Izaia 26:2 - Bibl Koad 21: Ar Bibl e Brezhoneg evit ar Vretoned

² Digorit an dorojoù, ma teuio e-barzh ar vroad reizh, an hini a vir ar fealded.

Izaia 26:2 Referencias Cruzadas

Salmoù 106:5

evit ma welin eurvad da re zibabet, ma laouenain e levenez da bobl, ha ma kavin gloar gant da hêrezh.

Salmoù 118:19

Digorit din dorioù ar reizhder, mont a rin ennoc'h hag e veulin an AOTROU.

Salmoù 118:20

Amañ emañ dor an AOTROU, ar re reizh a yelo enni.

Salmoù 24:7

Dorioù, uhelait ho pennoù, bezit uhelaet, dorioù peurbadus! Hag ar roue a c'hloar a yelo e-barzh!

Ermaeziadeg 19:6

C'hwi a vo din ur rouantelezh a aberzhourien hag ur vroad santel. Setu aze ar c'homzoù a lavari da vibien Israel.

Izaia 45:25

Gant an AOTROU e vo reishaet holl lignez Israel, hag e kavint gloar ennañ.

Izaia 54:14

Startaet e vi er reizhder, pell e vi diouzh ar gwaskerezh, ha na'z po ket da gaout aon, pell e vi diouzh ar spont, rak ne dostaio ket ouzhit.

Izaia 54:17

Arm ebet goveliet a-enep dit ne zeuio da vat, ha pep teod a savo er varn ez enep a gondaoni. Evel-se eo hêrezh servijerien an AOTROU, diganin o devo o reizhder, eme an AOTROU.

Izaia 58:8

Neuze da sklêrijenn en em ziskouezo evel gouloù-deiz, da yec'hed a ziwano buan, da reizhder a yelo dirazout, ha gloar an AOTROU a vo da ward a-dreñv.

Izaia 60:11

Da zorojoù a vo dalc'hmat digor, ne vint serret na deiz na noz, evit lakaat da vont ennout pinvidigezhioù ar broadoù hag o rouaned a vo degaset di.

Izaia 60:18

Ne vo ken klevet komz eus feulster ez pro, nag eus gwastoù nag eus distruj e-barzh da harzoù, met envel a ri da vogerioù: Silvidigezh, ha da zorojoù: Meuleudi.

Izaia 60:21

Ar re eus da bobl a vo holl reizh, perc'hennañ a raint ar vro da viken. Ar vroustenn am eus plantet eo, labour va daouarn, evit ma kavin gloar enni.

Izaia 61:3

evit embann da re Sion a zo e kañv ez eo roet dezho ur gurunenn e-lec'h ludu, eoul a levenez e-lec'h kañvoù, ur vantell a veuleudi e-lec'h ur spered mantret, ken ma vint anvet dervennoù ar reizhder, plantadeg an AOTROU, evit ma resevo-eñ gloar.

Izaia 62:1

Abalamour da Sion ne davin ket, abalamour da Jeruzalem ne chomin ket peoc'h, betek ma en em ziskouezo e reizhder evel tarzh-an-deiz, hag e silvidigezh evel ul lamp enaouet.

Izaia 62:10

Tremenit, tremenit dre an dorojoù, kempennit hent ar bobl! Plaenait, plaenait ar chaoser, tennit ar vein diwarnañ! Savit ur banniel etrezek ar pobloù!

Izaia 62:2

Neuze ar broadoù a welo da reizhder, hag an holl rouaned da c'hloar, hag e vi galvet dre un anv nevez, en devo genoù an AOTROU disklêriet.

Zakaria 8:20

Evel-henn e komz AOTROU an armeoù: Dont a raio c'hoazh pobloù ha tud eus kalz a gêrioù.

Actou an Ebestel 2:47

o veuliñ Doue hag o vezañ dudius d’an holl bobl. An Aotrou a greske bemdez an Iliz gant an dud a oa salvet.

1 Pêr 2:9

Met c’hwi a zo ur ouenn dibabet, ur velegiezh roueel, ur vroad santel, ur bobl bet prenet, evit embann vertuzioù an hini en deus ho kalvet eus an deñvalijenn d’e sklêrijenn vurzhudus,

2 Pêr 3:13

Met hervez e bromesa, e c’hortozomp neñvoù nevez hag un douar nevez e-lec’h ma chomo ar reizhder.

S. Jud 1:3

Re garet-mat, c’hoant bras am boa da skrivañ diwar-benn hor silvidigezh kumun, hag em eus soñjet e oa ret din henn ober evit hoc’h aspediñ da stourm evit ar feiz a zo bet roet d’ar sent ur wech evit mat.

Apocalyps 21:24

Ar broadoù eus ar re a zo salvet a gerzho diouzh he sklêrijenn. Rouaned an douar a zegas enni o gloar hag o enor.

Apocalyps 5:9

Ur c’hantik nevez a ganent o lavarout: Dellezek out da gemer al levr ha da zigeriñ ar sielloù anezhañ, rak lakaet out bet d’ar marv hag ec’h eus hon dasprenet da Zoue dre da wad, a bep meuriad, a bep yezh, a bep pobl, a bep broad,