Sant Ian 9:7 - Bibl Koad 21: Ar Bibl e Brezhoneg evit ar Vretoned

⁷ hag e lavaras dezhañ: Kae hag en em walc’h e stank Siloa, da lavarout eo: Kaset. Mont a reas di eta, en em walc’has, hag e teuas o welout sklaer.

Testamant Nevez 1897 (Jenkins)

⁷ hag e lavaraz dezhan: Kea, hag en em walc’h e lenn Siloe (ar pez a zinifi Kasset). Mond a reaz eta hag en em walc’haz, hag ez eaz ac’hane o velet sclear.

Sant Ian 9:7 Referencias Cruzadas

Nehemia 3:15

Shallum mab Kolhoze, rener bann Mizpa, a zresas dor ar Feunteun; hec'h adsevel a reas, he goleiñ, hag e lakaas he stalafioù, he morailhoù hag he frennoù. Hag e reas moger stank Shela, tost ouzh liorzh ar Roue, betek ar skalieroù a ziskenn eus kêr David.

Salmoù 146:8

an AOTROU a zigor daoulagad ar re dall, an AOTROU a zibleg ar re a zo pleget, an AOTROU a gar ar re reizh.

Ermaeziadeg 4:11

An AOTROU a lavaras: Piv en deus graet genoù an den? Pe piv eo an hini a laka mut, bouzar, gouest da welout, pe dall? Ha n'eo ket me, an AOTROU?

Izaia 32:3

Neuze daoulagad ar re a wel ne vint ken dall, divskouarn ar re a glev a vo evezhiek,

Izaia 35:5

Neuze daoulagad an dalled a vo digoret, divskouarn ar vouzared a vo distouvet,

Izaia 42:7

evit digeriñ daoulagad an dalled, evit tennañ eus ar prizon ar re zalc'het hag eus an toull-bac'h ar re a zo o chom en deñvalijenn.

Izaia 43:8

Ra vo lakaet da zont er-maez ar bobl dall hag o deus daoulagad, ar re vouzar hag o deus divskouarn.

Izaia 8:6

Peogwir he deus ar bobl-mañ disprizet doureier Siloa a red goustadik, peogwir he deus laouenaet diwar-benn Rezin ha mab Remalia,

Mazhev 11:5

ar re dall a wel, ar re gamm a gerzh, ar re lovr a zo glanaet, ar re vouzar a glev, ar re varv a adsav da vev, an Aviel a zo prezeget d’ar beorien.

Sant Lucas 13:4

Pe krediñ a rit an triwec’h den a gouezhas tour Siloa warno, o lazhañ anezho, a oa brasoc’h pec’herien eget holl dud Jeruzalem?

Sant Lucas 2:32

ar sklêrijenn a dle sklaeriañ ar vroadoù ha gloar da bobl Israel.

Sant Ian 10:36

perak e lavarit e wallgomzan, me an hini en deus an Tad santelaet ha kaset er bed, abalamour ma em eus lavaret: Me eo Mab Doue?

Sant Ian 11:37

Hiniennoù anezho a lavaras: Eñ hag en deus digoret daoulagad an den dall, ha ne c’helle ket ober ivez na varvje ket hemañ?

Sant Ian 9:11

Respont a reas: Un den a c’halver Jezuz en deus graet fank, en deus olevet gantañ va daoulagad ha lavaret din: Kae da stank Siloa hag en em walc’h. Aet on, hag ez on en em walc’het, hag e welan.

Sant Ian 9:39

Jezuz a lavaras: Me a zo deuet er bed-mañ evit ur varnedigezh, evit ma welo ar re na welont ket, ha ma teuio ar re a wel da vezañ dall.

Actou an Ebestel 26:18

da zigeriñ o daoulagad ha d’o lakaat da dremen eus an deñvalijenn d’ar sklêrijenn hag eus galloud Satan da Zoue, evit ma resevint ar pardon eus o fec’hedoù hag un hêrezh e-touez ar re a zo santelaet dre ar feiz ennon.

Romaned 8:3

Rak ar pezh a oa dibosupl d’al lezenn, abalamour ma oa dinerzh dre ar c’hig, Doue, en ur gas e Vab e-unan en ur c’hig heñvel ouzh hini ar pec’hed, hag en abeg d’ar pec’hed, a gondaonas ar pec’hed er c’hig,

Galated 4:4

Met pa’z eo deuet an amzerioù merket, Doue en deus kaset e Vab, ganet eus ur wreg, ganet dindan al lezenn,