Sant Ian 7:38 - Bibl Koad 21: Ar Bibl e Brezhoneg evit ar Vretoned

³⁸ An hini a gred ennon, stêrioù dour a vuhez a redo eus e askre, evel ma lavar ar Skritur.

Testamant Nevez 1897 (Jenkins)

³⁸ An hini a gred enoun, e tiredo euz anezhan steriou a zour beo, hervez ma lavar ar Scritur.

Sant Ian 7:38 Referencias Cruzadas

Krennlavarioù 10:11

Genoù an den reizh a zo ur vammenn a vuhez, met an taerder a c'holoio o genoù d'ar re zrouk.

Krennlavarioù 18:4

Komzoù genoù un den a zo doureier don, ha mammenn ar furnez a zo ur froud o redek.

Izaia 12:3

Tennañ a reot dour gant levenez eus mammennoù ar silvidigezh.

Izaia 35:6

ar c'hamm a lammo evel ur c'harv, teod an hini mut a gano a levenez, rak doureier a strinko er gouelec'h ha froudoù el lec'h didud.

Izaia 44:3

Skuilhañ a rin doureier war an hini en deus sec'hed, ha stêrioù war an douar disec'h. Skuilhañ a rin va Spered war da lignez, ha va bennozh war da ziskennidi.

Izaia 55:1

Ar re holl hag o deus sec'hed, ra zeuint d'an doureier! C'hwi zoken hep arc'hant, deuit, prenit ha debrit! Deuit, prenit hep arc'hant gwin ha laezh, hep paeañ!

Izaia 58:11

An AOTROU a reno ac'hanout dalc'hmat, e walc'h a roio da'z ene er sec'hded, reiñ a raio nerzh da'z eskern, hag e vi evel ul liorzh douraet, evel ur vammenn ha na vank ket he doureier.

Izaia 59:21

Hag evidon-me setu an emglev a rin ganto, eme an AOTROU, va Spered hag a zo warnout ha va c'homzoù am eus lakaet ez kenoù, ned aint ket kuit eus da c'henoù nag eus genoù da lignez, nag eus genoù lignez da lignez, eme an AOTROU, adalek bremañ ha da viken.

Zakaria 14:8

En deiz-se e c'hoarvezo ma vo doureier a vuhez o tont eus Jeruzalem, un hanter etrezek mor ar sav-heol, hag an hanter all etrezek mor ar c'huzh-heol. Hag e vo evel-se en hañv hag er goañv.

Sant Ian 4:10

Jezuz a respontas dezhi: Mar anavezjes donezon Doue ha piv eo an hini a lavar dit: Ro din da evañ, ez pefe goulennet da-unan digantañ hag en defe roet dit dour a vuhez.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

Efeziz 5:9

rak frouezh ar Spered en em zalc’h e pep seurt madelezh, reizhder ha gwirionez.

Adlezenn 18:15

An AOTROU da Zoue a savo dit eus da greiz, a-douez da vreudeur, ur profed eveldon, hag e selaouot anezhañ,