Sant Ian 6:27 - Bibl Koad 21: Ar Bibl e Brezhoneg evit ar Vretoned

²⁷ Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

Testamant Nevez 1897 (Jenkins)

²⁷ Labourit, nann evit ar boued a beris, mes evit an hini a bad beteg er vuez eternel, hag a vezo roet deoc’h gant Mab an den; rag Doue, an Tad, hen deuz merket he‐man gant he ziel.

Sant Ian 6:27 Referencias Cruzadas

Salmoù 2:7

Embann a rin an dekred: An AOTROU en deus lavaret din: Te eo va Mab, hiziv em eus da c'hanet.

Salmoù 40:7

Ne gavez plijadur nag en aberzhoù nag er profoù, toullet ec'h eus din va divskouarn, ne c'houlennez na loskaberzh nag aberzh evit ar pec'hed.

Krennlavarioù 9:5

Deuit, debrit eus va bara, hag evit eus ar gwin am eus kempennet.

Ar Prezeger 6:7

Holl labour an den a zo evit e c'henoù, ha koulskoude e c'hoant n'en deus biken e walc'h.

Izaia 42:1

Setu va servijer a skoazellan, an hini am eus dibabet, ennañ va ene a gemer plijadur. Lakaet em eus va spered warnañ, hag ec'h embanno ar varnedigezh d'ar broadoù.

Izaia 55:2

Perak e pouezit arc'hant evit ar pezh n'eo ket bara? Perak e labourit evit ar pezh na leugn ket? Selaouit ouzhin hag e tebrot ar pezh a zo mat, hag hoc'h ene a vo plijet gant ar pezh a zo gwellañ.

Jeremiaz 15:16

En em gavet eo da gomzoù, hag o debret em eus, ha da gomz a zo evidon joa ha levenez va c'halon. Rak da anv a zo galvet warnon, AOTROU, Doue an armeoù.

Habakuk 2:13

Setu, ha n'eo ket dre volontez AOTROU an armeoù e labour ar pobloù evit an tan, ha ma en em skuizh ar broadoù evit netra?

Mazhev 17:5

Komz a rae c’hoazh, pa zeuas ur goabrenn lugernus d’o goleiñ. Ha setu, ur vouezh a zeuas eus ar goabrenn o lavarout: Hemañ eo va Mab karet-mat, ennañ em eus lakaet va holl levenez. Selaouit eñ!

Mazhev 25:46

Hag ar re-mañ a yelo er c’hastiz peurbadus, met ar re reizh er vuhez peurbadus.

Mazhev 3:17

Ha setu, ur vouezh eus an neñvoù a lavare: Hemañ eo va Mab karet-mat, ennañ em eus lakaet va holl levenez.

Mazhev 6:19

Na zastumit ket deoc’h teñzorioù war an douar, e-lec’h ma’z int distrujet gant ar preñved ha gant ar mergl, hag e-lec’h ma toull al laeron ha ma skrapont,

Mazhev 8:20

Jezuz a lavaras dezhañ: Al lern o deus toulloù ha laboused an neñv neizhioù, met Mab an den n’en deus lec’h ebet evit harpañ e benn.

Sant Marc 1:11

Ur vouezh a zeuas eus an neñvoù, o lavarout: Te eo va Mab karet-mat, ennout em eus lakaet va holl levenez.

Sant Marc 9:7

Hag e teuas ur goabrenn d’o goleiñ, ur vouezh a zeuas eus ar goabrenn o lavarout: Hemañ eo va Mab karet-mat. Selaouit eñ!

Sant Lucas 3:22

hag ar Spered-Santel a ziskennas warnañ e doare ur c’horf, evel hini ur goulm. Hag ur vouezh a zeuas eus an neñv, o lavarout: Te eo va Mab karet-mat, ennout em eus lakaet va holl levenez.

Sant Lucas 9:35

Ur vouezh a zeuas eus ar goabrenn o lavarout: Hemañ eo va Mab karet-mat. Selaouit eñ!

Sant Ian 10:28

Me a ro dezho ar vuhez peurbadus. Biken ne vint kollet ha den n’o lamo eus va dorn.

Sant Ian 11:42

Gouzout a ran e selaouez ac’hanon atav, met henn lavaret em eus abalamour d’ar bobl-mañ a zo en-dro din, evit ma kredint ec’h eus va degaset.

Sant Ian 14:6

Jezuz a lavaras dezhañ: Me eo an hent, ar wirionez hag ar vuhez. Den ne zeu d’an Tad nemet drezon.

Sant Ian 15:24

Ma ne’m bije ket graet en o zouez an oberoù n’en deus graet hini all ebet, n’o dije ket a bec’hed. Met bremañ o deus o gwelet hag o deus kasaet ac’hanon ha va Zad ivez.

Sant Ian 17:2

ha, hervez ar galloud ac’h eus roet dezhañ war bep kig, ma roio ar vuhez peurbadus d’an holl re ac’h eus roet dezhañ.

Sant Ian 3:15

evit na vo ket kollet piv bennak a gred ennañ, met m’en devo ar vuhez peurbadus.

Sant Ian 3:33

An hini a zegemer e desteni en deus siellet penaos eo Doue gwirion,

Sant Ian 6:40

Setu amañ bolontez an hini en deus va c’haset, ma teuio piv bennak a wel ar Mab hag a gred ennañ da gaout ar vuhez peurbadus, hag en adsavin a varv d’an deiz diwezhañ.

Sant Ian 6:47

E gwirionez, e gwirionez, ma a lavar deoc’h, an hini a gred ennon en deus ar vuhez peurbadus.

