Daniel 9:8 - Bibl Koad 21: Ar Bibl e Brezhoneg evit ar Vretoned

⁸ Aotrou, deomp eo ar vezh war hon dremm, d'hor rouaned, d'hor pennoù ha d'hon tadoù, rak pec'het hon eus a-enep dit.

Daniel 9:8 Referencias Cruzadas

2 Rouned 21:15

dre m'o deus graet ar pezh a zo fall dirak va daoulagad, ha m'o deus va c'hounnaret, abaoe an deiz m'eo deuet o zadoù eus an Ejipt betek hiziv.

2 Danevelloù 6:37

mar deuont enno o-unan er vro ma vint harluet enni, mar pedont o kaout keuz e bro o harlu, o lavarout: Pec'het hon eus, graet hon eus an droug, en em renet hon eus gant fallentez,

Nehemia 1:6

Da bediñ a ran, ra vo da skouarn evezhiek ha ra vo da zaoulagad digor, evit selaou pedenn da servijer, an hini a lavaran dirazout bremañ deiz ha noz, evit mibien Israel da servijerien, oc'h anzav pec'hedoù mibien Israel, ar re hon eus graet a-enep dit. Rak me va-unan ha ti va zad hon eus pec'het.

Izaia 64:4

Biskoazh n'eus bet klevet, n'eo deuet d'ar skouarn, n'en deus gwelet al lagad, o Doue, ez eo bet graet hevelep traoù estregedout, evit ar re a zo en gortoz ac'hanout.

Jeremiaz 14:20

Anzav a reomp hon drougiezh, AOTROU, direizhder hon tadoù, rak pec'het hon eus a-enep dit.

Jeremiaz 32:32

en abeg d'an holl zroug o deus graet mibien Israel ha mibien Juda evit va c'hounnariñ, int, o rouaned, o fennoù, o aberzhourien hag o frofeded, tud Juda ha tud Jeruzalem.

Jeremiaz 7:19

Ha me eo a imoront? eme an AOTROU. Ha n'eo ket int o-unan, evit mezh o dremm?

Klemmganoù 1:18

An AOTROU a zo reizh, rak ez on bet disent ouzh e c'henoù. Pobloù, selaouit holl, gwelit va glac'har. Va gwerc'hezed ha va zud yaouank a zo bet harluet.

Klemmganoù 3:42

Pec'het hon eus, disent omp bet, ha ne'c'h eus ket pardonet.

Klemmganoù 5:16

Kurunenn hor penn a zo kouezhet. Gwalleur deomp, rak pec'het hon eus.

Ezekiel 16:63

evit ma ez po soñj ha ma vi mezhek. En abeg da'z tismegañs, ne zigori ken da c'henoù pa em bo pardonet dit kement ac'h eus graet, eme an Aotrou AOTROU.

Ezekiel 5:6

Troet he deus va barnedigezhioù da fallagriezh muioc'h eget ar broadoù, ha va reolennoù muioc’h eget ar broioù a zo en-dro dezhi, rak disprizet o deus va barnedigezhioù ha n'o deus ket kerzhet hervez va reolennoù.

Daniel 9:9

D'an Aotrou hon Doue eo an drugarez hag ar pardon, rak ni a zo en em savet a-enep dezhañ.