Sant Ian 18:12 - Bibl Koad 21: Ar Bibl e Brezhoneg evit ar Vretoned

¹² Neuze ar vandenn soudarded, ar c’habiten ha serjanted ar Yuzevien a gemeras Jezuz, a ereas anezhañ

Testamant Nevez 1897 (Jenkins)

¹² Neuze ar vanden soudarded, ar c’habiten ha serjanted ar Judevien a gemeraz Jesus hag a ereaz anezhan,

Sant Ian 18:12 Referencias Cruzadas

Geneliezh 22:9

Dont a rejont d'al lec'h m'en doa lavaret Doue. Abraham a savas eno un aoter, a renkas ar c'hoad, a liammas Izaak e vab hag a lakaas anezhañ war an aoter, dreist ar c'hoad.

Geneliezh 40:3

hag a lakaas anezho e ti penn ar warded, en toull-bac'h, e-lec'h ma voe dalc'het Jozef.

Salmoù 118:27

An AOTROU eo Doue hag en deus hor sklêrijennet. Liammit gant kerdin loen an aberzh, degasit anezhañ betek kerniel an aoter.

Mazhev 26:57

Ar re o doa kemeret Jezuz, a gasas anezhañ da di Kaifaz, ar beleg-meur, e-lec’h ma oa en em zastumet ar skribed hag an henaourien.

Mazhev 27:2

O vezañ e ereet, en degasjont hag en lakajont etre daouarn Poñs-Pilat, ar gouarnour.

Mazhev 27:27

Neuze soudarded ar gouarnour a zegasas Jezuz er pretordi hag a zastumas en-dro dezhañ an holl strollad.

Sant Marc 14:53

Kas a rejont neuze Jezuz da di ar beleg-meur, e-lec’h ma oa en em zastumet an holl veleien vras, an henaourien hag ar skribed.

Sant Marc 15:1

Kerkent ha ma voe deuet ar mintin, ar veleien vras, gant an henaourien, ar skribed hag ar sanedrin a-bezh, en em guzulias asambles, a zegasas Jezuz ereet hag en lakajont etre daouarn Pilat.

Sant Lucas 22:54

Neuze e krogjont ennañ, e kasjont anezhañ hag e lakajont anezhañ da vont e-barzh ti ar beleg-meur. Pêr a heulie a-bell.

Sant Ian 18:3

Judaz eta, o vezañ kemeret ur vandenn soudarded ha serjanted a-berzh ar veleien vras hag ar farizianed, a zeuas eno gant leternioù, gant gouloù ha gant armoù.

Actou an Ebestel 10:1

Bez’ e oa e Kezarea un den anvet Korneli, kantener er rejimant galvet Italiat.

Actou an Ebestel 21:31

Evel ma klaskent e lazhañ, ar vrud a zeuas betek kabiten ar gohortenn penaos e oa holl gêr Jeruzalem dispac’het.

Actou an Ebestel 21:37

Pa voe Paol o vont da antren er c’hreñvlec’h, e lavaras d’ar c’habiten: Hag aotreet eo din lavarout un dra bennak? Eñ a respontas: Gouzout a rez ar gresianeg?

Actou an Ebestel 23:10

Evel ma savas un tabut bras etrezo, ar c’habiten, o kaout aon na vefe diskolpet Paol ganto, a c’hourc’hemennas d’ar soudarded diskenn evit e lemel kuit eus o c’hreiz hag e gas d’ar c’hreñvlec’h.

Ar Varnerien 16:21

Ar Filistined a grogas ennañ, hag e toulljont e zaoulagad, hag e tiskennjont anezhañ da C'haza; ereet e voe gant chadennoù arem. Treiñ a rae ar maen-milin en toull-bac'h.