Hebreed 10:1 - Bibl Koad 21: Ar Bibl e Brezhoneg evit ar Vretoned

¹ Gant al lezenn eta emañ skeud ar madoù da zont met n’emañ ket eiladur gwirion an traoù; neuze ne c’hell morse, dre an hevelep aberzhoù a ginniger dalc’hmat bep bloaz, peurwellaat ar re a dosta.

Testamant Nevez 1897 (Jenkins)

¹ Hogen, al lezen, o veza n’he deuz ket an imach gwirion euz an traou, mes ar skeuden hep‐ken euz ar madou da zond, na hell james dre ar sacrifisou‐ze a vez offret ato, bep bloaz, renta parfet ar re a dosta outhe.

Hebreed 10:1 Referencias Cruzadas

Leviegezh 9:16

Degas a reas al loskaberzh hag en kinnigas hervez ar reolenn.

Romaned 8:3

Rak ar pezh a oa dibosupl d’al lezenn, abalamour ma oa dinerzh dre ar c’hig, Doue, en ur gas e Vab e-unan en ur c’hig heñvel ouzh hini ar pec’hed, hag en abeg d’ar pec’hed, a gondaonas ar pec’hed er c’hig,

Koloseiz 2:17

kement-se a oa skeudenn an traoù a dlee dont, met ar c’horf a zo e Krist.

Hebreed 10:22

tostaomp gant ur galon wirion hag ur fiziañs leun a feiz, o kaout ar c’halonoù glanaet eus loustoni ur goustiañs fall hag ar c’horf gwalc’het gant dour pur.

Hebreed 7:11

Mar bije eta ar barfeted en em gavet e belegiezh Levi, rak dindan houmañ eo a zo bet roet al lezenn d’ar bobl, petra e oa ezhomm c’hoazh ma savje ur beleg all hervez urzh Melkizedek ha nann hervez urzh Aaron?

Hebreed 8:5

hag a ra ur servij, eiladur ha skeud eus an traoù neñvel, hervez an urzh roet gant Doue da Voizez pa dlee sevel an tabernakl, rak lavaret eo bet dezhañ: Laka evezh d’ober pep tra hervez ar skouer a zo bet diskouezet dit war ar menez.

Hebreed 9:11

Met Krist a zo deuet evel beleg-meur eus ar madoù da zont, o vezañ tremenet dre un tabernakl brasoc’h ha parfetoc’h n’eo ket bet graet gant dorn an den, da lavarout eo n’eo ket eus ar grouidigezh-mañ,

Hebreed 9:23

Ret e oa eta da skeudenn an traoù a zo en neñvoù bezañ glanaet en doare-se, met ret e oa d’an traoù neñvel o-unan bezañ glanaet gant aberzhoù kalz gwelloc’h c’hoazh.

Hebreed 9:25

nann evit en em ginnig e-unan meur a wech, evel ma’z a bep bloaz ar beleg-meur e sant ar sent gant ur gwad all n’eo ket e hini,