Sant Ian 12:23 - Bibl Koad 21: Ar Bibl e Brezhoneg evit ar Vretoned

²³ Jezuz a respontas dezho: An eur a zo deuet ma tle Mab an den resev gloar.

Testamant Nevez 1897 (Jenkins)

²³ ha Jesus a respontaz dezhe: Deuet eo an heur ma tle beza glorifiet Mab an den.

Sant Ian 12:23 Referencias Cruzadas

Izaia 55:5

Setu e c'halvi ar vroad n'anavezes ket, hag ar broadoù n'anavezent ket ac'hanout a zeredo da'z c'havout, abalamour d'an AOTROU da Zoue ha da Sant Israel en devo roet gloar dit.

Izaia 60:9

Emañ an inizi en gortoz ac'hanon, listri Tarsiz da gentañ, evit degas da vibien a-ziabell gant o arc'hant hag o aour, abalamour da anv an AOTROU da Zoue ha da anv Sant Israel en deus roet gloar dit.

Mazhev 25:31

Pa zeuio Mab an den en e c’hloar, gant an holl aeled santel, ec’h azezo war dron e c’hloar.

Mazhev 26:45

Neuze e teuas da gavout e ziskibien hag e lavaras dezho: Kouskit bremañ ha diskuizhit! Setu, an eur a zo tost ha Mab an den a zo droukroet etre daouarn ar bec’herien.

Sant Marc 14:35

O vont un tamm a-raokoc’h, en em stouas d’an douar en ur bediñ, mar befe posupl, ma pellaje an eur-se dioutañ.

Sant Marc 14:41

Dont a reas evit an trede gwech hag a lavaras dezho: Kouskit bremañ ha diskuizhit! A-walc’h eo! An eur a zo deuet. Setu, Mab an den a zo droukroet etre daouarn ar bec’herien.

Sant Ian 12:16

E ziskibien ne gomprenjont ket da gentañ kement-se, met pa voe roet gloar da Jezuz, neuze e teuas da soñj dezho penaos e oa bet skrivet an traoù-se diwar e benn hag e oant en em gavet gantañ.

Sant Ian 12:27

Bremañ va ene a zo trubuilhet. Ha petra a lavarin? Tad, savete ac’hanon eus an eur-mañ? Met evit kement-se eo ez on deuet en eur-mañ.

Sant Ian 13:1

A-raok gouel ar Pask, Jezuz, oc’h anavezout e oa deuet e eur evit tremen eus ar bed-mañ d’an Tad, goude bezañ karet e re a oa er bed, o c’haras betek an diwezh.

Sant Ian 7:39

Met e lavaras kement-se eus ar Spered a dlee resev ar re a gredje ennañ, rak ar Spered-Santel ne oa ket bet c’hoazh roet, abalamour ma ne oa ket bet c’hoazh savet Jezuz en e c’hloar.