Sant Ian 12:40 - Bibl Koad 21: Ar Bibl e Brezhoneg evit ar Vretoned

⁴⁰ Dallet en deus o daoulagad ha kaletaet o c’halon, gant aon na zeufe o daoulagad da welout, o c’halon da gompren, na zistrofent, ha na yac’hafen anezho.

Testamant Nevez 1897 (Jenkins)

⁴⁰ Dallet hen deuz ho daou‐lagad, ha kaledet hen deuz ho c’halon, evit na velint ket gant ho daou‐lagad, ha na gomprenint ket gant ho c’halon, ha na zistroint ket, ha na iac’hein ket anezhe.

Sant Ian 12:40 Referencias Cruzadas

1 Rouaned 22:20

An AOTROU a lavaras: Piv a douello Akab, evit ma pigno ha ma varvo e Ramod-Galaad? Unan a respontas en un doare hag egile en un doare all.

Salmoù 147:3

a yac'ha ar re o deus ar c'halon flastret, hag a lien o goulioù.

Salmoù 41:4

An AOTROU a skoazello anezhañ war ar gwele a boan, cheñch a ri e wele holl pa vo klañv.

Salmoù 6:2

AOTROU, na'm gourdrouz ket ez kounnar, ha na'm c'hastiz ket ez fulor.

Ermaeziadeg 10:1

An AOTROU a lavaras da Voizez: Kae da gavout Faraon, rak kaletaet em eus e galon ha kalon e servijerien evit lakaat va sinoù en o zouez

Ermaeziadeg 11:10

Moizez hag Aaron a reas an holl virakloù-se dirak Faraon. Hag an AOTROU a galetaas kalon Faraon, ne lezas ket mibien Israel da vont kuit eus e vro.

Ermaeziadeg 14:17

Setu, mont a ran da galetaat kalon an Ejipsianed hag ez aint war ho lerc'h. Hag e vin enoret war-bouez Faraon hag e holl armead, war-bouez e girri hag e varc'hegerien.

Ermaeziadeg 14:4

Hag e kaletain kalon Faraon hag ez aio war o lerc'h, met me a vo enoret war-bouez Faraon ha war-bouez e holl armead; an Ejipsianed a anavezo ez on-me an AOTROU . Hag e rejont evel-se.

Ermaeziadeg 14:8

An AOTROU a galetaas kalon Faraon, roue an Ejipt, hag ez eas war-lerc'h mibien Israel. Mibien Israel a voe aet kuit gant an dorn uhel.

Ermaeziadeg 4:21

An AOTROU a lavaras da Voizez: En ur vont en-dro d'an Ejipt, evesha ouzh an holl vurzhudoù am eus lakaet ez torn hag a ri dirak Faraon. Met me a galetaio e galon, ha ne lezo ket ar bobl da vont kuit.

Ermaeziadeg 7:13

Kalon Faraon a galetaas, ne selaouas ket anezho evel m'en doa lavaret an AOTROU .

Ermaeziadeg 7:3

Me a galetaio kalon Faraon hag a gresko va sinoù ha va burzhudoù e bro Ejipt.

Ermaeziadeg 9:12

An AOTROU a galetaas kalon Faraon, n'o selaouas ket evel m'en doa lavaret an AOTROU da Voizez.

Izaia 26:11

AOTROU, da zorn a zo savet uhel, ne welont ket anezhañ, met mar gwelont da c'hred evit da bobl, neuze e vint mezhekaet, hag an tan miret evit da enebourien a lonko anezho.

Izaia 29:10

Rak an AOTROU en deus skuilhet warnoc'h ur spered a vorgousk, serret en deus ho taoulagad, lakaet en deus ur ouel war ar brofeded, war ar renerien, war an diouganerien.

Izaia 53:5

Met gloazet e oa en abeg d'hon drougoberoù, brevet en abeg d'hon direizhder; ar c'hastiz a ro deomp ar peoc'h a zo bet warnañ, ha dre e c'houlioù ez omp yac'haet.

Izaia 6:10

Digizidika kalon ar bobl-mañ, pounnera o divskouarn, serr o daoulagad, gant aon na zeufe o daoulagad da welout, o divskouarn da glevout, o c'halon da gompren, na zistrofent, ha na vefent yac'haet.

