Sant Ian 10:21 - Bibl Koad 21: Ar Bibl e Brezhoneg evit ar Vretoned

²¹ Re all a lavaras: Ar gerioù-se n’int ket eus un den dalc’het gant un diaoul. Hag un diaoul a c’hell digeriñ daoulagad ar re dall?

Testamant Nevez 1897 (Jenkins)

²¹ Darn all a lavare: Ar re‐ze n’int ket komzou eun den possedet gant eun diaoul. Daoust hag eun diaoul a hell digeri daou‐lagad ar re dall?

Sant Ian 10:21 Referencias Cruzadas

Salmoù 146:8

an AOTROU a zigor daoulagad ar re dall, an AOTROU a zibleg ar re a zo pleget, an AOTROU a gar ar re reizh.

Salmoù 94:9

An hini a blant ar skouarn, ha ne glevo ket? An hini a stumm al lagad, ha ne welo ket?

Ermaeziadeg 4:11

An AOTROU a lavaras: Piv en deus graet genoù an den? Pe piv eo an hini a laka mut, bouzar, gouest da welout, pe dall? Ha n'eo ket me, an AOTROU?

Ermaeziadeg 8:19

Neuze ar strobinellerien a lavaras da Faraon: Biz Doue eo. Met kalon Faraon a galetaas, ne selaouas ket anezho evel m'en doa lavaret an AOTROU .

Krennlavarioù 20:12

Ar skouarn a glev hag al lagad a wel, graet int bet o-daou gant an AOTROU.

Mazhev 11:5

ar re dall a wel, ar re gamm a gerzh, ar re lovr a zo glanaet, ar re vouzar a glev, ar re varv a adsav da vev, an Aviel a zo prezeget d’ar beorien.

Mazhev 4:24

Ar vrud anezhañ en em skuilhe dre holl Siria, hag e tegasent dezhañ an holl re glañv, re zalc’het gant meur a boan ha gant meur a zroug, re zalc’het gant diaouled, re loariek, re seizet, hag eñ a yac’hae anezho.

Sant Ian 10:22

Bez’ e oa e Jeruzalem gouel an Dedi. Ar goañv a oa.

Sant Ian 9:6

O vezañ lavaret kement-se, e krañchas d’an douar hag e reas fank gant e halv. Neuze ec’h olevas daoulagad an dall gant ar fank-se,