Ester 9:25 - Bibl Koad 21: Ar Bibl e Brezhoneg evit ar Vretoned

²⁵ met pa voe deuet Ester dirak ar roue, hemañ a c'hourc'hemennas dre lizheroù ma kouezhfe war benn Haman an irienn fall en doa ijinet a-enep ar Yuzevien, ha ma vefe krouget, eñ hag e vibien, ouzh ar post.

Ester 9:25 Referencias Cruzadas

1 Rouaned 8:32

selaou-eñ eus an neñvoù, gra ha barn da servijerien, en ur reiñ e c'hopr d'an den fall dre lakaat e hent da gouezhañ war e benn, hag en ur reishaat an den reizh dre reiñ dezhañ hervez e reizhder.

Ester 3:6

Met ne brize ket lakaat e dorn war Vardoke e-unan, rak diskuliet e oa bet dezhañ pobl Mardoke. Hag Haman a glaskas distrujañ an holl Yuzevien a oa dre-holl e rouantelezh Asueruz, dre ma oant pobl Mardoke.

Ester 7:10

Hag e krougjont Haman ouzh ar post en doa prientet evit Mardoke. Hag e voe sioulaet kounnar ar roue.

Ester 7:4

Rak gwerzhet omp bet, me ha va fobl, da vezañ distrujet, lazhet, kaset da get. Ma vijemp gwerzhet evit bezañ sklaved ha mitizhien, am bije tavet, petra bennak ma ne c'hellje ket ar gwasker dic'haouiñ ar c'holl evit ar roue.

Ester 7:5

Hag ar roue Asueruz a gomzas ouzh ar rouanez Ester o lavarout: Piv eo, ha pelec'h emañ an den en deus kredet en e galon ober kement-se?

Salmoù 140:8

Aotrou AOTROU, te eo nerzh va silvidigezh, goloet ec'h eus va fenn en deiz an emgann.

Salmoù 140:9

AOTROU, na ro ket d'an hini drouk e c'hoantoù, n'en lez ket da zont a-benn eus e vennadoù, en em uhelaat a rafe.  Ehan

Salmoù 141:10

Ro gouezho ar re zrouk asambles en o rouedoù, e-keit ma c'hellin-me tec'hout!

Salmoù 7:16

toullet en deus ur poull don, met e kouezho er poull en deus graet.

Salmoù 7:17

E zroug a zistroio war e benn, e daerder a adkouezho war e dal.

Salmoù 94:23

Lakaat a raio da gouezhañ warno o direizhder, o distrujañ a raio dre o fallagriezh o-unan. An AOTROU hon Doue o distrujo.

Krennlavarioù 26:27

An hini a doull ur poull a gouezho ennañ, hag an hini a ruilh ur maen a welo anezhañ o tistreiñ warnañ.

Krennlavarioù 5:22

An hini drouk a vo paket en e zireizher, hag a vo dalc'het en ereoù e bec'hed.

Izaia 22:25

En deiz-se, eme AOTROU an armeoù, an tach lakaet en ul lec'h sur a vo tennet, lamet e vo kuit hag e kouezho, hag ar samm a zouge a vo distrujet, rak an AOTROU en deus komzet.

Abdia 1:15

Rak devezh an AOTROU a zo tost evit an holl vroadoù; graet e vo dit evel ma ec'h eus graet. Da oberoù a gouezho war da benn.

Mazhev 21:44

An hini a gouezho war ar maen-se a vo brevet, hag an hini a gouezho warnañ a vo friket evel poultr.

1 Samuel 25:39

Pa glevas David e oa marv Nabal, e lavaras: Benniget ra vo an AOTROU en deus difennet va gwir en dismegañs am eus graet dorn Nabal, hag en deus harzet ouzh e servijer d'ober droug. Met an AOTROU en deus lakaet droug Nabal da gouezhañ war e benn. Ha David a gasas da gomz da Abigail, evit he c'hemer da wreg dezhañ.