Apocalyps 19:18 - Bibl Koad 21: Ar Bibl e Brezhoneg evit ar Vretoned

¹⁸ evit debriñ kig ar rouaned, kig ar gabitened, kig ar re c’halloudek, kig ar c’hezeg hag ar re a bign warno, kig an holl dud, frank ha sklav, bihan ha bras.

Testamant Nevez 1897 (Jenkins)

¹⁸ da zebri kig ar rouane, kig ar c’habitaned, kig ar re c’halloudec, kig ar c’hezec hag ar re a ia var ho c’hein, ha kig an holl, ar re libr hag an esclaved ar re vihan hag ar re vraz.

Apocalyps 19:18 Referencias Cruzadas

Jeremiaz 16:4

Mervel a raint dre varv ar c'hleñvedoù, ne vint na gouelet na sebeliet, met evel teil e vint war-c'horre an douar; distrujet e vint dre ar c'hleze ha dre an naonegezh, hag o c'horfoù marv a vo boued da laboused an neñvoù ha da loened an douar.

Jeremiaz 19:7

Hag e kasin da netra el lec'h-mañ kuzul Juda ha Jeruzalem, hag e rin dezho kouezhañ dre ar c'hleze dirak o enebourien, ha dre zorn ar re a glask o buhez, hag e roin o c'horfoù marv da voued da laboused an neñvoù ha da loened an douar.

Jeremiaz 34:20

o lakaat a rin etre daouarn o enebourien hag etre daouarn ar re a glask o buhez, hag o c'horfoù marv a vo boued da laboused an neñvoù ha da loened an douar.

Jeremiaz 7:33

Korfoù marv ar bobl-mañ a vo boued da laboused an neñvoù ha da loened an douar, ha ne vo den da drubuilhañ anezho.

Ezekiel 29:5

Da deurel a rin d'ar gouelec'h, te hag holl besked da stêrioù, hag e kouezhi war c'horre ar maezioù; ne vi na dastumet na tapet, roet e vi e peuriñ da loened an douar ha da laboused an neñv.

Ezekiel 39:17

Ha te, mab an den, evel-henn e komz an Aotrou AOTROU: Lavar da laboused a bep rumm, ha da holl loened ar parkeier: En em zastumit ha deuit, en em zastumit a bep tu evit an aberzh a ran evidoc'h, un aberzh bras war venezioù Israel, hag e tebrot kig hag ec'h evot gwad.

Mazhev 24:28

E pelec’h bennak ma vo ar c’horf marv, eno en em zastumo an erered.

Sant Lucas 17:37

Respont a rejont dezhañ: Pelec’h e vo, Aotrou? Hag e lavaras dezho: E-lec’h ma vo ar c’horf, eno en em zastumo an erered.

Adlezenn 28:26

Da gorf marv a vo boued holl laboused an neñvoù ha loened an douar, ha ne vo den d'o spouronañ.

Apocalyps 11:18

Ar broadoù a zo taeret ha da gounnar a zo deuet, kenkoulz hag an amzer da varn ar re varv, da c’hopraat da servijerien ar brofeded, ar sent hag ar re a zouj da anv, bihan ha bras, ha da zistrujañ ar re a zistruj an douar.

Apocalyps 13:16

Lakaat a ra an holl, bihan ha bras, pinvidik ha paour, frank ha sklav, da gemer ur merk en o dorn dehou pe war o zal.

Apocalyps 17:16

An dek korn ac’h eus gwelet d’al loen a gasaio ar c’hast, he glac’haro, he diwisko, a zebro he c’hig hag he c’haso da netra gant an tan.

Apocalyps 19:5

Ur vouezh a zeuas eus an tron, o lavarout: Meulit hon Doue, c’hwi holl e servijerien, c’hwi a zouj anezhañ, bihan ha bras.

Apocalyps 6:15

Rouaned an douar, ar re vras, ar re binvidik, ar gabitened, ar re c’halloudek, pep sklavour ha pep den frank en em guzhas er mougevioù hag e reier ar menezioù,

1 Samuel 17:44

Ar Filistin a lavaras c'hoazh da Zavid: Deus da'm c'havout, hag e roin da gig da laboused an neñv ha da loened ar parkeier.

1 Samuel 17:46

Hiziv an AOTROU a lakaio ac'hanout etre va daouarn, da lazhañ a rin, da benn a lamin diwarnout, korfoù marv kamp ar Filistined a roin hiziv da laboused an neñv ha da loened ar parkeier, hag an douar holl a ouezo ez eus un Doue en Israel.