Sant Ian 6:51

Me eo ar bara bev a zo diskennet eus an neñv. Mar debr unan bennak eus ar bara-mañ, e vevo da viken. Hag ar bara a roin eo va c’hig, a roin evit buhez ar bed.

Sant Ian 6:53

Neuze Jezuz a lavaras dezho: E gwirionez, e gwirionez, me a lavar deoc’h, ma ne zebrit ket kig Mab an den ha ma n’evit ket e wad, n’hoc’h eus ket ar vuhez ennoc’h hoc’h-unan.

Sant Ian 6:54

An hini a zebr va c’hig hag a ev va gwad en deus ar vuhez peurbadus, hag ec’h adsavin anezhañ a varv d’an deiz diwezhañ.

Sant Ian 6:58

Setu amañ ar bara a zo diskennet eus an neñv. N’eo ket evel ho tadoù, debret o deus ar mann hag ez int marvet. An hini a zebro ar bara-mañ a vevo da viken.

Sant Ian 6:62

Petra eta e vefe mar gwelfec’h Mab an den o pignat el lec’h ma oa kent?

Sant Ian 6:68

Simon-Pêr a respontas dezhañ: Aotrou, da biv ez afemp? Te ac’h eus gerioù ar vuhez peurbadus,

Sant Ian 8:18

Me eo a ro testeni ac’hanon va-unan, hag an Tad en deus va c’haset a ro ivez testeni ac’hanon.

Actou an Ebestel 10:38

penaos Doue en deus olevet gant ar Spered-Santel ha gant galloud Jezuz a Nazared, a yae a lec’h da lec’h oc’h ober vat hag o yac’haat ar re holl a oa mac’het gant an diaoul, abalamour ma oa Doue gantañ.

Actou an Ebestel 2:22

Tud eus Israel, klevit ar gerioù-mañ! Jezuz a Nazared, an den-se aprouet gant Doue en ho touez dre an oberoù a c’halloud, ar burzhudoù hag ar sinoù en deus graet Doue drezañ e-kreiz ac’hanoc’h, evel ma ouzoc’h hoc’h-unan,

Romaned 4:11

Hag e resevas sin an amdroc’h evel siell ar reizhder eus ar feiz en doa bet o vezañ diamdroc’h, evit bezañ tad d’ar re holl a gred petra bennak ma’z int diamdroc’h, ha ma vo ar reizhder ivez kontet dezho,

Romaned 6:23

Rak gopr ar pec’hed eo ar marv, met donezon Doue eo ar vuhez peurbadus e Jezuz-Krist hon Aotrou.

1 Korintiz 6:13

Ar boued a zo evit ar c’hof hag ar c’hof evit ar boued, met Doue a zistrujo an eil hag egile. Hogen ar c’horf n’eo ket evit an hudurniezh met evit an Aotrou, hag an Aotrou evit ar c’horf.

1 Korintiz 9:2

Ma n’on ket abostol evit ar re all, ez on da nebeutañ evidoc’h, rak c’hwi eo siell va abostoliezh en Aotrou.

2 Korintiz 4:18

pa’z eo gwir na sellomp ket ouzh an traoù gwelus met ouzh an traoù diwelus. Rak an traoù gwelus n’int nemet evit un amzer, met ar re ziwelus a zo peurbadus.

Galated 5:6

Rak e Jezuz-Krist an amdroc’h ne servij da netra, nag an diamdroc’h, met ar feiz o labourat dre ar garantez.

Adlezenn 30:13

N'emañ ket e tu all d'ar mor, evit ma lavari: Piv a dremeno d'an tu all d'ar mor d'e zegas deomp ha d'e reiñ deomp da glevout, evit ma raimp dioutañ?

Filipiz 2:13

rak Doue eo a laka ennoc’h ar c’hoant hag an ober, hervez e blijadur mat.

Koloseiz 1:29

Evit-se ivez eo e labouran, o stourm gant skoazell e vertuz a labour ennon gant nerzh.

Koloseiz 2:22

urzhiadurioù a dro holl da fall dre o implij, hag a zo hervez gourc’hemennoù ha kredennoù an dud?

Koloseiz 3:2

Kavit mat traoù an nec’h ha nann reoù an douar,

1 Tesalonikiz 1:3

o kaout soñj bepred, dirak Doue hon Tad, eus oberenn ho feiz, eus labour ho karantez hag eus started hoc’h esperañs en hon Aotrou Jezuz-Krist.

2 Timote 2:19

Koulskoude diazez start Doue a chom, o kaout ar siell-mañ: An Aotrou a anavez ar re a zo dezhañ, ha: Piv bennak a c’halvo anv Krist ra zilezo an direizhder.

Hebreed 12:16

ha ra ne vo gastaouer ebet na zisakr ebet evel Ezaü, a werzhas e zroed a vab henañ evit ur meuz.

Hebreed 4:11

En em akedomp eta da antreal en diskuizh-se, gant aon na gouezhfe unan bennak en un hevelep diskredoni.

S. Jakes 1:11

Savet eo an heol gant e dommder, sec’het en deus ar c’heotenn, kouezhet eo he bleuñvenn ha kaerder he neuz a zo kollet. Evel-se e weñvo ar pinvidig en e hentoù.

1 Pêr 1:24

Rak pep kig a zo evel ar geot, hag holl c’hloar an den evel bleuñv ar geot. Ar geot a zisec’h hag e vleuñv a gouezh,

2 Pêr 1:17

Rak resevet en deus digant Doue an Tad enor ha gloar, pa voe kaset dezhañ ar vouezh-mañ gant ar gloar uhelañ: Hemañ eo va mab karet-mat, ennañ em eus lakaet va holl levenez.