Ar Prezeger 5:16 - Bibl Koad 21: Ar Bibl e Brezhoneg evit ar Vretoned

¹⁶ Setu amañ c'hoazh ur gwall-zroug, evel m'eo deuet ez a kuit, ha peseurt gounid en deus da vezañ labouret evit avel?

Ar Prezeger 5:16 Referencias Cruzadas

Krennlavarioù 11:29

An hini a laka dizurzh en e di en devo an avel da hêrezh, hag an diskiant a vo servijer an hini a zo fur a galon.

Ar Prezeger 1:3

Peseurt gounid a zo d'un den eus an holl labour a ra dindan an heol?

Ar Prezeger 2:11

Ha prederiet em eus war an holl oberennoù o deus graet va daouarn, hag al labour e oan en em roet dezhañ evit o c'has da benn; ha setu pep tra a zo avel ha poan spered, ha n'eus gounid ebet dindan an heol.

Ar Prezeger 3:9

Peseurt gounid en deus un den a labour eus e boan?

Ar Prezeger 5:13

Ur gwall-zroug am eus gwelet dindan an heol: pinvidigezhioù miret gant an hini o ferc'henn evit e walleur.

Izaia 26:18

Koñsevet hon eus, gouzañvet hon eus gwentloù, n'hon eus ganet nemet avel, n'hon eus ket dezouget ar silvidigezh d'an douar, na lakaet da c'henel tud er bed.

Jeremiaz 2:8

An aberzhourien n'o deus ket lavaret: Pelec'h emañ an AOTROU? Diwallerien al lezenn n'o deus ket anavezet ac'hanon, ar vêsaerien a zo en em savet em enep, ar brofeded o deus profedet dre Vaal hag a zo aet war-lerc'h ar pezh a zo didalvez.

Ozea 8:7

Dre ma hadont an avel, e vedint ar gorventenn. N'o devo ket a ed, ar pezh a gresko ne roio ket a vleud, ha mard eus, an diavaezidi a lonko anezhañ.

Sant Marc 8:36

Rak petra a dalvfe d’un den gounit ar bed holl, ma kollfe e ene?

Sant Ian 6:27

Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

1 Korintiz 16:16

bezit sentus ouzh ar seurt tud-se hag ouzh ar re holl a labour hag a gemer poan.

1 Samuel 12:21

Na zistroit ket a-se, rak kement-se a vefe mont war-lerc'h traoù a netra, na rofent gounid ebet deoc'h, ha na zieubfent ket ac'hanoc'h, peogwir ez int traoù a netra.