Apocalyps 4:3 - Bibl Koad 21: Ar Bibl e Brezhoneg evit ar Vretoned

³ An hini a oa azezet a oa heñvel a zoare ouzh ur maen-yalp hag un agatenn-ruz. An tron a oa kelc’hiet gant ur wareg-c’hlav a oa heñvel a zoare ouzh un emrodezenn.

Testamant Nevez 1897 (Jenkins)

³ Hag an hini a oa azezet, a zeblante beza henvel ouz eur mean jasp ha sardoin; hag eur ganeveden a oa en‐dro d’an tron, ha da velet e oa henvel ouz eur mean emeraud.

Apocalyps 4:3 Referencias Cruzadas

Ermaeziadeg 24:10

hag e weljont Doue Israel. Dindan e dreid e oa evel un oberenn safir treuzwelus, heñvel ouzh an neñvoù o-unan en o glanded.

Ermaeziadeg 28:18

an eil renkad: ur skarbouklenn, ur safirenn, un diamant;

Ermaeziadeg 39:11

an eil renkad: ur skarbouklenn, ur safirenn, un diamant;

Izaia 6:1

Ar bloavezh ma varvas ar roue Ozia e welis an AOTROU azezet war un tron uhel ha savet, ha plegoù e zilhad a leunie an templ.

Ezekiel 1:26

A-us d'an astennidigezh a oa dreist o fennoù, e oa ur stumm evel un tron, heñvel ouzh ur maen safir, ha war stumm an tron e oa ur stumm evel doare un den, ouzh krec'h.

Ezekiel 1:28

Doare ar gouloù a skede a bep tu a oa heñvel ouzh doare ar wareg a zo er goabrenn un devezh a c'hlav. Doare stumm gloar an AOTROU e oa. Pa welis, e kouezhis war va dremm, hag e klevis ur vouezh o komz.

Ezekiel 10:1

Sellout a raen, ha setu en astennidigezh a oa dreist penn ar cherubined, en em ziskouezas un neuz heñvel ouzh un tron, evel ur maen safir a-us dezho.

Ezekiel 28:13

en em gavet out bet en Eden, e liorzh Doue, goloet gant mein prizius a bep seurt, kornalin, topaz, diamant, krizolit, oniks, yalp, safir, skarboukl, emrodez hag aour. Oberidigezh an taboulinoù hag ar fleütoù a zo bet du-se, kempennet evit an deiz ma voes krouet.

Apocalyps 10:1

Gwelout a ris un ael all galloudek a ziskenne eus an neñv, gwisket gant ur goabrenn. Bez’ e oa ur wareg-c’hlav a-us d’e benn, e zremm a oa evel an heol hag e dreid evel peulioù tan.

Apocalyps 21:11

ha gloar Doue ganti. He sked a oa heñvel ouzh hini ur maen prizius-meurbet, ouzh ur maen-yalp treuzwelus evel strink.