Daniel 10:1 - Bibl Koad 21: Ar Bibl e Brezhoneg evit ar Vretoned

¹ D'an trede bloaz eus Kiruz roue Persia, ur gomz a voe diskuliet da Zaniel, a oa anvet Beltshazar. Ar gomz-se a zo gwirion, kemenn a ra ur stourm bras. Hag e komprenas ar gomz, hag ec'h intentas ar weledigezh.

Daniel 10:1 Referencias Cruzadas

Geneliezh 41:32

Ha diwar-benn ma'z eo an huñvre en em roet div wech da Faraon, eo abalamour ma'z eo kement-se divizet gant Doue, ha pres 'zo gant Doue henn ober.

2 Danevelloù 36:22

D'ar bloaz kentañ eus Kiruz roue Persia, evit ma vefe sevenet komz an AOTROU lavaret dre Jeremiaz, an AOTROU a zihunas spered Kiruz roue Persia, a reas embann en e holl rouantelezh, ha zoken dre skrid, un urzh a lavare:

Ezdra 3:7

Hag e rojont arc'hant d'ar venerien ha d'ar gilvizien, ha boued, evajoù hag eoul d'ar Sidoniz ha d'an Diriz, evit degas koad sedrez eus al Liban da vor Jafo, hervez an aotre roet gant Kiruz roue Persia.

Ezdra 4:3

Met Zorobabel, Jezua hag ar pennoù tadoù all eus Israel a lavaras dezho: N'eo ket dereat e savfemp, c'hwi ha ni, un ti d'hon Doue. Met ni hon-unan en savo d'an AOTROU Doue Israel, evel m'en deus gourc'hemennet deomp Kiruz roue Persia.

Ezdra 4:5

Hag e paejont a-enep dezho kuzulierien evit lakaat o divizoù da c'hwitañ e-pad holl amzer Kiruz roue Persia, betek ren Dariuz roue Persia.

Ezdra 6:14

Henaourien ar Yuzevien a vañsone hag a rae berzh hervez profediezh Hagai ar profed ha Zakaria mab Iddo. Sevel a rejont eta hag e peurechujont, hervez urzh Doue Israel, hag hervez urzh Kiruz, Dariuz hag Artakserksez roue Persia.

Ezdra 6:3

Er bloaz kentañ eus ar roue Kiruz, ar roue Kiruz a roas an urzh-mañ diwar-benn ti Doue e Jeruzalem: Ra vo adsavet an ti-se evit bezañ ul lec'h ma vo kinniget aberzhoù, ha ra vo diazezet kreñv. E uhelder a vo tri-ugent ilinad hag e hirder tri-ugent ilinad,

Izaia 44:28

me a lavar diwar-benn Kiruz: Va mesaer eo, kas a raio da benn va holl youl, lavarout a raio da Jeruzalem: Adsavet e vi, ha d'an templ: Diazezet e vi.

Daniel 1:17

Doue a roas d'ar pevar den yaouank-mañ gouiziegezh ha meiz en pep lennegezh ha furnez. Ha Daniel a gomprene pep gweledigezh ha pep huñvre.

Daniel 1:21

Evel-se e voe Daniel betek kentañ vloaz ar roue Kiruz.

Daniel 1:7

Penn ar spazhidi a roas anvioù all dezho. Ober a reas eus Daniel: Beltshazar, eus Hanania: Shadrak, eus Mishael: Meshak, hag eus Azaria: Abed-Nego.

Daniel 10:14

Dont a ran bremañ evit reiñ dit da anavezout ar pezh a c'hoarvezo gant da bobl en deizioù diwezhañ, rak ez a ar weledigezh betek an deizioù-se.

Daniel 11:2

Bremañ e tisklêrin dit ar wirionez: Setu, e vo c’hoazh tri roue e Persia, hag ar pevare a berc'henno muioc'h a binvidigezhioù eget an holl reoù all. Ha pa vo deuet da vezañ galloudek gant e binvidigezhioù, hemañ a atizo an holl dud a-enep rouantelezh Javan.

Daniel 12:4

Ha te Daniel, mir kuzh ar c'homzoù-se, siell al levr betek amzer an diwezh. Kalz a redo amañ hag ahont, hag an anaoudegezh a gresko.

Daniel 12:9

Hag e lavaras: Kae, Daniel, rak ar c'homzoù-se a zo kuzhet ha siellet betek amzer an diwezh.

Daniel 2:21

Eñ eo a gemm an amzerioù hag an degouezhioù, a ziskar ar rouaned hag a sav anezho, a ro ar furnez d'ar re fur hag ar ouiziegezh d'ar re skiantek.

Daniel 4:8

A-benn ar fin, Daniel, anvet Beltshazar hervez anv va doue, hag en deus spered an doueoù santel ennañ, a zeuas davedon, hag e lavaris dezhañ an huñvre.

Daniel 5:12

rak kavet e oa ennañ ur spered uhelañ, anaoudegezh ha skiant da zisklêriañ an huñvreoù, da ziskuliañ ar c'hevrinoù ha da ziskoulmañ an traoù diaes; Daniel eo, hag a oa anvet Beltshazar gant ar roue. Bremañ eta ra vo galvet Daniel, hag e roio an disklêriadenn.

Daniel 5:17

Neuze Daniel a respontas, o lavarout dirak ar roue: Ra chomo da brofoù ganit, ha ro da zonezonoù da unan all, koulskoude e lennin ar skrid d'ar roue hag e roin dezhañ e zisklêriadenn.

Daniel 6:28

Daniel a reas berzh dindan ren Dariuz ha dindan ren Kiruz ar Pers.

Daniel 8:16

Hag e klevis mouezh un den-a-greiz an Ulai o krial hag o lavarout: Gabriel, ro da gompren ar weledigezh dezhañ.

Daniel 8:26

Gwirion eo gweledigezh an abardaezioù hag ar mintinoù a zo bet lavaret. Mir kuzh ar weledigezh-mañ, rak e komz diwar-benn un amzer bell.

Sant Lucas 1:20

Setu, e vi mut ha ne c’helli ken komz betek an deiz ma c’hoarvezo an traoù-mañ, abalamour na’c’h eus ket kredet da’m c’homzoù a erruo en o amzer.

Apocalyps 19:9

Eñ a lavaras din: Skriv: Eürus ar re a zo galvet da bred-eured an Oan. Hag e lavaras din: Ar re-se eo gerioù gwirion Doue.