Galated 6:12 - Bibl Koad 21: Ar Bibl e Brezhoneg evit ar Vretoned

¹² Ar re holl a fell dezho plijout hervez ar c’hig a vount ac’hanoc’h start da vezañ amdroc’het, ha kement-se hepken evit na vint ket heskinet abalamour da groaz Krist.

Testamant Nevez 1897 (Jenkins)

¹² Kement holl hag a fell dezhe plijoud deoc’h, hervez ar c’hig, a laka ac’hanoc’h d’en em circoncisa, mes ne reont kement‐se, nemed evit gallout tec’hel ouz ar bersecution, abalamour da groaz ar C’hrist.

Galated 6:12 Referencias Cruzadas

Mazhev 23:27

Gwalleur deoc’h, skribed ha farizianed pilpouzed! Abalamour ma’z oc’h heñvel ouzh bezioù gwennet, en em ziskouez kaer en diavaez, hag a zo leun a eskern tud varv hag a bep dic’hlanded en diabarzh.

Mazhev 23:28

Evel-se c’hwi ivez, en diavaez en em ziskouezit reizh d’an dud, met en diabarzh oc’h leun a bilpouzerezh hag a zireizhder.

Mazhev 23:5

O holl oberoù a reont evit bezañ gwelet gant an dud. Evel-se o deus fulakterioù ledan ha pempilhoù hir ouzh o dilhad,

Mazhev 5:10

Eürus ar re a zo gwallgaset abalamour d’ar reizhder, rak rouantelezh an neñvoù a zo dezho!

Mazhev 6:16

Pa yunit, na gemerit ket ur min trist evel ar bilpouzed, rak e tispennont o dremm evit diskouez d’an dud e yunont. Me a lavar deoc’h e gwirionez, o deus o gopr.

Mazhev 6:2

Pa ri eta aluzen, na son ket an drompilh a-raok ac’hanout, evel ma ra ar bilpouzed er sinagogennoù hag er straedoù, evit resev gloar digant an dud. Me a lavar deoc’h e gwirionez, o deus o gopr.

Mazhev 6:5

Pa bedez, na ra ket evel ar bilpouzed, rak e karont pediñ en o sav er sinagogennoù hag e kornioù ar straedoù, evit bezañ gwelet gant an dud. Me a lavar deoc’h e gwirionez, o deus o gopr.

Sant Lucas 16:15

Hag e lavaras dezho: Evidoc’h-c’hwi, a fell deoc’h tremen evit reizh dirak an dud, met Doue a anavez ho kalonoù. Rak ar pezh a zo uhel dirak an dud a zo fall bras dirak Doue.

Sant Lucas 20:47

a zismantr tiez an intañvezed hag a ra evit ar gweled pedennoù hir. Bez’ o devo ur varnedigezh gwashoc’h.

Sant Ian 7:18

An hini a gomz anezhañ e-unan a glask e c’hloar e-unan, met an hini a glask gloar an hini en deus e gaset, a zo gwirion, ha n’eus ket a zireizhder ennañ.

Actou an Ebestel 15:1

Hiniennoù deuet eus Judea a gelennas ar vreudeur o lavarout: Ma n’oc’h ket amdroc’het hervez giz Moizez, ne c’hellit ket bezañ salvet.

Actou an Ebestel 15:5

Met hiniennoù eus kostezenn ar farizianed o doa kredet a savas o lavarout e oa ret amdroc’hañ anezho ha gourc’hemenn dezho mirout lezenn Moizez.

2 Korintiz 10:12

Ne gredomp ket en em heñvelaat pe en em geñveriañ ouzh hiniennoù e-touez ar re en em veul o-unan. Met oc’h en em vuzuliañ o-unan drezo o-unan hag oc’h en em geñveriañ o-unan outo o-unan, e tiskouezont n’o deus skiant ebet.

2 Korintiz 11:13

Rak hevelep tud a zo fals-ebestel, labourerien tromplus dic’hizet en ebestel Krist.

Galated 2:14

Pa welis ne gerzhent ket eeun hervez wirionez an Aviel, e lavaris da Bêr dirazo holl: Te a zo ur Yuzev, mar bevez evel ar baganed ha nann evel ar Yuzevien, perak e rediez ar baganed da vevañ evel ar Yuzevien?

Galated 2:3

Ha Tit e-unan, hag a oa ganin, ne voe ket rediet da vezañ amdroc’het, petra bennak ma oa Gresian.

Galated 5:11

Evidon-me, breudeur, mar prezegan an amdroc’h, perak ez on c’hoazh heskinet? Neuze ar maen-kouezh eus ar groaz a vefe aet da netra.

Galated 6:13

Rak an amdroc’hidi o-unan ne viront ket al lezenn, met fellout a ra dezho e viot amdroc’het evit kavout gloar en ho kig.

Filipiz 1:15

Gwir eo penaos hiniennoù a brezeg Krist dre avi ha tabut, met reoù all a ra a volontez vat.

Filipiz 2:4

Na sello ket pep hini ac’hanoc’h ouzh e gounid e-unan, met ivez ouzh hini ar re all.

Filipiz 3:18

Rak kalz a zo hag en em ren en enebourien da groaz Krist, henn lavaret em eus deoc’h alies ha bremañ en adlavaran en ur ouelañ.

Koloseiz 2:23

An traoù-se o deus e gwirionez un diavaez a furnez, o tiskouez evel ul lid a volontez vat, izelegezh ha garventez e-keñver ar c’horf, met a zo didalvoud a-enep ar pezh a c’hell plijout d’ar c’hig.