Sant Ian 11:9 - Bibl Koad 21: Ar Bibl e Brezhoneg evit ar Vretoned

⁹ Jezuz a respontas dezho: Ha n’eus ket daouzek eur en deiz? Mar kerzh unan bennak e-pad an deiz, ne strebot ket, abalamour ma wel sklêrijenn ar bed-mañ.

Testamant Nevez 1897 (Jenkins)

⁹ Jesus a respontaz: Ha n’euz ket daouzec heur en deiz? Mar deu unan‐benag da vale pa vez sclear an deiz, ne gwezo ket, rag gwelet a ra sclerijen ar bed‐man.

Sant Ian 11:9 Referencias Cruzadas

Krennlavarioù 3:23

Neuze e kerzhi e surentez war da hent, ha da droad ne streboto ket.

Jeremiaz 31:9

Dont a raint gant daeroù hag o renin e-kreiz aspedennoù, o c'has a rin d'an doureier-red, dre un hent eeun e-lec'h na gouezhint ket. Me a zo un tad evit Israel, hag Efraim eo va c'hentañ-ganet.

Sant Ian 11:10

Met mar kerzh unan bennak e-pad an noz, e strebot, abalamour n’eus ket a sklêrijenn ennañ.

Sant Ian 12:35

Neuze Jezuz a lavaras dezho: Ar sklêrijenn a zo c’hoazh ganeoc’h evit un nebeud amzer. Kerzhit e-pad m’hoc’h eus ar sklêrijenn, gant aon na zeufe an deñvalijenn d’ho soupren. An hini a gerzh en deñvalijenn ne oar ket pelec’h ez a.

Sant Ian 9:4

E-pad ma’z eo deiz, eo ret din kas da benn oberoù an hini en deus va c’haset. An noz a zeu, ha den ne c’hell labourat enni.

1 Yann 2:10

An hini a gar e vreur a chom er sklêrijenn, ha n’eus ennañ abeg da gouezhañ ebet.