Galated 6:10 - Bibl Koad 21: Ar Bibl e Brezhoneg evit ar Vretoned

¹⁰ Dre-se, e-pad ma hon eus al lec’h, greomp ar mad e-keñver an holl ha dreist-holl e-keñver ar re a zo eus tiegezh ar feiz.

Testamant Nevez 1897 (Jenkins)

¹⁰ Rag‐se, e‐keit ha ma hon euz an occasion, greomp vad d’an holl, mes dreist‐holl d’ar re a zo euz a famill ar feiz.

Galated 6:10 Referencias Cruzadas

Salmoù 37:27

Distro diouzh an droug ha gra ar mad, hag e chomi da viken.

Salmoù 37:3

Fiz en AOTROU, gra ar mad, bez o chom war an douar, debr ar wirionez evel boued.

Krennlavarioù 3:27

Na zinac'h ket ur madober d'an hini en deus ezhomm, pa'z eo ez kalloud e reiñ dezhañ.

Ar Prezeger 3:12

Anavezet em eus n'eus netra gwelloc'h evit un den eget bezañ laouen hag aes e-pad e vuhez.

Ar Prezeger 9:10

Kement a gav da zorn d'ober, gra-eñ hervez da c'halloud, rak n'eus na labour, na soñj, na anaoudegezh, na furnez e lec'h ar marv m'emaout o vont.

Mazhev 10:25

A-walc’h eo d’an diskibl bezañ evel e vestr ha d’ar mevel bezañ evel e aotrou. Mar o deus galvet mestr an tiegezh Beelzebul, pegement muioc’h ne c’halvint ket tud e diegezh.

Mazhev 12:50

Rak piv bennak a ra bolontez va Zad a zo en neñvoù, hennezh eo va breur ha va c’hoar ha va mamm.

Mazhev 25:40

Hag ar Roue a responto hag a lavaro dezho: Me a lavar deoc’h e gwirionez, bep gwech ma hoc’h eus graet kement-se e-keñver unan eus ar re zisterañ eus va breudeur, hoc’h eus graet an dra-se din.

Mazhev 5:43

Klevet hoc’h eus penaos eo bet lavaret: Karout a ri da nesañ hag e kasai da enebour.

Sant Marc 3:4

Lavarout a reas dezho: Hag aotreet eo ober vad pe droug, d’an deiz sabad, saveteiñ un den pe e lezel da goll? Hag int a davas.

Sant Lucas 6:35

Met karit hoc’h enebourien, grit vad ha prestit hep gortoz netra, hag ho kopr a vo bras, ha c’hwi a vo mibien an Uhel-Meurbet, abalamour ma’z eo mat e-keñver ar re zizanaoudek hag ar re fall.

Sant Ian 12:35

Neuze Jezuz a lavaras dezho: Ar sklêrijenn a zo c’hoazh ganeoc’h evit un nebeud amzer. Kerzhit e-pad m’hoc’h eus ar sklêrijenn, gant aon na zeufe an deñvalijenn d’ho soupren. An hini a gerzh en deñvalijenn ne oar ket pelec’h ez a.

Sant Ian 9:4

E-pad ma’z eo deiz, eo ret din kas da benn oberoù an hini en deus va c’haset. An noz a zeu, ha den ne c’hell labourat enni.

Actou an Ebestel 6:7

Ger Doue en em skuilhe, niver an diskibien a greske kalz e Jeruzalem hag un niver bras eus ar veleien a sente ouzh ar feiz.

2 Korintiz 2:8

Dre-se ho pedan da ziskouez dezhañ ho karantez.

Galated 1:23

An dra-mañ hepken o doa klevet: An hini en doa gwechall hon heskinet, a brezeg bremañ ar feiz a ziskare diagent.

Efeziz 2:19

Evel-se eta, n’oc’h ken nag estrañjourien na tud a-ziavaez, met kenvourc’hizien d’ar sent hag eus ti Doue,

Efeziz 3:15

a denn pep familh en neñvoù ha war an douar hec’h anv dioutañ,

Efeziz 4:28

An hini a laere ra ne laero ket ken, met ra labouro kentoc’h gant e zaouarn da un dra vat bennak, evit m’en devo peadra da reiñ d’an hini a zo en ezhomm.

Efeziz 5:16

adprenit an amzer rak an deizioù a zo fall.

Filipiz 4:10

Laouenaet kalz on bet en Aotrou dre ma hoc’h eus bremañ lakaet da advleuniañ ho santadoù evidon. Evit gwir e soñjec’h, met an tu a vanke deoc’h.

Koloseiz 4:5

En em renit gant furnez e-keñver ar re a-ziavaez, o tasprenañ an amzer.

1 Tesalonikiz 5:15

Diwallit na rentfe hini ebet droug evit droug, met grit bepred hervez ar mad, hag etrezoc’h hag e-keñver an holl.

1 Tesalonikiz 5:21

Amprouit pep tra, dalc’hit ar pezh a zo mat.

Titus 2:14

a zo en em roet e-unan evit hon dasprenañ a bep direizhder hag evit hor glanaat, evel ur bobl a zo dezhañ e-unan, gredus evit an oberoù mat.

Titus 3:8

Ar ger-mañ a zo gwir hag e fell din e asurez gant nerzh an traoù-mañ, evit ma lakaio ar re o deus kredet e Doue d’en em reiñ d’an oberoù mat. Setu an traoù a zo mat ha talvoudus d’an dud.

Hebreed 13:16

Ha n’ankounac’hait ober vad ha reiñ lod eus ho madoù, rak Doue a gemer plijadur en un hevelep aberzh.

Hebreed 3:6

met Krist a zo bet lakaet evel Mab da vestr war e di, ha ni eo e di, gant ma virimp betek an diwezh ar fiziañs start hag an esperañs a dennomp gloar diouti.

Hebreed 6:10

Rak Doue n’eo ket direizh evit ankounac’haat hoc’h oberoù ha labour ho karantez hoc’h eus diskouezet evit e anv, o vezañ sikouret hag o sikour c’hoazh ar sent.

1 Pêr 2:5

C’hwi ivez, evel mein bev, a zo savet evit bezañ un ti speredel, ur velegiezh santel, evit kinnig aberzhoù speredel kavet plijus gant Doue dre Jezuz-Krist.

1 Pêr 4:17

Rak an amzer a zeu ma tle ar varn kregiñ gant ti Doue. Ha mar krog ganeomp-ni, petra a vo diwezh ar re na sentont ket ouzh Aviel Doue?

1 Yann 5:1

Piv bennak a gred ez eo Jezuz ar C’hrist a zo ganet a Zoue, ha piv bennak a gar an hini en deus e c’hanet, a gar ivez an hini a zo ganet anezhañ.

3 Yann 1:10

Dre-se, mar deuan, e tegasin soñj eus an oberoù a ra o terc’hel gwallgomzoù a-enep deomp. Ha pa ne vez ket a-walc’h kement-se, ne zegemer ket e-unan ar vreudeur, ha ne lez ket d’ober ar re a garfe o degemer hag e kas anezho kuit eus an Iliz.

3 Yann 1:11

Karet-mat, kemer skouer eus ar mad nann eus an droug. An hini a ra ar mad a zo eus Doue, met an hini a ra an droug n’en deus ket gwelet Doue.

3 Yann 1:3

En em laouenaet bras on pa o deus breudeur en em gavet amañ hag o deus roet testeni eus ar wirionez a zo ennout hag eus an doare ma kerzhez er wirionez.