Daniel 5:23 - Bibl Koad 21: Ar Bibl e Brezhoneg evit ar Vretoned

²³ Met en em uhelaet out a-enep Aotrou an neñvoù hag eo bet degaset dirazout listri ti Doue, evet hoc'h eus gwin enno, te, da re vras, da wragez ha da serc'hed. Meulet ec'h eus an doueoù aour, arc'hant, arem, houarn, koad ha mein, na welont ket, na glevont ket ha n'anavezont ket, ha ne'c'h eus ket roet gloar d'an Doue emañ en e zorn da c'hwezh ha da holl hentoù.

Daniel 5:23 Referencias Cruzadas

Geneliezh 14:19

Bennigañ a reas Abram hag e lavaras: Benniget ra vo Abram gant an Doue Uhel-Meurbet, perc'henn an neñv hag an douar!

Geneliezh 2:7

Neuze an AOTROU Doue a stummas an den eus poultrenn an douar hag a c'hwezhas en e zivfron ur c'hwezhadenn a vuhez. Hag an den a zeuas da vezañ un ene bev.

2 Rouned 14:10

Skoet ec'h eus kalet war Edom, ha da galon a zo en em c'hwezet. Laouena gant da c'hloar ha chom ez ti. Perak e krogfes gant un embregadenn fall ma kouezhfes drezi, ha Juda ganit?

Levr Job 12:10

Derc'hel a ra en e zorn ene an holl re vev ha spered pep kig den.

Levr Job 31:4

Ha ne wel ket va hentoù? Ha ne niver ket va holl gammedoù?

Salmoù 104:29

Ha kuzhat a rez da zremm? Int a zo kollet. Ha tennañ a rez da alan diouto? Neuze e varvont hag e tistroont en o foultr.

Salmoù 115:16

Diwar-benn an neñvoù, an neñvoù a zo d'an AOTROU, met roet en deus an douar da vibien an dud.

Salmoù 139:3

Gwelout a rez pa gerzhan ha pa gouskan, anavezout a rez e gwirionez va holl hentoù.

Salmoù 146:4

e c'hwezh a ya digantañ, distreiñ a ra d'ar poultr, hag en deiz-se e ya da goll e c'hoantoù.

Krennlavarioù 20:24

An AOTROU eo a ren kammedoù an den, penaos eta e komprenfe an den e hent?

Izaia 13:11

Me a gastizo ar bed en abeg d'e fallagriezh, hag ar re zrouk evit o direizhder, lakaat a rin da baouez lorc'h ar re rok, hag e tiskarin balc'hder ar waskerien.

Izaia 14:13

Te a lavare ez kalon: Pignat a rin d'an neñvoù, sevel a rin va zron dreist stered Doue, azezañ a rin war venez ar vodadeg, e pennoù an hanternoz,

Izaia 2:12

Rak AOTROU an armeoù en devo e zeiz, a-enep kement a zo lorc'hus ha rok, a-enep kement en em sav, evit e izelaat,

Izaia 33:10

Bremañ e savin, eme an AOTROU, bremañ e vin uhelaet, bremañ e vin uhelsavet.

Izaia 37:19

ha taolet en tan o doueoù, rak ne oant ket doueoù, met oberennoù daouarn an dud, koad ha mein. Setu perak o deus o distrujet.

Izaia 37:23

Piv ac'h eus dismegañset ha goapaet? A-enep piv ec'h eus savet da vouezh, ha douget d'an nec'h da zaoulagad? A-enep Sant Israel eo.

Izaia 42:5

Evel-henn e komz Doue an AOTROU, eñ hag en deus krouet an neñvoù hag astennet anezho, kompezet an douar ha kement a zeu dioutañ, roet alan d'ar bobl a zo warnañ, ha spered d'ar re a gerzh warnañ:

Jeremiaz 10:23

AOTROU, gouzout a ran n'eo ket dioutañ hent an den, ha n'eo ket e galloud an hini a gerzh da ren e gammedoù.

Jeremiaz 48:26

Mezvit eñ, rak eo savet a-enep an AOTROU. Ra en em ruilho Moab en e c'hwedadenn, ha ra vo eñ ivez ur c'hoapadenn.

Jeremiaz 50:28

Selaouit mouezh ar re a dec'h hag a ya kuit eus bro Vabilon, evit embann e Sion veñjañs an AOTROU hon Doue, veñjañs e dempl.

