Ester 2:23 - Bibl Koad 21: Ar Bibl e Brezhoneg evit ar Vretoned

²³ Enklasket e voe an dra, ha kavet e oa gwir. An daou a voe krouget ouzh ur wezenn, ha kement-se a voe skrivet e levr an Danevelloù dirak ar roue.

Ester 2:23 Referencias Cruzadas

Geneliezh 40:19

A-benn tri devezh Faraon a savo da benn diwarnout hag a grougo ac'hanout ouzh ur c'hoad, hag al laboused a zebro da gig diwarnout.

Geneliezh 40:22

hag e krougas ar baraer bras evel m'en doa displeget Jozef dezho.

Ezdra 4:15

Ra vo klasket e levr eñvorioù da dadoù, hag e kavi e levr an eñvorioù, hag e ouezi ez eo ar gêr-se ur gêr disent ha fall ouzh ar rouaned hag ouzh ar proviñsoù, hag a bep amzer eo bet graet enni dispac'hoù; setu perak eo bet ar gêr-se distrujet.

Ester 10:2

Diwar-benn an holl oberoù eus galloud ha nerzh Mardoke, ha diwar-benn munudoù e vraster, rak e voe uhelaet gant ar roue, ha n'eo ket skrivet e levr Danevelloù rouaned Media ha Persia?

Ester 5:14

Zeresh e wreg, hag e holl vignoned, a lavaras: Ra vo graet ur post-kroug uhel a hanter-kant ilinad, ha warc'hoazh beure lavar d'ar roue ma vo krouget Mardoke eno, ha kae laouen d'ar fest gant ar roue. An dra-se a blijas da Haman, hag e reas ober ar post-kroug.

Ester 6:1

En noz-se ar roue ne c'hellas ket kousket, hag e c'hourc'hemennas degas levr an eñvorioù: an Danevelloù. Hag e voent lennet dirak ar roue.

Ester 7:10

Hag e krougjont Haman ouzh ar post en doa prientet evit Mardoke. Hag e voe sioulaet kounnar ar roue.

Malaki 3:16

Neuze ar re a zouj an AOTROU o deus komzet en eil ouzh egile. An AOTROU en deus taolet evezh outo hag o selaouet. Skrivet ez eus bet ul levr-eñvor dirazañ, evit ar re a zouj an AOTROU hag o deus soñj eus e anv.

Jozue 8:29

Neuze e krougas ouzh ur c'hoad roue Ai betek an noz. Da guzh-heol, Jozue a c'hourc'hemennas ma vije diskennet e gorf diouzh ar c'hoad, hag e voe taolet ouzh toull-dor kêr; hag e voe savet warnañ ur bern mein bras, a zo chomet betek hiziv.