Daniel 4:5 - Bibl Koad 21: Ar Bibl e Brezhoneg evit ar Vretoned

⁵ ha gwelet em eus un huñvre a spouronas ac'hanon; ar soñjoù am eus bet war va gwele ha gweledigezhioù va fenn am zrubuilhas.

Daniel 4:5 Referencias Cruzadas

Geneliezh 41:1

A-benn daou vloaz e c'hoarvezas m'en doe Faraon un huñvre. Setu, en em zalc'he tost d'ar stêr.

Daniel 1:7

Penn ar spazhidi a roas anvioù all dezho. Ober a reas eus Daniel: Beltshazar, eus Hanania: Shadrak, eus Mishael: Meshak, hag eus Azaria: Abed-Nego.

Daniel 2:1

D'an eil bloaz eus ren Nebukadnezar, en doe Nebukadnezar huñvreoù. E spered a oa trubuilhet ha ne c'helle ken kousket.

Daniel 2:3

Ar roue a lavaras dezho: Bet em eus un huñvre, va spered a zo trubuilhet o klask anavezout an huñvre-mañ.

Daniel 4:10

Setu amañ gweledigezhioù va fenn war va gwele: Sellout a raen, ha setu ur wezenn e-kreiz an douar, hag he ment a oa uhel.

Daniel 4:13

Sellout a raen e gweledigezhioù va fenn war va gwele, ha setu ur gedour, a-douez ar sent, o tiskenn eus an neñv.

Daniel 4:15

Koulskoude lezit en douar ar c'hef gant ar gwrizioù, met gant ur chadenn houarn hag arem, e-touez geot ar parkeier. Ra vo glebiet gant glizh an neñv, ha ra en devo e lod eus geot an douar gant al loened.

Daniel 4:19

Neuze Daniel, hag a oa anvet Beltshazar, a chomas sabatuet e-pad un eur, hag e soñjoù a drubuilhe anezhañ. Ar roue a gomzas o lavarout: Beltshazar, ra ne drubuilho ket an huñvre ac'hanout, nag e zisklêriadenn. Beltshazar a respontas o lavarout: Va aotrou, ra vo an huñvre evit ar re a gasa ac'hanout, hag e zisklêriadenn evit da enebourien!

Daniel 5:10

Ar rouanez a zeuas e sal ar fest en abeg da gomzoù ar roue hag ar re vras. Ar rouanez a gomzas o lavarout: O roue, ra vevi da viken! Ra ne vi ket trubuilhet gant da soñjoù, ha ra ne vo ket kemmet da zremm.

Daniel 5:11

Bez' ez eus un den ez rouantelezh hag emañ spered an doueoù santel ennañ, hag en amzer da dad e voe kavet ennañ ur sklêrijenn, ur skiant hag ur furnez heñvel ouzh furnez an doueoù. Ar roue Nebukadnezar da dad, da dad o roue! en lakaas da vestr war an hudourien, ar steredourien, ar Galdeiz hag an divinourien,

Daniel 7:1

D'ar c'hentañ vloaz eus Belshazar roue Babilon, Daniel en doe un huñvre ha gweledigezhioù en e benn war e wele. Goude e skrivas an huñvre, hag e lavaras an traoù pouezusañ.

Daniel 7:28

Amañ ec'h echu an dra-se. Evidon-me, Daniel, va soñjoù a spontas ac'hanon kalz, va dremm a gemmas, met em eus miret an dra-se em c'halon.