Ester 3:12 - Bibl Koad 21: Ar Bibl e Brezhoneg evit ar Vretoned

¹² D'an trizekvet deiz eus ar miz kentañ e voe galvet skriverien ar roue, hag e voe skrivet ar pezh en doa gourc'hemennet Haman da ofiserien ar roue, da c'houarnourien pep proviñs, da briñsed pep pobl, da bep proviñs hervez e zoare da skrivañ ha da bep pobl hervez e yezh. Kement-se a voe skrivet en anv ar roue Asueruz, ha siellet gant gwalenn ar roue.

Ester 3:12 Referencias Cruzadas

1 Rouaned 21:8

Hag e skrivas lizhiri en anv Akab, hag e siellas anezho gant e siell, hag e kasas al lizhiri d'an henaourien ha d'ar pennoù a oa o chom gant Nabod en e gêr.

Ezdra 8:36

Hag e rojont urzhioù ar roue da ofiserien ar roue ha da c'houarnourien an tu-mañ d'ar stêr, a skoazellas ar bobl ha ti Doue.

Ester 1:22

Kas a reas lizheroù da holl broviñsoù ar roue, da bep proviñs hervez e zoare da skrivañ ha da bep pobl hervez e yezh, evit ma vefe pep gwaz mestr en e di. Embannet e voe hervez yezh pep pobl.

Ester 3:11

Hag ar roue a lavaras da Haman: An arc'hant a zo roet dit, koulz ar bobl-se, da ober ganto evel ma kari.

Ester 8:2

Ar roue a gemeras e walenn en doa graet lemel digant Haman, hag en roas da Vardoke. Hag Ester a lakaas Mardoke war di Haman.

Ester 9:27

ar Yuzevien a ziazezas hag a degemeras evito, hag evit o diskennidi, hag evit an holl re en em unanfe dezho, e oa ret lidañ bep bloaz an daou zeiz-se, hervez ar reolenn skrivet hag hervez ar c'houlz merket.

Daniel 3:10

Te, o roue, ac'h eus roet un urzh, penaos pep den a glevfe son ar c'horn, ar c'hleron, ar gitar, al lourenn, an delenn, ar binioù, ha pep seurt binvioù-seniñ, a dlefe stouiñ hag azeuliñ an delwenn aour,

Daniel 6:12

Hag e tostajont ouzh ar roue hag e lavarjont diwar-benn an difenn roueel: Ha ne'c'h eus ket sinet un difenn penaos kement hini a raio ur bedenn da un doue pe un den bennak, e-pad tregont devezh, nemet ouzhit o roue, a vefe taolet e foz al leoned? Ar roue a respontas o lavarout: An dra-se a zo gwir, hervez lezenn ar Veded hag ar Bersed a zo didorrus.

Daniel 6:15

Met an dud-se a vodadas etrezek ar roue hag a lavaras: O roue! Te a oar ez eo e lezenn ar Veded hag ar Bersed na c'hell ket bezañ kemmet pep difenn pe urzh kavet mat gant ar roue.

Daniel 6:25

Neuze ar roue Dariuz a skrivas d'an holl bobloù, broadoù ha yezhoù, a oa o chom war an douar holl: Ra vo kresket ar peoc'h ganeoc'h!

Daniel 6:8

Bremañ, o roue, gra an difenn ha sin ar skrid, evit na vo kemmet netra ennañ hervez lezenn ar Veded hag ar Bersed a zo didorrus.