, na glevont ket ha n'anavezont ket, ha ne'c'h eus ket roet gloar d'an Doue emañ en e zorn da c'hwezh ha da holl hentoù.

Sant Lucas 16:19

Bez’ e oa un den pinvidik en em wiske gant limestra ha lin fin, hag a veve bemdez en un doare pompadus.

1 Korintiz 14:7

Ma ne zeu ket an traoù divuhez a ra ur son, evel ar fleüt pe an delenn, da reiñ sonioù disheñvel, penaos ec’h anavezot ar pezh a zo c’hoariet gant ar fleüt pe gant an delenn?

S. Jud 1:12

Sklosennoù int en ho predoù a garantez pa zebront ganeoc’h oc’h en em vagañ o-unan hep dalc’hidigezh ebet. Int a zo koabrennoù hep dour kaset amañ hag ahont gant an avelioù, gwez difrouezh e dilerc’h an diskar-amzer marv div wech ha diwriziennet,

1 Samuel 12:24

Doujit hepken an AOTROU ha servijit-eñ e gwirionez hag a holl galon, rak gwelit an traoù bras en deus graet en ho keñver.