Daniel 6:8 - Bibl Koad 21: Ar Bibl e Brezhoneg evit ar Vretoned

⁸ Bremañ, o roue, gra an difenn ha sin ar skrid, evit na vo kemmet netra ennañ hervez lezenn ar Veded hag ar Bersed a zo didorrus.

Daniel 6:8 Referencias Cruzadas

Ester 1:19

Mar kav mat ar roue, ra vo embannet un urzh roueel eus e berzh, ha ra vo skrivet e lezennoù Persia ha Media, ha ra vo didorrus, penaos na zeuio ken Vasti dirak ar roue Asueruz, hag e roio ar roue ar vriegezh a rouanez da unan all, gwelloc'h egeti.

Ester 3:12

D'an trizekvet deiz eus ar miz kentañ e voe galvet skriverien ar roue, hag e voe skrivet ar pezh en doa gourc'hemennet Haman da ofiserien ar roue, da c'houarnourien pep proviñs, da briñsed pep pobl, da bep proviñs hervez e zoare da skrivañ ha da bep pobl hervez e yezh. Kement-se a voe skrivet en anv ar roue Asueruz, ha siellet gant gwalenn ar roue.

Ester 8:10

Skrivet e voe eta en anv ar roue Asueruz, hag e voe siellet al lizheroù gant gwalenn ar roue. Goude e voent kaset dre rederien war gezeg pe war vuled ganet eus kezekenned.

Ester 8:3

Hag e kendalc'has Ester da gomz dirak ar roue, hag en em daolas d'e dreid o ouelañ, hag e pedas anezhañ da virout ouzh drougiezh Haman an Agagad d'oberiañ er pezh en doa iriennet a-enep ar Yuzevien.

Ester 8:8

C'hwi eta, skrivit en anv ar roue e-keñver ar Yuzevien evel ma kavot mat, ha siellit gant gwalenn ar roue. Rak ur skrid, pa vez skrivet en anv ar roue ha siellet gant gwalenn ar roue, ne c'hell ket bezañ torret.

Salmoù 94:21

En em zastum a reont a-enep ene an den reizh, hag e kondaonont ar gwad didamall.

Izaia 10:1

Gwalleur d'ar re a ra reolennoù drouk, hag a skriv evit urzhiañ an taerder,

Daniel 5:28

PEREZ: da rouantelezh a zo bet rannet ha roet d'ar Veded ha d'ar Bersed.

Daniel 6:12

Hag e tostajont ouzh ar roue hag e lavarjont diwar-benn an difenn roueel: Ha ne'c'h eus ket sinet un difenn penaos kement hini a raio ur bedenn da un doue pe un den bennak, e-pad tregont devezh, nemet ouzhit o roue, a vefe taolet e foz al leoned? Ar roue a respontas o lavarout: An dra-se a zo gwir, hervez lezenn ar Veded hag ar Bersed a zo didorrus.

Daniel 6:15

Met an dud-se a vodadas etrezek ar roue hag a lavaras: O roue! Te a oar ez eo e lezenn ar Veded hag ar Bersed na c'hell ket bezañ kemmet pep difenn pe urzh kavet mat gant ar roue.

Mazhev 24:35

An neñv hag an douar a dremeno, met va gerioù ne dremenint ket.