Ar Varnerien 7:12 - Bibl Koad 21: Ar Bibl e Brezhoneg evit ar Vretoned

¹² Madian, Amalek ha mibien ar reter a oa strewet en traonienn niverus evel kilheien-raden, hag o c'hañvaled a oa diniver evel an traezh a zo war aod ar mor, kement e oa anezho.

Ar Varnerien 7:12 Referencias Cruzadas

1 Rouaned 20:27

Mibien Israel a voe ivez niveret ha pourvezet a voued, hag e kerzhjont war-arbenn dezho. Mibien Israel a gampas dirazo, heñvel ouzh daou dropell givri; hogen ar Siriz a leunie ar vro.

1 Rouaned 4:30

Furnez Salomon a oa dreist furnez holl vibien ar sav-heol, hag holl furnez an Ejipsianed.

Salmoù 3:1

Salm David, pa dec'he dirak Absalom e vab.

Salmoù 33:16

Ar roue n'eo ket saveteet dre e c'halloud bras, hag an den galloudek n'eo ket dieubet dre e nerzh bras.

Jeremiaz 46:23

Troc'hañ a raint he c'hoadeg, eme an AOTROU, dre ma'z eo diergerzhadus, rak ez int niverusoc'h eget kilheien-raden, ne c'hellont ket bezañ kontet.

Jozue 11:4

Mont a rejont er-maez gant o holl luioù, ur bobl diniver, ken niverus hag an traezh a zo war ribl ar mor, gant kezeg ha kirri niverus-meurbet.

Ar Varnerien 6:3

P'en doa hadet Israel, e pigne Madian gant Amalek ha mibien ar reter, hag e pignent a-enep dezhañ.

Ar Varnerien 6:33

An holl Vadianiz hag an Amalekited ha mibien ar reter en em zastumas, hag a dremenas ar Jordan, hag a gampas e traonienn Jizreel.

Ar Varnerien 6:5

Rak pignat a raent gant o zropelloù hag o zeltennoù, dont a raent a-leizh, evel kilheien-raden; int hag o c'hañvaled a oa diniver, hag e teuent e-barzh ar vro evit he distrujañ.

Ar Varnerien 7:13

Gedeon a erruas, ha setu ma oa un den o kontañ d'e genseurt un huñvre, hag e lavare: Setu em eus graet un huñvre, ur wastell bara heiz a ruilhe e kamp Madian, hag o vezañ deuet betek an deltenn, e skoas outi en doare ma'z eo bet kouezhet, distroet a-du da du, ha diskaret.

Ar Varnerien 8:10

Zebak ha Zalmuna a oa e Karkor, hag o arme ganto, war-dro pemzek mil den, kement holl hag a vane eus arme mibien ar reter, rak bez' e oa kant ugent mil den o tennañ ar c'hleze hag a oa kouezhet.

1 Samuel 13:5

Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.

1 Samuel 30:17

David a skoas warno adalek gouloù-deiz betek abardaez an deiz war-lerc'h. Ne dec'has ket unan anezho, nemet pevar c'hant den yaouank a bignas war gañvaled hag a dec'has kuit.