Sant Ian 6:38 - Bibl Koad 21: Ar Bibl e Brezhoneg evit ar Vretoned

³⁸ rak diskennet on eus an neñv nann evit ober va bolontez, met bolontez an hini en deus va c’haset.

Testamant Nevez 1897 (Jenkins)

³⁸ Rag me a zo diskennet euz an env, n’e ket evit ober va bolontez va‐unan, mes bolontez an hini hen deuz va digasset.

Sant Ian 6:38 Referencias Cruzadas

Izaia 53:10

Plijet eo bet gant an AOTROU e vreviñ, e lakaet en deus er poanioù. Goude bezañ kinniget e ene evel aberzh a gablusted, e welo ul lignez, hiraat a raio e zeizioù, ha plijadur an AOTROU a raio berzh dre e zorn.

Mazhev 20:28

Evel-se n’eo ket deuet Mab an den evit bezañ servijet, met evit servijañ hag evit reiñ e vuhez e daspren evit kalz.

Sant Ian 3:13

Den n’eo pignet en neñv, nemet an hini a zo diskennet eus an neñv, Mab an den a zo en neñv.

Sant Ian 3:17

Rak Doue n’en deus ket kaset e Vab er bed evit barn ar bed, met evit ma vo salvet ar bed drezañ.

Sant Ian 3:31

An hini a zeu eus an nec’h a zo dreist an holl. An hini a zeu eus an douar a zo eus an douar hag e lavar a zeu eus an douar. An hini a zeu eus an neñv a zo dreist an holl,

Sant Ian 4:34

Jezuz a lavaras dezho: Va boued eo ober bolontez an hini en deus va c’haset ha peurober e oberenn.

Sant Ian 5:19

Neuze Jezuz a respontas dezho: E gwirionez, e gwirionez, me a lavar deoc’h, ar Mab ne c’hell ober netra anezhañ e-unan, nemet en defe gwelet an Tad ouzh henn ober, rak kement a ra an Tad, ar Mab a ra ivez eveltañ.

Sant Ian 5:30

Ne c’hellan ober netra ac’hanon va-unan, barn a ran diouzh ma klevan, ha va barn a zo reizh, rak ne glaskan ket va bolontez met bolontez an Tad en deus va c’haset.

Sant Ian 6:29

Jezuz a respontas dezho: Houmañ eo oberenn Doue, ma kredot en hini en deus kaset.

Sant Ian 6:33

Rak bara Doue eo an hini en deus diskennet eus an neñv hag a ro ar vuhez d’ar bed.

Sant Ian 6:42

Hag e lavarent: N’eo ket hemañ Jezuz mab Jozef, a anavezomp e dad hag e vamm? Penaos eta e lavar: Me a zo diskennet eus an neñv?

Sant Ian 6:57

Evel m’en deus an Tad hag a zo bev kaset ac’hanon ha ma vevan dre an Tad, evel-se an hini a zebr ac’hanon a vevo drezon.

Romaned 15:3

Rak Krist ivez n’eo ket en em blijet ennañ e-unan, met hervez ma’z eo skrivet: Dismegañsoù ar re a zismegañs ac’hanout a zo kouezhet warnon.

Efeziz 4:9

Hogen petra a dalvez: Pignet eo, ma ne vije ket bet diagent diskennet el lec’hioù izelañ eus an douar?

Hebreed 5:8

en deus desket ar sentidigezh dre an traoù en deus gouzañvet, petra bennak ma oa Mab.