Ester 6:12 - Bibl Koad 21: Ar Bibl e Brezhoneg evit ar Vretoned

¹² Goude-se, Mardoke a zistroas da zor ar roue, hag Haman en em dennas buan d'e di, gwall c'hlac'haret, goloet e benn.

Ester 6:12 Referencias Cruzadas

2 Samuel 15:30

David a bigne dre grec'hienn an Olived, hag en ur bignat e ouele; e benn a oa goloet, hag e kerzhe diarc'hen. An holl bobl a oa gantañ a bigne, goloet ganto o fenn, hag en ur bignat e ouelent.

2 Samuel 17:23

Akitofel, o welout ne oa ket graet ar pezh en doa aliet, a zibras e azenn, a savas hag a yeas d'e di en e gêr. Goude m'en doe lakaet urzh en e di, en em grougas hag e varvas. Hag e voe sebeliet e bez e dad.

1 Rouaned 20:43

Ha roue Israel a yeas d'e di, glac'haret ha kounnaret, hag e teuas da Samaria.

1 Rouaned 21:4

Akab a zistroas d'e di, glac'haret ha kounnaret gant ar gomz en doa lavaret dezhañ Nabod eus Jizreel, p'en doa respontet: Ne roin ket dit hêrezh va zadoù. Hag e c'hourvezas war e wele, e tistroas e zremm, ha ne zebras netra.

1 Rouaned 21:6

Hag e respontas dezhi: Dre ma em eus komzet ouzh Nabod eus Jizreel, ha lavaret dezhañ: Ro din da winienn evit arc'hant, pe ma fell dit, e roin dit ur winienn all eviti. Hag en deus lavaret: Ne roin ket dit va gwinienn.

2 Danevelloù 26:20

An aberzhour-meur Azaria a sellas outañ, gant an holl aberzhourien, ha setu, e oa al lorgnez war e dal. Lakaat a rejont anezhañ da vont kuit buan er-maez, hag eñ e-unan a hastas mont kuit, dre m'en doa skoet an AOTROU warnañ.

Ester 2:19

Evel ma oa dastumet ar gwerc'hezed un eil gwech, Mardoke a oa azezet ouzh dor ar roue.

Ester 6:11

Hag Haman a gemeras an dilhad hag ar marc'h, a wiskas Mardoke hag a lakaas anezhañ da vont war varc'h dre straedoù kêr, en ur huchal dirazañ: Evel-se e vez graet d'an den a fell d'ar roue enoriñ!

Ester 7:8

Pa zistroas ar roue eus liorzh ar palez da di ar fest, Haman a oa kouezhet war ar gwele ma oa Ester warnañ. Ar roue a lavaras: Hag e vefe feuls e-keñver ar rouanez dirazon, en ti-mañ? Adalek ma voe deuet ar gomz-se eus genoù ar roue, e voe goloet e zremm da Haman.

Levr Job 20:5

youc'hoù trec'h an den drouk ne badont ket, ha levenez an den dizoue a zo evit ur predig?

Levr Job 9:24

An douar a zo lakaet etre daouarn ar re zrouk. Eñ eo a c'holo daoulagad ar re a varn; ma n'eo ket eñ, piv eo?

1 Samuel 3:15

Samuel a chomas kousket betek ar mintin, hag e tigoras dorojoù ti an AOTROU . Samuel en doa aon da zisklêriañ ar weledigezh da Eli.