Sant Ian 11:35 - Bibl Koad 21: Ar Bibl e Brezhoneg evit ar Vretoned

³⁵ Jezuz a ouelas.

Testamant Nevez 1897 (Jenkins)

³⁵ Ha Jesus a welaz.

Sant Ian 11:35 Referencias Cruzadas

Geneliezh 43:30

Jozef a hastas rak e galon a voe fromet ouzh e vreur, hag e klaskas ul lec'h evit gouelañ. Mont a reas en e gambr hag e ouelas.

Levr Job 30:25

Ha ne ouelen ket evit an den a dremene deizioù fall? Ha ne oa ket glac'haret va ene evit ar paour?

Salmoù 119:136

Stêrioù dour a red eus va daoulagad, dre na virer ket da lezenn.

Izaia 53:3

Disprizet ha distaolet gant an dud, den a c'hlac'har, kustumet ouzh ar boan, evel un den a zistroer an dremm dioutañ, disprizet eo ha ne reer van ebet anezhañ.

Izaia 63:9

En o holl enkrezioù eo bet enkrezet, ael e zremm en deus o dieubet, eñ e-unan en deus o dasprenet en e garantez hag en e drugarez, o harpet en deus, o douget en deus en deizioù a wechall.

Jeremiaz 13:17

Ma ne selaouit ket kement-se, e ouelo va ene e kuzh en abeg d'ho lorc'h, hag e ouelo va lagad, o teuziñ e daeroù, dre ma vo kaset tropell an AOTROU en dalc'hidigezh.

Jeremiaz 14:17

Lavarout a ri dezho ar gomz-mañ: Va daoulagad a deuz e daeroù noz-deiz ha ne baouezont ket, rak ar werc'hez, merc'h va fobl, a zo bet freuzet gant ur freuz bras, gant ur gouli poanius.

Jeremiaz 9:1

O! Perak n'eo ket va fenn evel dour, ha va daoulagad evel ur feunteun a zaeroù? Gouelañ a rafen deiz ha noz war re varv merc'h va fobl.

Klemmganoù 1:16

En abeg da-se eo e ouelan hag e teuz en dour va lagad. Ar frealzer a c'hellfe dic’hlac’hariñ va ene a zo aet pell diouzhin. Va mibien a zo mantret rak an enebour a zo kreñvoc'h.

Sant Lucas 19:11

Selaou a rejont ar c’homzoù-se. Eñ a gendalc’has hag a lavaras ur barabolenn, abalamour ma oa tost ouzh Jeruzalem, ha ma kredent ez ae rouantelezh Doue d’en em ziskouez prest.

Sant Lucas 19:41

Pa voe tost da gêr, o welout anezhi, e ouelas warni hag e lavaras:

Sant Ian 11:33

Pa welas Jezuz anezhi o ouelañ, hi hag ar Yuzevien a oa deuet ganti, e huanadas en e spered hag e voe trubuilhet.

Sant Ian 11:34

Hag e lavaras: Pelec’h hoc’h eus e lakaet? Int a lavaras dezhañ: Aotrou, deus ha gwel.

Hebreed 4:15

Rak n’hon eus ket ur beleg-meur na c’hellfe ket kaout truez d’hon dinerzhded, er c’hontrol temptet eo bet eveldomp en holl draoù, met hep pec’hiñ.