Ester 7:8 - Bibl Koad 21: Ar Bibl e Brezhoneg evit ar Vretoned

⁸ Pa zistroas ar roue eus liorzh ar palez da di ar fest, Haman a oa kouezhet war ar gwele ma oa Ester warnañ. Ar roue a lavaras: Hag e vefe feuls e-keñver ar rouanez dirazon, en ti-mañ? Adalek ma voe deuet ar gomz-se eus genoù ar roue, e voe goloet e zremm da Haman.

Ester 7:8 Referencias Cruzadas

Ester 1:5

Pa voe tremenet an deizioù-se, ar roue a reas ur fest e-pad seizh devezh, e leurenn liorzh palez ar roue, d'an holl bobl en em gave e Suza ar gêrbenn, eus ar brasañ d'ar bihanañ.

Ester 1:6

Palennoù gwenn, gwer ha limestra a oa staget gant kerdin lin fin ha tane ouzh lagadennoù arc'hant ha peulioù marmor. Gweleoù aour hag arc'hant a oa lakaet war bavezioù porfir, marmor, nakr ha marbr-du.

Ester 6:12

Goude-se, Mardoke a zistroas da zor ar roue, hag Haman en em dennas buan d'e di, gwall c'hlac'haret, goloet e benn.

Ester 7:10

Hag e krougjont Haman ouzh ar post en doa prientet evit Mardoke. Hag e voe sioulaet kounnar ar roue.

Levr Job 9:24

An douar a zo lakaet etre daouarn ar re zrouk. Eñ eo a c'holo daoulagad ar re a varn; ma n'eo ket eñ, piv eo?

Izaia 22:17

Setu, an AOTROU az taolo pell gant ur vrec'h nerzhus, da c'holeiñ a raio a-dra-sur,

Izaia 49:23

Rouaned a vo da vagerien, hag o friñsezed da vagerezed, stouiñ a raint dirazout an dremm d'an douar, hag e lipint poultrenn da dreid. Te a anavezo ez on an AOTROU, ha ne vo ket mezhek ar re a zo en gortoz ac'hanon.

Amoz 3:12

Evel-henn e komz an AOTROU: Evel ma savete ar mesaer diouzh genoù al leon div c'har pe un tamm skouarn, evel-se e vo saveteet mibien Israel a zo azezet e Samaria war gorn ur gwele ha war ur ballenn eus Damask.

Sant Marc 14:65

Hiniennoù en em lakaas da grañchat outañ, da c’holeiñ e zremm ha da reiñ dezhañ taolioù-dorn o lavarout dezhañ: Diougan! Hag ar vevelien a roe karvanadoù dezhañ.