Ester 5:2 - Bibl Koad 21: Ar Bibl e Brezhoneg evit ar Vretoned

² Pa welas ar rouanez Ester en em zalc'he war al leurenn, houmañ a gavas gras dirazañ. Ar roue a astennas da Ester ar vazh-roue aour a oa en e zorn. Ester a dostaas hag a stokas ouzh penn ar vazh.

Ester 5:2 Referencias Cruzadas

Geneliezh 32:28

Lavarout a reas: Da anv ne vo ken Jakob met Israel. Rak gourenet ec'h eus gant Doue ha gant tud, ha trec'het ec'h eus.

Nehemia 1:11

Da bediñ a ran, AOTROU, ra vo da skouarn evezhiek ouzh pedenn da servijer, hag ouzh pedenn da servijerien o deus plijadur o toujañ da anv. Ro berzh hiziv da'z servijer, me az ped, ro dezhañ kavout trugarez dirak an den-mañ. Me a oa hanafer ar roue.

Ester 2:9

Ar plac'h yaouank a blijas dezhañ hag a gavas gras dirazañ. Hastañ a reas reiñ dezhi ar pezh a oa ret evit en em gempenn hag evit he bevañs. Hag e roas dezhi seizh plac'h yaouank dibabet e ti ar roue, hag he lojañ a reas gant ar seizh plac'h yaouank-se er gwellañ lec'h eus ti ar gwragez.

Ester 4:11

Holl servijerien ar roue ha pobl proviñsoù ar roue a anavez ez eus ul lezenn penaos piv bennak, den pa maouez, a ya e ti ar roue, e leurenn an diabarzh, hep bezañ bet galvet, a zo lakaet d'ar marv, nemet ec'h astenn dezhañ ar roue e vazh aour, rak a-gement-se e c'hell bevañ. Ha me n'on ket bet galvet da di ar roue abaoe tregont devezh.

Ester 8:4

Ar roue a astennas da Ester ar vazh-roue aour. Ester a savas hag en em zalc'has en he sav dirak ar roue,

Salmoù 116:1

Karout a ran an AOTROU, rak klevet en deus va mouezh ha va erbedennoù,

Krennlavarioù 21:1

Kalon ar roue a zo e dorn an AOTROU evel un dour-red, he zreiñ a ra da gement a fell dezhañ.

Actou an Ebestel 10:4

O sellout pizh outañ ha gwall spouronet, e lavaras: Petra’ zo, Aotrou? Hag e lavaras dezhañ: Da bedennoù ha da aluzenoù a zo pignet evel un eñvoradur dirak Doue.

Actou an Ebestel 7:10

Dieubiñ a reas anezhañ eus e holl c’hlac’haroù hag e roas dezhañ furnez ha gras dirak Faraon roue Ejipt. Hemañ a lakaas anezhañ da c’houarnour war Ejipt ha war e holl di.