Sant Ian 9:31 - Bibl Koad 21: Ar Bibl e Brezhoneg evit ar Vretoned

³¹ Ni a oar penaos Doue ne selaou ket ar pec’herien, met mar deu unan bennak da zoujañ Doue ha da ober e volontez, e selaou anezhañ.

Testamant Nevez 1897 (Jenkins)

³¹ Hogen, gouzoud a reomp penaos Doue na zelaou ket an dud fall; mes mar deu unan‐benag da henori Doue, ha da ober he volontez, Doue a zelaou anezhan.

Sant Ian 9:31 Referencias Cruzadas

Geneliezh 19:29

Pa zistrujas Doue kêrioù ar blaenenn, Doue en doa soñj eus Abraham. Hag e lakaas Lot da vont kuit eus kreiz an dismantr, pa ziskaras ar c'hêrioù m'en doa chomet Lot enno.

Geneliezh 20:7

Met bremañ rent e wreg d'an den-se, rak ur profed eo; pediñ a raio evidout hag e vevi. Met ma ne rentez ket anezhi, gouez penaos e varvi a-dra-sur, te ha kement a zo dit.

Levr Job 35:12

Krial a reont ha n'int ket selaouet, en abeg da lorc'h ar re zrouk.

Levr Job 35:13

Doue ne selaou ket an hini n'eo nemet gaou, an Holl-C'halloudeg ne ra ket van outañ.

Levr Job 42:8

Ha bremañ kemerit ganeoc'h seizh kole ha seizh tourz, hag it da gavout va servijer Job, ha kinnigit ul loskaberzh evidoc'h hoc'h-unan. Ra bedo va servijer Job evidoc'h. Rak ne rin van nemet outañ, evit na rin ket deoc'h hervez ho follentez, rak n'hoch eus ket komzet diwarnon en un doare reizh, evel va servijer Job.

Salmoù 106:23

Hag e komze eus distrujañ anezho, ma ne vije ket en em lakaet Moizez e zibabet ouzh ar freuz dirazañ, evit distreiñ e fulor, evit n'o dispennje ket.

Salmoù 143:10

Desk din ober da volontez, rak te eo va Doue. Ra reno da Spered mat ac'hanon war an hent eeun!

Salmoù 145:19

Seveniñ a ra c'hoant an holl re a zouj anezhañ, klevout a ra o c'hriadenn hag e tieub anezho.

Salmoù 18:41

Lakaat a rez va enebourien da dreiñ o c'hein dirazon, hag ar re am c'hasa a zistrujan.

Salmoù 40:8

Neuze em eus lavaret: Setu e teuan, skrivet eo diwar va fenn e roll da levr.

Salmoù 99:6

Moizez hag Aaron a voe e-touez e aberzhourien, ha Samuel e-touez ar re a c'halve e anv. Pediñ a raent an AOTROU, hag eñ a responte dezho.

Krennlavarioù 15:29

An AOTROU a zo pell diouzh ar re zrouk, met klevout a ra pedenn an dud reizh.

Krennlavarioù 21:13

An hini a serr e zivskouarn ouzh kriadenn an ezhommeg, a grio ivez e-unan ha ne vo ket klevet.

Krennlavarioù 28:9

Mar distro unan bennak e skouarn evit na selaouo ket al lezenn, e bedenn zoken a zo un euzhusted.

Izaia 1:15

Pa'c'h astennit ho taouarn, me a guzh va daoulagad ouzhoc'h. Pa liesait ho pedennoù, ne selaouan ket, ho taouarn a zo leun a wad.

Izaia 58:9

Neuze e c'halvi hag an AOTROU a responto, e youc'hi hag e lavaro: Setu-me amañ! Mar lamez eus da greiz ar yev, ar biz savet faeüs, ar c'homzoù drouk,

Jeremiaz 11:11

Setu perak evel-henn e komz an AOTROU: Setu ez an da zegas warno un droug na c'hellint ket tec'hout araozañ. Krial a raint etrezek ennon, met ne selaouin ket outo.

Jeremiaz 14:12

Mar yunont, ne selaouin ket o garm, mar kinnigont loskaberzhoù ha donezonoù, n'o c'havin ket dereat, met ez an da guzumiñ anezho dre ar c'hleze, dre an naonegezh ha dre ar vosenn.

Jeremiaz 15:1

Hag an AOTROU a lavaras din: Pa en em zalc'hfe Moizez ha Samuel dirazon, va ene ne vefe ket douget etrezek ar bobl-mañ. Kas anezho kuit a-zirak va dremm, ma'z aint kuit.

Ezekiel 8:18

Ha me ivez a raio gant fulor, va lagad n'esperno ket, hag e vin didruez. Pa griint a vouezh uhel da'm divskouarn, ne selaouin ket outo.

Mika 3:4

Krial a raint neuze d'an AOTROU, met ne responto ket dezho, kuzhat a raio e zremm outo en amzer-se, dre ma'z eo bet fall o oberoù.

Zakaria 7:13

Ha neuze, evel n'o deus ket selaouet p'en deus galvet, en hevelep doare pa o deus galvet, ne'm eus ket selaouet, eme AOTROU an armeoù.

Sant Ian 11:22

Met anavezout a ran penaos bremañ c’hoazh, kement holl a c’houlenni digant Doue, Doue en roio dit.

Sant Ian 15:16

N’eo ket c’hwi hoc’h eus va dibabet, met me eo am eus ho tibabet hag am eus ho lakaet, evit ma’z eot ha ma tougot frouezh, ha ma vo ho frouezh kendalc’hus, hag evit ma roio va Zad deoc’h kement a c’houlennot em anv digantañ.

Sant Ian 4:34

Jezuz a lavaras dezho: Va boued eo ober bolontez an hini en deus va c’haset ha peurober e oberenn.

Sant Ian 7:17

Mar fell da unan bennak ober e volontez, ec’h anavezo hag eo va c’helennadurezh eus Doue pe ha me a gomz ac’hanon va-unan.

Sant Ian 9:30

An den a respontas: Un dra souezhus eo na ouezfec’h ket a-belec’h eo, hag en deus digoret va daoulagad din.

Sant Ian 9:32

N’eo ket bet klevet betek vremañ penaos en defe den digoret e zaoulagad d’un den ganet dall.

Adlezenn 1:45

D'ho tistro hoc'h eus gouelet dirak an AOTROU, met an AOTROU ne selaouas ket ho mouezh ha ne roas ket e skouarn deoc'h.

Hebreed 10:7

Neuze em eus lavaret: Setu, e teuan, o Doue, evit ober da volontez, evel ma’z eo skrivet diwar va fenn e roll al levr.