Sant Ian 11:19 - Bibl Koad 21: Ar Bibl e Brezhoneg evit ar Vretoned

¹⁹ ha kalz a Yuzevien a oa deuet da gavout Marta ha Mari evit o frealziñ diwar-benn o breur.

Testamant Nevez 1897 (Jenkins)

¹⁹ Ha kalz a Judevien a oa deuet da gavout Martha ha Mari, evit ho c’honsoli divarben ho breur.

Sant Ian 11:19 Referencias Cruzadas

Geneliezh 37:35

E holl vibien hag e holl verc'hed a zeuas d'e frealziñ, met ne felle ket dezhañ bezañ frealzet. Lavarout a reas: Diskenn a rin e kañv etrezek va mab e lec'h ar marv! Hag e dad a ouele dezhañ.

2 Samuel 10:2

David a lavaras: Madelezhus e vin e-keñver Hanun mab Nakash, evel m'eo bet e dad madelezhus em c'heñver. David a gasas e servijerien evit e frealziñ diwar-benn e dad. Ha servijerien David a zeuas da vro mibien Ammon.

1 Danevelloù 10:12

hag holl dud kadarn a savas hag a gemeras korf Saül ha korfoù e vibien d'o degas da Jabez. Sebeliañ a rejont o eskern dindan un dervenn e Jabez, hag e yunjont seizh deiz.

Levr Job 2:11

Ha tri eus mignoned Job, Elifaz eus Teman, Bildad eus Shuak, Zofar eus Naama, o vezañ klevet an holl boanioù a oa kouezhet warnañ, a zeuas, pep hini anezho eus e vro, hag e kendivizjont mont da drueziñ outañ ha d'e frealziñ.

Levr Job 42:11

E holl vreudeur, e holl c'hoarezed, an holl re a anaveze anezhañ gwechall a zeuas hag a zebras gantañ bara en e di. Hag e truezjont outañ hag en frealzjont diwar-benn an holl droug en doa lakaet an AOTROU da zont warnañ. Hag e rojont dezhañ pep hini ur pezh arc'hant ha pep hini ur walenn aour.

Ar Prezeger 7:2

Gwelloc'h eo mont d'un ti a c'hañv eget mont d'un ti a fest, rak eno emañ diwezh pep den, hag an hini a zo bev a laka kement-se en e galon.

Izaia 51:19

An daou dra-se o deus c'hoarvezet ganit, ha piv a druezo ouzhit? Ar glac'har hag an distruj, an naonegezh hag ar c'hleze, ha dre biv e frealzin ac'hanout?

Klemmganoù 1:16

En abeg da-se eo e ouelan hag e teuz en dour va lagad. Ar frealzer a c'hellfe dic’hlac’hariñ va ene a zo aet pell diouzhin. Va mibien a zo mantret rak an enebour a zo kreñvoc'h.

Klemmganoù 1:2

A-hed an noz e ouel hag an daeroù a c'holo he divjod. Nikun n'he frealz a-douez an holl re he c'hare. Hec'h holl vignoned o deus he zouellet, deuet int da vezañ hec'h enebourien.

Klemmganoù 1:21

Klevout a reont ac'hanon oc'h huanadiñ, ha nikun na'm frealz. Va holl enebourien o deus klevet va gwalleur hag o deus laouenaet gant ar pezh ac'h eus graet. Kas a ri an deiz, en disklêrii, ma vint heñvel ouzhin.

Klemmganoù 1:9

He saotradur a oa e pleg he sae, n'eo ket bet prederiet gant he diwezh. Izelaet en un doare souezhus, nikun n'he frealz. Sell, AOTROU, va glac'har! An enebour a gemer lorc'h.

Klemmganoù 2:13

Petore testeni a ginnigin dit? Gant petra ez keñveriin, merc'h Jeruzalem? Ouzh petra ez hañvalin evit da frealziñ, gwerc'hez merc'h Sion? Rak da c'houli a zo bras evel ar mor, ha piv az pareo?

Sant Lucas 10:39

Houmañ he doa ur c’hoar anvet Mari, en em zalc’has azezet ouzh treid Jezuz hag a selaouas e gomzoù.

Sant Lucas 10:42

Met un dra hepken a zo ret. Mari he deus dibabet al lodenn wellañ, ha ne vo ket lamet diganti.

Sant Ian 1:19

Setu amañ testeni Yann, pa gasas ar Yuzevien eus Jeruzalem beleien ha Levited da c’houlenn digantañ: Piv out-te?

Sant Ian 11:1

Bez’ e oa ur c’hlañvour, Lazar a Vetania, kêriadenn Mari ha Marta he c’hoar.

Sant Ian 11:31

Ar Yuzevien a oa gant Mari en ti ouzh he frealziñ, pa weljont e oa savet ken buan hag e oa aet er-maez, a heuilhjont anezhi, o lavarout: Mont a ra da ouelañ d’ar bez.

Sant Ian 11:33

Pa welas Jezuz anezhi o ouelañ, hi hag ar Yuzevien a oa deuet ganti, e huanadas en e spered hag e voe trubuilhet.

Sant Ian 11:36

Neuze ar Yuzevien a lavaras: Gwelit penaos e kare anezhañ.

Sant Ian 11:45

Neuze, kalz eus ar Yuzevien a oa deuet da gavout Mari, pa weljont ar pezh en doa graet Jezuz, a gredas ennañ.

Sant Ian 11:8

An diskibien a lavaras dezhañ: Mestr, ar Yuzevien a glaske n’eus ket pell da veinata, hag e tistroez di!

Romaned 12:15

En em laouenait gant ar re en em laouena, gouelit gant ar re a ouel.

2 Korintiz 1:4

hor frealziñ a ra en hon holl c’hlac’haroù, evit ma c’hellimp frealziñ ar re holl a zo en ur glac’har bennak dre ar frealz a resevomp hon-unan digant Doue.

1 Tesalonikiz 4:18

En em frealzit eta an eil egile dre ar gerioù-mañ.

1 Tesalonikiz 5:11

Dre-se en em greñvait an eil egile hag en em genteilhit an eil egile, evel ma rit dija.

1 Samuel 31:13

Ha neuze e kemerjont o eskern evit o beziañ dindan ur wezenn e Jabez, hag e yunjont seizh deiz.