Sant Ian 16:1 - Bibl Koad 21: Ar Bibl e Brezhoneg evit ar Vretoned

¹ Lavaret em eus deoc’h an traoù-mañ evit na vint ket deoc’h un abeg da gouezhañ.

Testamant Nevez 1897 (Jenkins)

¹ An traou‐man em euz lavaret deoc’h, evit na viot ket scandalizet.

Sant Ian 16:1 Referencias Cruzadas

Mazhev 11:6

Eürus eo an neb na gavo ket a abeg da gouezhañ ennon.

Mazhev 13:21

met n’en deus ket a wrizienn ennañ e-unan, ne bad nemet ur pennad ha, pa zeu ar glac’har pe an heskinerezh abalamour d’ar ger, e kav kerkent un abeg da gouezhañ.

Mazhev 13:57

Hag e kavent tamall ennañ. Met Jezuz a lavaras dezho: Ur profed a zo enoret, nemet en e vro e-unan hag en e di e-unan.

Mazhev 24:10

Neuze meur a hini a gouezho, en em drubardo hag en em gasaio an eil egile.

Sant Ian 15:11

Lavaret em eus deoc’h an traoù-mañ evit ma chomo va levenez ennoc’h ha ma vo ho levenez peurleuniet.

Sant Ian 16:4

Me am eus lavaret deoc’h an traoù-se, evit, pa vo deuet an eur, m’ho po soñj em eus o lavaret deoc’h. Ne’m eus ket lavaret anezho deoc’h abaoe ar penn-kentañ, abalamour ma oan ganeoc’h.

Romaned 14:21

Mat eo tremen hep debriñ kig, nag evañ gwin ha kemer netra eus ar pezh a c’hell lakaat da vreur da strebotiñ pe e lakaat da gouezhañ pe e zinerzhañ.

Filipiz 1:10

evit ma c’hellot anavezout an traoù a zo dispar ha ma viot glan ha divlam a-benn deiz Jezuz-Krist,

1 Pêr 2:8

ur maen-kouezh hag ur roc’h a wallskouer. Int en em stok a-enep dezhañ o tisentiñ ouzh ar ger, hag evit kement-se eo ez int bet tonket.