Izaia 43:3 - Bibl Koad 21: Ar Bibl e Brezhoneg evit ar Vretoned

³ Rak me eo an AOTROU da Zoue, Sant Israel, da Salver, roet em eus an Ejipt evit da zaspren, Etiopia ha Seba ez lec'h.

Izaia 43:3 Referencias Cruzadas

Geneliezh 10:7

Mibien Kush: Saba, Havila, Sabta, Raema ha Sabteka. Mibien Raema: Seba ha Dedan.

Salmoù 72:10

Rouaned Tarsiz hag an inizi a ginnigo dezhañ donezonoù. Rouaned Seba ha Saba a zegaso dezhañ profoù.

Ermaeziadeg 10:7

Servijerien Faraon a lavaras: Betek pegoulz e vo hemañ ur stign deomp? Lez an dud-se da vont kuit ha ma servijint an AOTROU o Doue. Ha ne welez ket c'hoazh ez eo kollet an Ejipt?

Ermaeziadeg 20:2

Me eo an AOTROU da Zoue, en deus tennet ac'hanout eus bro Ejipt, eus an ti sklavelezh.

Krennlavarioù 11:8

An den reizh a zo dieubet eus an estrenvan, met an hini drouk a gouezh en e lec'h.

Krennlavarioù 21:18

An hini drouk a vo gopr an den reizh, hag an toueller hini ar re eeun.

Izaia 19:20

Kement-se a vo un arouez hag un testeni evit AOTROU an armeoù e bro Ejipt. Rak huchal a raint d'an AOTROU abalamour d'o gwaskerien, hag e kaso dezho ur salver hag un difenner d'o dieubiñ.

Izaia 20:3

Neuze an AOTROU a lavaras: Evel m'en deus kerzhet va servijer Izaia en noazh ha divotoù, ar pezh a zo un arouez hag ur merk a-enep Ejipt hag a-enep Etiopia evit tri bloavezh,

Izaia 30:11

it kuit eus an hent, distroit diwar ar wenodenn, lamit Sant Israel a-zirak hon daoulagad!

Izaia 41:14

Na'z pez ket aon, preñvig Jakob, nemorant eus Israel, da sikour a rin, eme an AOTROU, Sant Israel eo da zasprener.

Izaia 42:8

Me eo an AOTROU, hennezh eo va anv, ne roin ket va gloar da unan all, na va meuleudi d'ar skeudennoù kizellet.

Izaia 43:11

Me eo, me eo an hini a zo an AOTROU, n'eus salver ebet estregedon.

Izaia 45:14

Evel-henn e komz an AOTROU: Labour an Ejipt, gounid an Etiopia, ar re ventek eus Seba, a dremeno etrezek ennout hag a vo dit. Kerzhout a raint war da lerc'h, hag e tremenint chadennet, hag e stouint dirazout, hag ec'h aspedint ac'hanout: Doue n'en em gav nemet ganit, n'eus doue all ebet.

Izaia 45:15

A-dra-sur te eo an Doue hag en em guzh, Doue Israel, ar Salver.

Izaia 45:21

Disklêriit, lakait anezho da zont, en em guzuilhit kenetrezoc'h! Piv en deus roet da glevout an traoù-se abaoe ar penn-kentañ, hag en deus o disklêriet abaoe pell 'zo? Ha n'eo ket me, an AOTROU? N'eus doue all ebet estregedon. Un Doue reizh hag a salv, n'eus ket unan all estregedon.

Izaia 49:26

Lakaat a rin da waskerien da zebriñ o c'hig o-unan, hag en em vezvint gant o gwad evel gant gwin dous. Ha pep kig a ouezo ez on me an AOTROU da Salver, da Zasprener ha Galloudeg Jakob.

Izaia 60:16

Sunañ a ri laezh ar broadoù, sunañ a ri bronn ar rouaned, hag e ouezi ez on me an AOTROU da Salver, da Zasprener ha Galloudeg Jakob.

Izaia 63:8

Lavaret en devoa: Ya, va fobl ez int, mibien na vint ket disleal! Hag eo bet o salver.

Jeremiaz 14:8

Te eo esperañs Israel, e zieuber en amzer an estrenvan, perak e vefes evel un diavaeziad er vro, hag evel ur beajour a zistro evit tremen an noz?

Jeremiaz 16:21

Setu perak e roin da anavezout dezho ar wech-mañ, e roin da anavezout dezho va dorn ha va galloud, hag e ouezint ez eo va anv an AOTROU.

Ezekiel 39:7

Hag e lakain va anv santel da vezañ anavezet e-touez va fobl Israel, ne zisakrin ken va anv santel, hag e ouezo ar broadoù ez on me an AOTROU, Sant Israel.

Ozea 13:4

Ha me eo an AOTROU da Zoue adalek bro Ejipt, ha ne anavezi doue ebet nemedon, n'eus salver ebet nemedon.

Leviegezh 11:44

Rak me eo an AOTROU ho Toue; c’hwi en em santelaio hag e viot santel rak me a zo santel. N’en em lakait ket dic’hlan en abeg da hini ebet eus ar stlejviled a ruz war an douar.

Amoz 9:7

Ha n'oc'h ket evidon evel mibien Etiopia, c'hwi mibien Israel? eme an AOTROU. Ha ne'm eus ket ho lakaet da bignat eus bro Ejipt? hag ar Filistined eus Kaftor? hag ar Siriz eus Kir?

Zakaria 9:9

Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

S. Jud 1:25

da Zoue hor Salver emañ ennañ hepken ar furnez, ra vo gloar, meurdez, nerzh ha galloud, bremañ hag evit ar beurbadelezh! Amen.