Apocalyps 3:2 - Bibl Koad 21: Ar Bibl e Brezhoneg evit ar Vretoned

² Bez evezhiek ha kreñva ar pezh a chom hag a ya da vervel, rak ne’m eus ket kavet da oberoù peurvat dirak Doue.

Testamant Nevez 1897 (Jenkins)

² Laka evez, ha krenva ar pez a choum c’hoas hag a zo o vond da vervel; rag n’am euz ket kavet da oberou parfet dirag Doue.

Apocalyps 3:2 Referencias Cruzadas

1 Rouaned 11:4

En amzer kozhni Salomon, e wragez a zistroas e galon war-lerc'h doueoù all, hag e galon ne voe ket eeun e-keñver an AOTROU e Zoue, evel ma oa bet kalon David e dad.

1 Rouaned 15:3

Kerzhout a reas en holl bec'hedoù en doa graet e dad a-raok dezhañ, hag e galon ne voe ket eeun e-keñver an AOTROU e Zoue, evel ma oa bet kalon David e dad.

2 Danevelloù 25:2

Ober a reas ar pezh a zo reizh dirak daoulagad an AOTROU, met ne voe ket gant ur galon beurvat.

Levr Job 16:5

Ho nerzhañ a rafen gant va genoù, ha fiñvadenn va muzelloù ho tinec'hfe.

Izaia 35:3

Kreñvait an daouarn dinerzhet, startait an daoulin semplaet.

Izaia 56:10

An holl gedourien a zo dall, n'anavezont netra. Holl ez int chas mut na c'hellont ket harzhal, emaint o huñvreal en ur chom gourvezet, plijout a ra dezho morediñ.

Izaia 57:12

Reiñ a rin da anavezout da reizhder ha da oberennoù, ha na vo ket ur gounid evidout.

Ezekiel 34:16

Klask a rin an hini gollet, degas a rin en-dro an hini zianket, pakañ a rin an hini dorret hec'h ezel, nerzhañ a rin an hini glañv, met e tistrujin ar re lart ha nerzhus. O feuriñ a rin gant skiant.

Daniel 5:27

TEKEL: pouezet out bet er valañs ha kavet skañv.

Zakaria 11:16

Rak setu ez an da sevel er vro ur mêsaer na welo ket ar re a ya da goll, na glasko ket ar re a zo yaouank, na bareo ket ar re a zo gouliet, na vesaio ket ar re a zo yac'h. Met debriñ a raio a re lartañ, hag e tiframmo diouto betek o ivinoù.

Mazhev 23:5

O holl oberoù a reont evit bezañ gwelet gant an dud. Evel-se o deus fulakterioù ledan ha pempilhoù hir ouzh o dilhad,

Mazhev 25:13

Beilhit eta, rak n’ouzoc’h nag an deiz nag an eur ma teuio Mab an den.

Mazhev 25:7

Neuze an holl werc’hezed-se a savas hag a fichas o lampoù.

Actou an Ebestel 18:23

O vezañ tremenet ur pennad amzer eno, ez eas kuit hag e treuzas rannvroioù Galatia ha Frigia, en ur greñvaat an holl ziskibien.

Adlezenn 3:28

Ro urzhioù da Jozue, kreñva anezhañ, kennerzh anezhañ, rak eñ eo a dremeno dirak ar bobl-mañ, hag a roio da hêrezh dezho ar vro a weli.

1 Pêr 4:7

Diwezh an holl draoù a dosta. Bezit eta fur hag aketus er pedennoù.

1 Pêr 5:8

Bezit poellek, beilhit, rak hoc’h enebour an diaoul a dro war ho tro evel ul leon o yudal, o klask piv a c’hello lonkañ.

Apocalyps 16:15

Setu, e teuan evel ul laer. Eürus an hini a veilh hag a ziwall e zilhad, evit na gerzho ket en noazh ha na vo ket gwelet e vezh.

Apocalyps 2:4

Met un dra bennak am eus a-enep dit: dilezet ec’h eus da garantez gentañ.

Apocalyps 3:1

Skriv da ael Iliz Sardiz: Setu ar pezh a lavar an hini en deus seizh spered Doue hag ar seizh steredenn: Anavezout a ran da oberoù, ar vrud ac’h eus da vezañ bev met marv out.

Apocalyps 3:3

Az pez soñj eta eus ar pezh ac’h eus resevet ha klevet, mir anezhañ hag az pez keuz. Ma ne veilhez ket, dont a rin da’z kavout evel ul laer, ha ne ouezi ket da bet eur e teuin da’z kavout.