Filipiz 2:2 - Bibl Koad 21: Ar Bibl e Brezhoneg evit ar Vretoned

² leugnit va levenez, en ur vezañ a-unan etrezoc’h, en ur gaout an hevelep karantez, an hevelep ene, an hevelep soñjoù.

Testamant Nevez 1897 (Jenkins)

² lakit va joa da veza parfet, o veza a‐unan etrezoc’h, o kaoud ar memeus karantez, ar memeus ene, ar memeus santimant;

Filipiz 2:2 Referencias Cruzadas

Salmoù 122:8

Abalamour da'm breudeur ha da'm mignoned, e pedin evit da beoc'h.

Sant Ian 3:29

An hini en deus ar wreg eo an ozhac’h. Met mignon an ozhac’h, a zo eno hag en selaou, a zo laouen bras pa glev mouezh an ozhac’h, hag al levenez-se a zo va hini ha peurvat eo.

Actou an Ebestel 1:14

Ar re-se holl a gendalc’he a-unvan er bedenn hag en aspedenn, gant ar gwragez, ha Mari mamm Jezuz, ha gant e vreudeur.

Actou an Ebestel 2:1

Deiz ar Pantekost o vezañ erruet, e oant holl a-unvan en hevelep lec’h.

Actou an Ebestel 2:46

Bemdez e oant aketus a-unvan en templ. O terriñ ar bara eus an eil ti d’egile, e kemerent o boued gant levenez hag eeunded a galon,

Actou an Ebestel 5:12

Kalz a virakloù hag a vurzhudoù en em rae e-touez ar bobl dre zaouarn an ebestel. Bez’ e oant holl a-unvan dindan porched Salomon.

Romaned 12:16

Ho pet an hevelep soñjoù etrezoc’h. Na glaskit ket an traoù uhel, met tremenit gant an traoù izel. Na vezit ket fur d’ho taoulagad hoc’h-unan.

1 Korintiz 1:10

Ho pediñ a ran, breudeur, en anv hon Aotrou Jezuz-Krist, da zerc’hel holl an hevelep komzoù ha da ziwall na vefe ket a zizunvaniezh etrezoc’h, met da vezañ unanet en un hevelep soñj hag en un hevelep mennozh.

2 Korintiz 13:11

A-hend-all, breudeur, en em laouenait, klaskit bezañ peurvat, en em frealzit, bezit en un hevelep soñj, bevit e peoc’h, hag an Doue a garantez hag a beoc’h a vo ganeoc’h.

2 Korintiz 2:3

Kement-se am eus skrivet deoc’h evit na’m bo ket a dristidigezh pa vin erruet digant ar re a dlefe reiñ levenez din, rak ar fiziañs-mañ am eus ennoc’h holl penaos e rit holl ho levenez eus va hini.

2 Korintiz 7:7

ha n’eo ket hepken dre e zonedigezh, met ivez dre ar frealz en deus bet diganeoc’h, en ur reiñ da anavezout deomp ho c’hoant bras, ho taeroù, ho kred evidon, en hevelep doare ma’z eo bet kresket va levenez.

Filipiz 1:4

o pediñ bepred evidoc’h holl gant levenez em holl c’houlennoù,

Filipiz 2:16

o tougen ger ar vuhez, en hevelep doare ma c’hellin, e deiz Krist, en em reiñ gloar dre ma ne’m bo ket redet en aner na labouret en aner.

Filipiz 2:20

Rak ne’m eus den hag a vefe unanet ganin evit kemer ur gwir preder eus ar pezh a sell ac’hanoc’h,

Filipiz 4:2

Aspediñ a ran Evodia hag aspediñ a ran Sintich da gaout un hevelep santad en Aotrou.

Koloseiz 2:5

Rak mar d-on ezvezant a gorf, ez on koulskoude ganeoc’h er spered, leun a levenez o welout an urzh vat en ho touez ha started ho feiz e Krist.

2 Tesalonikiz 2:13

Met e tleomp trugarekaat Doue dalc’hmat abalamour deoc’h, breudeur karet-mat gant an Aotrou, dre ma en deus Doue ho tibabet abaoe ar penn-kentañ evit ar silvidigezh dre santeladur ar Spered ha dre ar feiz er wirionez.

2 Timote 1:4

o kaout eñvor eus da zaeroù hag o c’hoantaat gwelout ac’hanout evit bezañ leuniet a levenez,

Filemon 1:20

Ya, breur, ra resevin ar blijadur-se diganit en Aotrou, laouena va c’halon en Aotrou.

2 Yann 1:4

En em laouenaet bras on o vezañ kavet meur a hini eus da vugale o kerzhout er wirionez, hervez ar gourc’hemenn hon eus resevet digant an Tad.

3 Yann 1:4

N’eus ket evidon ur brasoc’h levenez eget klevout penaos e kerzh va bugale er wirionez.