Sant Ian 18:33 - Bibl Koad 21: Ar Bibl e Brezhoneg evit ar Vretoned

³³ Neuze Pilat a zistroas d’ar pretordi, a c’halvas Jezuz hag a lavaras dezhañ: Ha bez’ out roue ar Yuzevien?

Testamant Nevez 1897 (Jenkins)

³³ Neuze Pilat a antreaz adare er pretouar, hag o veza lakeat gervel Jesus, e lavaraz dezhan: Ha te eo roue ar Judevien?

Sant Ian 18:33 Referencias Cruzadas

Jeremiaz 23:5

Setu e teu an deizioù, eme an AOTROU, ma savin da Zavid un diwan reizh, a reno evel ur roue, a raio berzh, a raio hervez ar varnedigezh hag ar reizhder war an douar.

Sofonia 3:15

An AOTROU en deus tennet ar setañsoù douget ez enep, pellaet en deus da enebour. Roue Israel, an AOTROU, a zo ez kreiz, ne weli ken ar gwalleur.

Zakaria 9:9

Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

Mazhev 27:11

Jezuz a voe kaset dirak ar gouarnour. Ar gouarnour a reas ar goulenn-mañ outañ: Ha bez’ out roue ar Yuzevien? Ha Jezuz a lavaras dezhañ: Te en lavar.

Mazhev 27:27

Neuze soudarded ar gouarnour a zegasas Jezuz er pretordi hag a zastumas en-dro dezhañ an holl strollad.

Sant Marc 15:2

Pilat a c’houlennas outañ: Ha bez’ out roue ar Yuzevien? Jezuz a respontas dezhañ: Te en lavar.

Sant Lucas 23:2

Hag en em lakajont d’e damall, o lavarout: Ni hon eus kavet an den-mañ o tromplañ ar vroad, o tifenn paeañ ar gwir da Gezar hag oc’h en em lavarout e-unan Krist, ar roue.

Sant Ian 1:49

Natanael a respontas dezhañ: Mestr, te eo Mab Doue, te eo roue Israel.

Sant Ian 12:13

a gemeras brankoù palmez hag a yeas a-raok dezhañ, o krial: Hozanna! Benniget ra vo roue Israel a zeu en anv an Aotrou!

Sant Ian 12:15

Na’z pez ket aon, merc’h Sion, setu, da roue a zeu, pignet war ebeul un azenez.

Sant Ian 18:34

Jezuz a respontas dezhañ: Ac’hanout da-unan eo e lavarez kement-se, pe reoù all o deus henn lavaret dit?

Sant Ian 18:37

Neuze Pilat a lavaras dezhañ: Roue out eta? Jezuz a respontas: Te en lavar, roue on. Evit-se eo ez on bet ganet hag evit-se eo ez on deuet er bed, evit reiñ testeni d’ar wirionez. Piv bennak a zo eus ar wirionez a selaou va mouezh.

Sant Ian 18:38

Pilat a lavaras dezhañ: Petra eo ar wirionez? Ha goude m’en doa lavaret kement-se, ez eas a-nevez da gavout ar Yuzevien hag e lavaras dezho: Ne gavan torfed ebet ennañ.

Sant Ian 19:12

Adalek neuze Pilat a glaskas e leuskel. Met ar Yuzevien a grie: Mar laoskez an den-se, n’out ket mignon da Gezar. Piv bennak en em c’hra roue, en em laka a-enep Kezar.

Sant Ian 19:3

hag e lavarent dezhañ: Salud, Roue ar Yuzevien! Hag e roent taolioù-dorn dezhañ.

Sant Ian 19:4

Pilat a yeas a-nevez er-maez hag a lavaras dezho: Setu, e tegasan anezhañ deoc’h er-maez evit ma ouiot penaos ne gavan torfed ebet ennañ.

Sant Ian 19:9

Distreiñ a reas er pretordi hag e lavaras da Jezuz: A-belec’h out? Met Jezuz ne roas respont ebet dezhañ.

1 Timote 6:13

Aliañ a ran dit dirak Doue a ro buhez d’an holl draoù ha dirak Jezuz-Krist a reas un anzavadenn gaer dirak Poñs-Pilat,