Izaia 6:9

Hag e lavaras: Kae ha lavar d'ar bobl-se: Klevout a rit, ya, met ne gomprenot ket, gwelout a rit, ya, met n'anavezot ket.

Jeremiaz 3:22

Distroit, mibien disent, yac'haat a rin ho tianzavadur. Setu e teuomp da'z kavout, rak an AOTROU hon Doue ez out.

Jeremiaz 5:21

Selaou eta kement-mañ, pobl sot ha diboell: Daoulagad hoc'h eus ha ne welit ket, divskouarn hoc'h eus ha ne glevit ket.

Ezekiel 12:2

Mab an den, emaout o chom e-touez un ti disent, daoulagad o deus evit gwelout ha ne welont ket, divskouarn o deus evit klevout ha ne glevont ket, rak un ti disent ez int.

Ezekiel 14:9

Ha mard eo touellet ar profed, hag e lavar ur ger bennak, eo me an AOTROU en devo touellet ar profed-se, hag ec'h astennin va dorn en e enep, hag e lamin anezhañ a-douez va fobl Israel.

Ozea 14:4

Yac'haat a rin o emsavadeg, o c'harout a rin a-volontez-vat, rak va c'hounnar a zo distroet diouto.

Ozea 6:1

Deuit, distroomp d'an AOTROU. Rak roget en deus, met yac'haat a raio ac'hanomp, skoet en deus, met lienañ a raio hor goulioù.

Mazhev 15:14

Lezit anezho, tud dall int o ren tud dall. Mar ren un den dall un den dall all, e kouezhint o-daou er poull.

Sant Marc 4:12

evit o welout e welont ha n’anavezont ket, hag o klevout e klevont ha ne gomprenont ket, en aon na zistrofent ha na vefe pardonet dezho o fec’hedoù.

Sant Marc 6:52

rak n’o doa ket komprenet mirakl ar baraoù, dre ma oa o c’halonoù kaledet.

Sant Lucas 4:18

Spered an Aotrou a zo warnon, dre-se en deus va olevet da brezeg ar c’heloù mat d’ar beorien. Kaset en deus ac’hanon da yac’haat ar re o deus ar c’halon flastret, da embann an dieubidigezh d’ar re zalc’het ha distro ar gweled d’ar re dall, da gas diere ar re gwasket,

Sant Lucas 8:10

Respont a reas: Roet eo deoc’h da anavezout misterioù rouantelezh Doue, met d’ar re all eo komzet dre barabolennoù, evit o welout na welont ket, hag o klevout na gomprenont ket.

Sant Ian 12:39

Evel-se ne c’hellent ket krediñ, rak Izaia en deus lavaret c’hoazh:

Sant Ian 9:39

Jezuz a lavaras: Me a zo deuet er bed-mañ evit ur varnedigezh, evit ma welo ar re na welont ket, ha ma teuio ar re a wel da vezañ dall.

Actou an Ebestel 15:3

O vezañ eta kaset gant an Iliz, e treuzjont Fenikia ha Samaria, e kontjont distro ar baganed ouzh Doue hag e rojont ul levenez vras d’an holl vreudeur.

Actou an Ebestel 28:26

pa en deus lavaret: Kae etrezek ar bobl-mañ ha lavar: C’hwi a glevo gant ho tivskouarn ha ne gomprenot ket. C’hwi a sello gant ho taoulagad ha ne welot ket.

Actou an Ebestel 3:19

Ho pet keuz eta ha distroit ouzh Doue, evit ma vo ho pec’hedoù lamet, evit ma teuio amzerioù a freskadurezh a-berzh an Aotrou,

Romaned 9:18

Evel-se eta, e ra trugarez d’an neb a fell dezhañ hag e kaleta an neb a fell dezhañ.

Adlezenn 29:4

Met an AOTROU n'en deus ket roet deoc'h ur galon evit kompren, na daoulagad evit gwelout, na divskouarn evit klevout, betek hiziv.

Jozue 11:20

ha kement-se a zeue a-berzh an AOTROU , en doa kaletaet o c'halon evit mont d'ar brezel a-enep Israel hag evit bezañ lakaet da verz hep ma vije trugarez evito, hag evit ma vefent distrujet evel m'en doa gourc'hemennet an AOTROU da Voizez.