Ester 9:5 - Bibl Koad 21: Ar Bibl e Brezhoneg evit ar Vretoned

⁵ Ar Yuzevien a skoas war o holl enebourien a daolioù kleze, hag e voe ul lazhadeg hag un distruj. Ober a rejont evel ma plije dezho d'ar re o c'hasae.

Ester 9:5 Referencias Cruzadas

Nehemia 9:24

O mibien a zeuas e-barzh hag a berc'hennas ar vro, izelaet ec'h eus dirazo ar Gananeiz, annezidi ar vro, hag o lakaet ec'h eus etre o daouarn, gant o rouaned ha pobloù ar vro, evit ma rafent dezho hervez o c'hoant.

Ester 3:13

Hag al lizheroù a voe kaset dre rederien da holl broviñsoù ar roue, evit ma vije kaset da get, lazhet, distrujet an holl Yuzevien, ar re yaouank evel ar re gozh, ar vugale hag ar maouezed, en un hevelep devezh, an trizekvet eus an daouzekvet miz, a zo miz Adar, ha ma vije preizhet o madoù.

Ester 8:11

Al lizheroù a aotree ar Yuzevien a oa e pep kêr d'en em zastum hag d'en em zerc'hel evit difenn o buhez, da zistrujañ, lazhañ ha kas da get pep galloud a bobl hag a broviñs o gwaskfe hag a breizhfe o madoù, kenkoulz ar vugale hag ar vaouezed,

Ester 9:6

E Suza ar gêrbenn, ar Yuzevien a lazhas hag a lakaas da varv pemp kant den,

Salmoù 92:12

Va daoulagad en em blij o sellout, ha va divskouarn o klevout an dud fall-se a sav em enep.

Jeremiaz 18:21

Setu perak, ro o mibien d'an naonegezh, dilez-int da c'halloud ar c'hleze, ra vo o gwragez dirannet eus mibien hag intañvezed, ra vo lazhet o gwazed gant ar vosenn, ra vo skoet o zud yaouank gant ar c'hleze er brezel,

2 Tesalonikiz 1:6

Rak reizh eo dirak Doue ma rentfe ar glac’har d’ar re ho klac’har,