Jeremiaz 50:29

Dastumit gant kriadennoù ar waregerien a-enep Babilon. C'hwi holl a antell ar wareg, kampit a-enep dezhi tro-dro, ra ne dec'ho den. Rentit dezhi hervez hec'h oberoù, grit dezhi hervez kement he deus graet, rak eo en em savet gant lorc'h a-enep an AOTROU, a-enep Sant Israel.

Ezekiel 28:17

Da galon a zo en em uhelaet en abeg da'z kaerder, hag ec'h eus gwashaet da furnez en abeg da'z splannder. Da deurel a rin d'an douar, hag e lakain ac'hanout dirak ar rouaned evit ma sellint ouzhit.

Ezekiel 28:2

Mab an den, lavar da briñs Tir: Evel-henn e komz an Aotrou AOTROU: En em uhelaet eo da galon, hag ec'h eus lavaret: Me 'zo un doue, azezet on war dron Doue e-kreiz ar morioù. Petra bennak ma'z out nemet un den ha nann Doue, ec'h eus lakaet da galon evel kalon un doue.

Ezekiel 28:5

Dre vraster da furnez ha dre da genwerzh ec'h eus kresket da binvidigezhioù, hag en abeg da'z pinvidigezhioù eo en em uhelaet da galon.

Ezekiel 31:10

Setu perak evel-henn e komz an Aotrou AOTROU: Dre ma oa uhel a vent ha ma save he beg e-kreiz skoultrigoù fetis, dre ma oa lorc’hus he c'halon eus hec'h uhelder,

Daniel 11:12

Goude bezañ trec'het ar maread, e galon a c'hwezo. Lakaat a raio milieroù da gouezhañ, met ne vo ket kreñvaet a gement-se.

Daniel 4:37

Bremañ eta, me Nebukadnezar a veul, a uhela hag a ro gloar da Roue an neñvoù, a zo reizh e holl oberennoù hag eeun e hentoù. Eñ a c'hell izelaat ar re a gerzh gant lorc'h.

Daniel 8:11

Ha zoken e savas betek penn-bras an arme, hag e lamas digantañ an aberzh hollbad, hag e tiskaras chomlec'h e santual.

Habakuk 2:4

Setu, ene an hini en em uhela n'eo ket eeun ennañ, met an den reizh a vevo dre ar feiz.

Actou an Ebestel 17:25

N’eo ket servijet gant daouarn an dud evel m’en defe ezhomm eus un dra bennak, eñ an hini a ro d’an holl ar vuhez, an anal hag an holl draoù.

1 Korintiz 8:4

Dre-se eta, evit ar pezh a sell debriñ traoù aberzhet d’an idoloù, ec’h ouzomp penaos un idol n’eo netra er bed ha penaos n’eus nemet un Doue hepken.

1 Timote 3:6

Ra ne vo ket nevez distroet ouzh Doue, gant aon, o vezañ c’hwezet gant an ourgouilh, na gouezhfe dindan kondaonidigezh an diaoul.

Hebreed 4:13

N’eus krouadur ebet hag a vefe kuzhet dirazañ, met an holl draoù a zo en noazh ha dizolo da zaoulagad an hini e tleomp rentañ kont dezhañ.

Apocalyps 9:20

Ar peurrest eus an dud, ar re ne voent ket lazhet gant ar goulioù-mañ, n’o doe ket keuz eus oberoù o daouarn evit paouez da azeuliñ an diaouled hag an idoloù aour, arc’hant, arem, maen ha koad, na c’hellont na gwelout, na klevout, na kerzhout.

Ar Varnerien 16:23

Priñsed ar Filistined en em zastumas evit kinnig un aberzh bras d'o doue Dagon hag evit laouenaat. Lavarout a rejont: Hon doue en deus lakaet etre hon daouarn Samzun hon enebour.

1 Samuel 17:26

David a gomzas gant an dud a oa gantañ hag a lavaras: Petra vo graet d'an den a lazho ar Filistin-se hag a lamo an dismegañs diwar Israel? Rak piv eo ar Filistin-se, an diamdroc'h-se, evit dismegañsiñ armeoù an Doue bev?

1 Samuel 17:36

Da servijer en deus lazhet hag al leon hag an arzh, hag ar Filistin-se, an diamdroc'h-se, a vo evel unan anezho, rak dismegañset en deus armeoù an Doue bev.