Daniel 9:16 - Bibl Koad 21: Ar Bibl e Brezhoneg evit ar Vretoned

¹⁶ Aotrou, hervez da reizhder, distro da gounnar ha da fulor diouzh kêr Jeruzalem, da venez santel, rak en abeg d'hor pec'hedoù ha da zireizhder hon tadoù, ez eo Jeruzalem ha da bobl un dismegañs d'an holl re a zo en-dro deomp.

Daniel 9:16 Referencias Cruzadas

Nehemia 9:8

Kavet ec'h eus e galon feal dirazout ha graet ec'h eus gantañ un emglev, evit reiñ d'e lignez bro ar Gananeiz, an Hitited, an Amoreaned, ar Ferezianed, ar Jebuziz hag ar C'hirgazianed. Sevenet ec'h eus da gomz, rak reizh ez out.

Salmoù 143:1

Salm David. AOTROU, selaou va goulenn, ro da skouarn da'm fedennoù, respont din ez fealded, ez reizhder!

Salmoù 31:1

D'ar mestr-kaner; salm David.

Salmoù 41:13

Va miret ec'h eus em eeunder, va lakaet ec'h eus da viken dirazout.

Salmoù 71:2

Va dieub dre da reizhder ha va laka da dec'hout! Stou da skouarn war-zu ennon ha va savete!

Salmoù 79:4

Bet omp en dismegañs d'hon amezeien, ur goapaerezh hag ur c'hoariell d'ar re a zo en-dro deomp.

Salmoù 85:4

Lamet ec'h eus kuit da holl fulor, distroet out eus tan da gounnar.

Salmoù 89:51

Az pez soñj, Aotrou, eus dismegañs da servijerien, penaos e tougan em bruched an dismegañs graet dre an holl bobloù bras-se.

Ermaeziadeg 20:5

ne stoui ket dirazo ha ne serviji ket anezho, rak me eo an AOTROU da Zoue, un Doue gwarizius a gastiz direizhder an tadoù war ar vugale betek an trede hag ar pevare rumm eus ar re a gasa ac'hanon,

Izaia 5:25

Setu perak fulor an AOTROU en em danas a-enep e bobl, astennet en deus e zorn warno ha skoet ganto, ar menezioù o deus krenet, o c'horfoù marv a oa evel teil e-kreiz ar straedoù. En desped da gement-se e fulor ne harz ket, e zorn a chom bepred astennet.

Jeremiaz 24:9

Hag e rin dezho bezañ ur spont evit o gwalleur, dre holl rouantelezhioù an douar, evit bezañ un dismegañs, ur flemmadenn, ur c'hoapadenn, ur vallozh, en holl lec'hioù ma em bo o c'haset.

Jeremiaz 29:18

Hag e redin war o lerc'h gant ar c'hleze, an naonegezh hag ar vosenn, hag e rin dezho bezañ ur spont evit holl rouantelezhioù an douar, ur vallozh, ur souezh, ur c'hoapadenn, un dismegañs, d'an holl vroadoù am bo o c'haset en o zouez,

Jeremiaz 32:31

Rak ar gêr-mañ a zo bet din un dra a gounnar hag a erez, adalek an deiz ma'z eo bet savet betek hiziv, en doare ma lamin anezhi diwar va dremm,

Jeremiaz 32:32

en abeg d'an holl zroug o deus graet mibien Israel ha mibien Juda evit va c'hounnariñ, int, o rouaned, o fennoù, o aberzhourien hag o frofeded, tud Juda ha tud Jeruzalem.

Ezekiel 22:4

kablus out deuet gant ar gwad ac'h eus skuilhet, hag en em saotret ac'h eus gant an idoloù ac'h eus graet. Diaraoget ec'h eus da zeizioù, hag aet out betek dibenn da vloavezhioù, setu perak e ran ac'hanout un dismegañs evit ar broadoù, ur c'hoapadenn evit an holl vroioù.

Ezekiel 5:14

Ober a rin ac'hanout un distruj, un dismegañs e-touez ar broadoù a zo en-dro dit, dirak daoulagad an holl dremenidi.

Daniel 11:45

Hag e savo teltennoù e balez etre ar morioù, ouzh ar menez santel glorius. Koulskoude e teuio d'e ziwezh, ha den ne sikouro anezhañ.

Daniel 9:20

Evel ma komzen, ma peden, ma'c'h anzaven va fec'hedoù ha pec'hedoù va fobl Israel, ma kinnigen va goulennoù dirak an AOTROU va Doue, evit menez santel va Doue,

Joel 3:17

Gouzout a reot ez on an AOTROU ho Toue a zo o chom e Sion, menez va santelezh. Ha Jeruzalem a vo santel, hag an diavaezidi ne dremenint ken enni.

Zakaria 8:3

Evel-henn e komz an AOTROU: En em dreiñ a ran war-zu Sion, bez' e vin o chom e-kreiz Jeruzalem. Jeruzalem a vo anvet: Kêr leal, ha menez AOTROU an armeoù: Menez santel.

2 Tesalonikiz 1:6

Rak reizh eo dirak Doue ma rentfe ar glac’har d’ar re ho klac’har,

1 Yann 1:9

Mar anzavomp hor pec’hedoù, eñ a zo feal ha reizh evit o fardoniñ deomp hag evit hor glanaat a bep direizhder.

1 Samuel 2:7

An AOTROU a baoura hag a binvidika. Eñ a izela hag a uhela.