Hebreed 2:6 - Bibl Koad 21: Ar Bibl e Brezhoneg evit ar Vretoned

⁶ Met unan bennak en ul lech bennak en deus testeniet evel-se: Petra eo an den evit ma ec’h eus soñj anezhañ, pe mab an den evit ma parez da sell warnañ?

Testamant Nevez 1897 (Jenkins)

⁶ Mes unan‐benag, en eul leac’h‐benag, hen deuz rentet an desteni‐man, en eur lavaret: Petra eo an den, evit ma pefe sonj anezhan, pe mab an den, evit ma selfez outhan?

Hebreed 2:6 Referencias Cruzadas

Geneliezh 50:24

Jozef a lavaras d'e vreudeur: Emaon o vont da vervel. Met a-dra-sur, Doue a weladenno ac'hanoc'h hag a lakaio ac'hanoc'h da bignat eus ar vro-mañ d'ar vro en deus touet reiñ da Abraham, da Izaak ha da Jakob.

Levr Job 15:14

Petra eo an den evit ma vefe glan, an hini ganet gant ar vaouez evit ma vefe reizh?

Levr Job 25:6

pegement nebeutoc'h an den n'eo nemet ur preñv, ha mab an den n'eo nemet ur preñvig!

Salmoù 144:3

AOTROU, petra eo an den evit ma ec'h eus evezh outañ, ha mab an den evit ma talc'hez soñj anezhañ?

Izaia 40:17

An holl vroadoù a zo evel netra dirazañ; evitañ ez int kontet evel mann ha distumm.

Izaia 51:12

Me eo, me eo an hini a frealz ac'hanoc'h. Piv out-te evit kaout aon rak un den marvel, rak ur mab-den a zeuio da vezañ evel geot?

Sant Lucas 1:68

Benniget ra vo an Aotrou, Doue Israel, dre m’en deus gweladennet ha dasprenet e bobl,

Sant Lucas 1:78

dre garantez ar galon drugarezus eus hon Doue, an heol o sevel en deus hor gweladennet eus an nec’h drezi,

Sant Lucas 7:16

Ar spont a grogas enno holl hag e rojont gloar da Zoue, en ur lavarout: Ur profed bras a zo savet en hon touez ha Doue en deus gweladennet e bobl.

1 Tesalonikiz 4:6

ra chomo pep hini hep touellañ pe droukc’hoantaat e vreur en aferioù, rak an Aotrou eo ar veñjer eus an holl draoù-se evel ma hon eus henn lavaret hag henn testeniet deoc’h.

Hebreed 4:4

Rak en deus komzet evel-se en ul lec’h bennak diwar-benn ar seizhvet devezh: Doue en em ziskuizhas ar seizhvet devezh eus e holl oberoù.

Hebreed 5:6

Evel ma lavar ivez en ul lec’h all: Te a zo beleg da viken hervez urzh Melkizedek.

1 Pêr 1:11

o klask anavezout e peseurt amzer hag e peseurt degouezhioù e c’hoarvezfe ar pezh a ziskoueze Spered Krist a oa enno, eñ hag a destenie diagent poanioù Krist hag ar gloar a heuilhfe anezho.