Ester 5:11 - Bibl Koad 21: Ar Bibl e Brezhoneg evit ar Vretoned

¹¹ Neuze Haman a gomzas dezho diwar-benn gloar e binvidigezhioù, niver e vibien, kement en doa graet ar roue evit e uhelaat, ha penaos en doa e savet dreist priñsed ha servijerien ar roue.

Ester 5:11 Referencias Cruzadas

Geneliezh 31:1

Jakob a glevas komzoù mibien Laban, a lavare: Jakob en deus kemeret kement a oa d'hon tad, hag eus ar pezh a oa d'hon tad eo en deus dastumet an holl binvidigezh-se.

Ester 1:4

Diskouez a reas dezho pinvidigezhioù e rouantelezh glorius ha splannder kaer e veurdez e-pad un niver bras a zeizioù, kant ha pevar-ugent deiz.

Ester 3:1

Goude an traoù-se, ar roue Asueruz a uhelaas Haman mab Hammedata an Agagad. E sevel a reas hag e lakaas e gador dreist hini an holl briñsed a oa gantañ.

Ester 8:15

Mardoke a zeuas a-zirak ar roue, gant dilhad roueel limestra ha gwenn, ur gurunenn vras a aour, hag ur vantell a lin fin ha tane. Kêr Suza a laoske youc'hadennoù hag a laouenae.

Salmoù 49:6

Perak em befe aon en deizioù ar gwalleur, pa'z on gronnet gant drougiezh va enebourien?

Salmoù 49:7

Fiziout a reont en o madoù, hag e tennont gloar eus fonnusted o finvidigezh.

Salmoù 52:9

Setu aze an den ne gemere ket Doue evit e vod, hag a fizie en e binvidigezhioù, hag a lakae e nerzh en e fallentez!

Izaia 10:8

rak e lavar: Va friñsed, ha n'int ket holl kement a rouaned?

Daniel 4:30

ar roue a gomzas o lavarout: Ha n'eo ket houmañ Babilon an hini vras, am eus savet evit bezañ chomlec'h ar roue gant nerzh va galloud, evit gloar va splannder?

Sant Marc 10:24

An diskibien a voe souezhet eus ar c’homzoù-se. Met Jezuz, oc’h adkemer ar gomz, a lavaras dezho: Bugale, pegen diaes eo d’ar re a laka o fiziañs er madoù mont e-barzh rouantelezh Doue!

1 Timote 6:17

Kemenn da re binvidik ar c’hantved-mañ ma chomint hep bezañ ourgouilhus hag hep lakaat o esperañs en argred ar pinvidigezhioù, met en Doue bev a ro deomp an holl draoù gant fonnusted evit ma laouenafemp ganto,