Ar Varnerien 7:9 - Bibl Koad 21: Ar Bibl e Brezhoneg evit ar Vretoned

⁹ E-pad an noz an AOTROU a lavaras dezhañ: Sav, diskenn d'ar c'hamp, rak e lakaet em eus ez torn.

Ar Varnerien 7:9 Referencias Cruzadas

2 Danevelloù 20:17

Ne vo ket deoc'h da stourm a-enep dezho, kit hag en em zalc'hit eno, ha gwelit ar silvidigezh ez a an AOTROU da reiñ deoc'h. Juda ha Jeruzalem, n'ho pet ket aon ha na spontit ket! Warc'hoazh, kit en arbenn dezho, hag an AOTROU a vo ganeoc'h.

Levr Job 4:13

E-kreiz va soñjoù e-pad gweledigezhioù an noz, pa gouezh ur c'housk pounner war an dud,

Mazhev 1:20

Evel ma soñje e kement-se, setu, ael an Aotrou en em ziskouezas dezhañ dre e gousk, o lavarout: Jozef mab David, na’z pez ket aon da gemer ganit Mari da wreg, rak ar pezh a zo koñsevet enni a zo eus ar Spered-Santel,

Mazhev 2:13

Goude ma oant aet kuit, setu, ael an Aotrou en em ziskouezas da Jozef dre un huñvre, en ur lavarout: Sav, kemer ar bugel bihan hag e vamm, tec’h en Ejipt, ha chom eno betek e lavarin dit, rak Herodez a glasko ar bugel bihan evit e lakaat d’ar marv.

Actou an Ebestel 27:23

Rak un ael a-berzh an Doue ez on dezhañ hag emaon o servijañ a zo en em ziskouezet din en noz-mañ

Jozue 10:8

An AOTROU a lavaras da Jozue: Na'z pez ket aon, o lakaet em eus etre da zaouarn, hini anezho ne zalc'ho dirazout.

Jozue 11:6

An AOTROU a lavaras da Jozue: Na'z pez ket aon razo, rak warc'hoazh, war-dro d'ar c'houlz-mañ, e lakain anezho holl gloazet d'ar marv dirak Israel. Troc'hañ a ri o garoù d'o c’hezeg, hag e tevi o c'hirri en tan.

Jozue 2:24

Hag e lavarjont da Jozue: A-dra-sur an AOTROU en deus lakaet an holl vro etre hon daouarn, holl annezidi ar vro o deus kollet kalon dirazomp.

Ar Varnerien 20:28

ha Fineaz mab Eleazar mab Aaron en em zalc'he dirak an AOTROU en deizioù-se. Hag e lavarjont: Hag ez in c'hoazh d'an emgann a-enep mibien Benjamin va breudeur, pe e tlean en em virout? Hag an AOTROU a lavaras: Pignit, rak warc'hoazh me o lakaio etre ho taouarn.

Ar Varnerien 3:10

Spered an AOTROU a voe warnañ, hag e varnas Israel, hag ez eas d'ar brezel. An AOTROU a lakaas Kushan-Rishataim roue Mezopotamia etre e zaouarn, hag e zorn a voe galloudus a-enep Kushan-Rishataim.

Ar Varnerien 3:28

Lavarout a reas dezho: Heuilhit-me, rak an AOTROU en deus lakaet etre ho taouarn ar Voabited, hoc'h enebourien! Diskenn a rejont war e lerc'h, hag o tapout roudouzioù ar Jordan a-dal da Voab, ne lezjont den da dremen.

Ar Varnerien 7:10

Ma ec'h eus aon da ziskenn da-unan, diskenn gant Pura da servijer d'ar c'hamp.

Ar Varnerien 7:8

Ar bobl a gemeras bevañs en o daouarn hag o shofaroù. Eñ a gasas kuit holl dud Israel, pep hini d'e deltenn, hag e talc'has an tri c'hant den. Kamp Madian a oa izeloc'h egetañ en draonienn.

1 Samuel 14:8

Jonatan a lavaras dezhañ: Setu, tremenomp etrezek an dud-se, hag en em ziskouezimp dezho.

1 Samuel 23:4

David a c'houlennas kuzul c'hoazh digant an AOTROU , hag an AOTROU a respontas o lavarout: Sav, diskenn da Geila, rak me a lakaio ar Filistined ez taouarn.