Daniel 8:7 - Bibl Koad 21: Ar Bibl e Brezhoneg evit ar Vretoned

⁷ Hag e welis anezhañ o tapout an tourz; hag o kounnariñ en e enep, e vountas an tourz hag e torras e zaou gorn dezhañ. An tourz n'en doa nerzh ebet evit herzel outañ. E deurel a reas d'an douar hag en mac'has, ha ne oa den da zieubiñ an tourz eus e zorn.

Daniel 8:7 Referencias Cruzadas

Daniel 11:11

Roue ar c'hreisteiz, droug ennañ, a yelo er-maez hag a stourmo a-enep roue an hanternoz. Sevel a raio ur maread bras, hag ar maread a vo lakaet etre e zaouarn.

Daniel 7:12

Diwar-benn al loened all, e voe lamet diganto o mestroniezh, met roet e voe un hirnez a vuhez dezho evit ur c'houlzad hag ur maread.

Daniel 7:7

Goude-se e sellis em gweledigezhioù noz, ha setu ur pevare loen, euzhus, spontus ha kreñv-meurbet. Dent bras en houarn en doa, debriñ a rae, hag e vruzune hag e vac'he gant e dreid ar pezh a vane. Disheñvel e oa diouzh an holl loened a oa bet diagent, ha dek korn en doa.

Daniel 8:10

Hag e kreskas betek arme an neñvoù, hag e lakaas da gouezhañ d'an douar un darn eus an arme hag eus ar stered, hag o mac'has.

Daniel 8:6

Dont a reas betek an tourz en doa daou gorn hag am boa gwelet oc'h en em zerc'hel dirak ar stêr, hag e redas a-enep dezhañ gant fulor e nerzh.

Daniel 8:8

Hag ar bouc'h a greskas kalz-meurbet, met pa voe galloudek, e gorn bras a voe torret. En e lec'h e savas pevar all heverk, etrezek pevar avel an neñvoù.

Leviegezh 26:37

kouezhañ a raint an eil war egile evel dirak ar c’hleze, hep den o redek war o lerc’h. Ne c’hellot ket kenderc’hel dirak hoc’h enebourien,

Jozue 8:20

Tud Ai, o sellout war o lerc'h, a sellas moged kêr a bigne war-zu an neñv. N'o doa ket tu da dec'hout amañ pe ahont. Hag ar bobl a dec'he war-zu ar gouelec'h en em droas a-enep ar re a yae war o lerc'h,