Galated 6:8 - Bibl Koad 21: Ar Bibl e Brezhoneg evit ar Vretoned

⁸ An hini a had evit ar c’hig a vedo eus ar c’hig ar vreinadurezh. Met an hini a had evit ar Spered a vedo eus ar Spered ar vuhez peurbadus.

Testamant Nevez 1897 (Jenkins)

⁸ An hini a had evit he gig he‐unan, a vedo euz ar c’hig ar vreinadurez; mes an hini a had evit ar Spered, a vedo euz ar Spered ar vuez eternel.

Galated 6:8 Referencias Cruzadas

Levr Job 4:8

Me am eus gwelet penaos ar re a labour an direizhder hag a had ar boan, a ved ivez anezho.

Krennlavarioù 11:18

An hini drouk a ra ul labour a douell anezhañ, met d'an hini a had ar reizhder eo roet ur gopr asur.

Krennlavarioù 22:8

An hini a had an direizhder a vedo an avel, ha gwialenn e fulor he devo fin.

Ar Prezeger 11:6

Had da c'hreun adalek ar beure, ha na lez ket da zorn da ziskuizhañ da noz, rak n'ouzout ket petra a zeuio da vat, hemañ pe hennezh, pe hag-eñ e vo an daou ivez mat.

Izaia 32:20

Eürus, c'hwi hag a had e-kichen an doureier, hag a lez troad an ejen hag an azen da vont dishual.

Jeremiaz 12:13

Hadet o deus gwinizh hag ec'h eostont draen, roet o deus bec'h hep gounid. Mezh hoc'h eus gant hoc'h eostoù, en abeg da gounnar entanet an AOTROU.

Ozea 10:13

Troet hoc'h eus an drougiezh ha medet ar fallagriezh, debret hoc'h eus frouezh ar gaou, rak fiziet ec'h eus ez hent, e niver da dud nerzhus.

Ozea 8:7

Dre ma hadont an avel, e vedint ar gorventenn. N'o devo ket a ed, ar pezh a gresko ne roio ket a vleud, ha mard eus, an diavaezidi a lonko anezhañ.

Mazhev 19:29

Ha piv bennak en devo kuitaet tiez, pe breudeur, pe c’hoarezed, pe tad, pe mamm, pe gwreg, pe bugale, pe douaroù, abalamour da’m anv, a resevo kant kemend all hag en devo ar vuhez peurbadus da hêrezh.

Mazhev 25:46

Hag ar re-mañ a yelo er c’hastiz peurbadus, met ar re reizh er vuhez peurbadus.

Sant Lucas 18:30

ha ne resevo kalz muioc’h er c’hantved-mañ, hag er c’hantved da zont, ar vuhez peurbadus.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

Sant Ian 4:36

An hini a ved resev ur gopr hag a zastum frouezh evit ar vuhez peurbadus, evit m’en em laouenaio an hini a had ivez gant an hini a ved.

Sant Ian 6:27

Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

Romaned 13:14

Ha gwiskit an Aotrou Jezuz-Krist, na selaouit ket ar c’hig en e zroukc’hoantoù.

Romaned 6:13

Na roit ket hoc’h izili d’ar pec’hed evit bezañ binvioù a zireizhder, met en em roit hoc’h-unan da Zoue evel tud deuet eus ar marv d’ar vuhez, ha roit hoc’h izili evel binvioù a reizhder evit Doue.

Romaned 6:23

Rak gopr ar pec’hed eo ar marv, met donezon Doue eo ar vuhez peurbadus e Jezuz-Krist hon Aotrou.

Romaned 8:11

Mar chom ennoc’h Spered an hini en deus adsavet Jezuz a-douez ar re varv, an hini en deus adsavet Krist a-douez ar re varv a roio ivez ar vuhez d’ho korfoù marvel dre e Spered a chom ennoc’h.

Romaned 8:13

Rak mar bevit hervez ar c’hig, e varvot, met mar lakait dre ar Spered oberoù ar c’horf da vervel, e vevot.

Romaned 8:6

Karantez ar c’hig eo ar marv, met karantez ar spered eo ar vuhez hag ar peoc’h,

1 Korintiz 15:42

Evel-se eo ivez gant an adsavidigezh a-douez ar re varv. Ar c’horf a zo hadet breinus, adsevel a raio divreinus,

Galated 6:7

N’en em dromplit ket, ne reer ket goap eus Doue. Ar pezh en devo un den hadet, a vedo ivez.

1 Timote 1:16

Hag abalamour da gement-mañ eo em eus kavet trugarez: evit ma tiskouezfe Jezuz-Krist da gentañ ennon e hirbasianted, hag evit servijout da skouer d’ar re a gredo ennañ evit ar vuhez peurbadus.

Titus 3:7

evit, o vezañ reishaet dre e c’hras, ma vijemp heritourien hervez esperañs ar vuhez peurbadus.

S. Jakes 3:18

Frouezh ar reizhder a zo hadet er peoc’h evit ar re en em ro d’ar peoc’h.

2 Pêr 2:12

Met ar re-mañ, evel loened diskiant dre natur, ganet evit bezañ paket ha distrujet, e troukkomzont eus ar pezh ne gomprenont ket, hag e vint distrujet en o breinadurezh o-unan,

2 Pêr 2:19

o prometiñ dezho al librentez, petra bennak ma’z int o-unan sklavourien eus ar vreinadurezh, rak dont a ra pep hini da vezañ sklavour eus ar pezh a zo trec’h warnañ.

S. Jud 1:21

en em zalc’hit e karantez Doue, o c’hortoz trugarez hon Aotrou Jezuz-Krist evit ar vuhez peurbadus.

Apocalyps 22:11

An hini a zo direizh ra vo direizh c’hoazh, an hini a zo hudur ra en em huduraio c’hoazh, an hini a zo reizh ra vo reizh c’hoazh, an hini a zo santel ra en em santelaio c’hoazh.