Sant Ian 11:55 - Bibl Koad 21: Ar Bibl e Brezhoneg evit ar Vretoned

⁵⁵ Pask ar Yuzevien a oa tost ha kalz a dud eus ar vro a bignas da Jeruzalem a-raok ar Pask evit en em c’hlanaat.

Testamant Nevez 1897 (Jenkins)

⁵⁵ Hogen, Pask ar Judevien a oa tost, ha kalz a dud euz ar vro‐ze a ieaz da Jerusalem araog ar Pask, evit en em burifia.

Sant Ian 11:55 Referencias Cruzadas

Geneliezh 35:2

Jakob a lavaras d'e diegezh ha d'ar re holl a oa gantañ: Lamit an doueoù estren diouzh ho touez, en em c'hlanait ha cheñchit ho tilhad,

Levr Job 1:5

Ha pa veze echu tro deizioù ar fest, Job a gase da gerc'hat e vibien evit o santelaat. O sevel mintin mat, e kinnige loskaberzhoù evit pep hini anezho, rak Job a lavare: Marteze o deus pec'het va mibien, hag o deus dismegañset Doue en o c'halonoù. Evel-se e rae Job bepred.

Salmoù 26:6

Gwalc'hiñ a ran va daouarn en dinammded, hag e ran an dro da'z aoter, o AOTROU,

Ermaeziadeg 19:10

An AOTROU a lavaras da Voizez: Kae da gavout ar bobl, santela anezho hiziv ha warc'hoazh, ra walc'hint o dilhad.

Niveroù 9:10

Komz da vibien Israel ha lavar: Mard eo unan bennak ac'hanoc'h pe eus ho lignez dic'hlan abalamour d'un den marv, pe en beaj pell, e raio ar Pask d'an AOTROU;

Niveroù 9:6

Bez' e voe tud na c'hellent ket ober ar Pask en deiz-se, o vezañ dic'hlan abalamour d'un den marv. Dont a rejont da gavout Moizez hag Aaron en deiz-se,

Mazhev 26:1

Goude m’en doe Jezuz peurlavaret an holl gomzoù-se, e lavaras d’e ziskibien:

Mazhev 26:2

Gouzout a rit emañ gouel ar Pask a-benn daou zevezh ha Mab an den a vo gwerzhet evit bezañ staget ouzh ar groaz.

Sant Marc 14:1

Gouel ar Pask hag ar bara hep goell a dlee bezañ daou zevezh goude. Ar veleien vras hag ar skribed a glaske an doare da gregiñ ennañ dre droidell ha d’e lakaat d’ar marv.

Sant Lucas 22:1

Gouel ar bara hep goell, anvet ar Pask, a dostae.

Sant Ian 12:1

C’hwec’h devezh a-raok ar Pask, Jezuz a zeuas da Vetania, e-lec’h ma oa Lazar, an hini a oa bet marv hag en doa adsavet a-douez ar re varv.

Sant Ian 13:1

A-raok gouel ar Pask, Jezuz, oc’h anavezout e oa deuet e eur evit tremen eus ar bed-mañ d’an Tad, goude bezañ karet e re a oa er bed, o c’haras betek an diwezh.

Sant Ian 18:28

Neuze e tegasjont Jezuz eus ti Kaifaz d’ar pretordi. Ar mintin e oa, n’ejont ket e-barzh ar pretordi gant aon d’en em saotrañ, evit ma c’helljent debriñ ar Pask.

Sant Ian 2:13

Pask ar Yuzevien a oa tost ha Jezuz a bignas da Jeruzalem.

Sant Ian 2:6

Bez’ e oa eno c’hwec’h lestr-maen, lakaet evit glanidigezh ar Yuzevien, o terc’hel pep hini anezho daou pe dri metret.

Sant Ian 5:1

Goude-se, e voe ur gouel eus ar Yuzevien ha Jezuz a bignas da Jeruzalem.

Sant Ian 6:4

Hag ar Pask, gouel ar Yuzevien, a oa tost.

Actou an Ebestel 21:24

Kemer anezho ganit, en em c’hlana ganto ha pae o dispign evit ma lakaint da douzañ o fenn. Hag an holl a ouezo penaos n’eo ket gwir ar pezh o deus klevet lavarout ac’hanout, met e kendalc’hez da virout al lezenn.

Actou an Ebestel 21:26

Neuze Paol, o vezañ kemeret an dud-se an deiz war-lerc’h, en em c’hlanaas ganto, a yeas en templ en ur reiñ da anavezout an deizioù ma vije peurc’hraet ar c’hlanidigezh ha pegoulz e vije kinniget ar prof evit pep hini anezho.

Actou an Ebestel 24:18

Pa oan oc’h ober-se Yuzevien bennak eus Azia a gavas ac’hanon glanaet en templ, hep tolpad na trouz ebet.

1 Korintiz 11:28

Ra en em amprouo pep hini eta e-unan, hag evel-se ra zebro eus ar bara-mañ ha ra evo eus an hanaf-mañ.

S. Jakes 4:8

Tostait ouzh Doue hag e tostaio ouzhoc’h. Pec’herien, naetait ho taouarn, tud a galon lodennet, glanait ho kalonoù.

1 Samuel 16:5

Hag e respontas: Evit ho mad. Deuet on da aberzhiñ d'an AOTROU . En em santelait, ha deuit ganin d'an aberzh. Hag e reas da Jese ha d'e vibien en em santelaat, hag o fedas d'an aberzh.