Sant Ian 6:45 - Bibl Koad 21: Ar Bibl e Brezhoneg evit ar Vretoned

⁴⁵ Skrivet eo er brofeded: Kelennet e vint holl gant Doue. Evel-se piv bennak en deus selaouet an Tad hag en deus desket digantañ a zeu da’m c’havout.

Testamant Nevez 1897 (Jenkins)

⁴⁵ Scrivet eo er brofeted: Holl e vezint disket gant Doue. Kement hini hen deuz selaouet an Tad hag a zo bet disket ganthan, a zeu d’am c’havout.

Sant Ian 6:45 Referencias Cruzadas

Izaia 2:3

Meur a bobl a zeuio hag a lavaro: Deuit ha pignomp da venez an AOTROU, da di Doue Jakob; kelenn a raio deomp e hentoù, hag e kerzhimp en e wenodennoù, rak al lezenn a zeuio eus Sion, ha komz an AOTROU eus Jeruzalem.

Izaia 54:13

Da holl vibien a vo kelennet gant an AOTROU, ha peoc'h da vibien a vo bras.

Mika 4:2

Meur a vroad a zeuio hag a lavaro: Deuit ha pignomp da venez an AOTROU, da di Doue Jakob; kelenn a raio deomp e hentoù, hag e kerzhimp en e wenodennoù, rak al lezenn a zeuio eus Sion, ha komz an AOTROU eus Jeruzalem.

Mazhev 11:27

Pep tra a zo bet roet din gant va Zad, ha den ne oar piv eo ar Mab nemet an Tad, na piv eo an Tad kennebeut nemet ar Mab, hag an hini e fell d’ar Mab e ziskuliañ dezhañ.

Mazhev 17:5

Komz a rae c’hoazh, pa zeuas ur goabrenn lugernus d’o goleiñ. Ha setu, ur vouezh a zeuas eus ar goabrenn o lavarout: Hemañ eo va Mab karet-mat, ennañ em eus lakaet va holl levenez. Selaouit eñ!

Sant Marc 1:2

Hervez ar pezh a oa bet skrivet er brofeded: Setu, e kasan va c’hannad dirak da zremm da gempenn an hent dirazout,

Sant Lucas 1:70

evel m’en doa lavaret dre c’henoù e brofeded santel abaoe kozh amzer,

Sant Lucas 18:31

Eñ a gemeras neuze a-du an daouzek hag a lavaras dezho: Setu, e pignomp da Jeruzalem hag an holl draoù a zo bet skrivet gant ar brofeded diwar-benn Mab an den a ya da vezañ peurc’hraet.

Sant Ian 10:27

Va deñved a glev va mouezh, anavezout a ran anezho hag e teuont war va lerc’h.

Sant Ian 6:37

Kement a roio an Tad din a zeuio da’m c’havout, ha ne lakain ket er-maez an hini a zeuio da’m c’havout,

Sant Ian 6:65

Hag e lavaras: Setu perak em eus lavaret deoc’h penaos den ne c’hell dont da’m c’havout, ma n’eo ket roet kement-se dezhañ gant va Zad.

Actou an Ebestel 13:40

Diwallit eta na c’hoarvezfe ket ganeoc’h ar pezh a zo bet lavaret er brofeded:

Actou an Ebestel 7:42

Met Doue a zistroas diouto hag o lakaas da servijañ armead an neñv, evel ma’z eo skrivet e levr ar brofeded: Ti Israel, ha din-me eo hoc’h eus kinniget profoù-loened hag aberzhoù e-pad daou-ugent vloaz el lec’h distro?

Efeziz 1:17

evit ma teuio Doue hon Aotrou Jezuz-Krist, an Tad a c’hloar, da reiñ deoc’h ur spered a furnez hag a ziskuliadur en e anaoudegezh,

Filipiz 3:15

Neuze mar d-omp-ni holl peurvat, ret eo deomp soñjal evel-se; ha mar soñjit en un doare all diwar-benn un dra bennak, Doue en diskulio deoc’h ivez.

1 Tesalonikiz 4:9

E keñver ar garantez etre breudeur, n’hoc’h eus ket ezhomm e vefe skrivet deoc’h, rak hoc’h-unan hoc’h eus desket digant Doue karout an eil egile,

Hebreed 10:16

Setu an emglev a rin ganto: Goude an deizioù-se, eme an Aotrou, e lakain va lezennoù en o c’halonoù hag e skrivin anezho en o soñjoù, e lavar c’hoazh:

1 Yann 2:27

Met an oleviadur hoc’h eus resevet digantañ a chom ennoc’h ha n’hoc’h eus ket ezhomm e kelennfe den ac’hanoc’h. Hag evel ma tesk an oleviadur-se deoc’h pep tra, ma’z eo gwirion ha ma n’eo ket ur gaou, chomit ennañ hervez ma’z eo bet desket deoc’h gantañ.